မှိတ်ထားတဲ့မျက်လုံး

 [ငါ/ကဗျာ/စိတ်ဝေဒနာများ-၂၄]

မှိတ်ထားသောမျက်လုံး

မှိတ်ထားသော မျက်လုံးမှာ

ကိုယ်ထည်မပါသော အိပ်မက်တွေ

မှိတ်ထားသော လက်ထဲမှာ

ဗလာလက်ထဲက စိတ်ကမြင်းမူများ

မှိတ်ထားသော မျက်လုံးမှာ

ကိုယ့်ဒဏ်ရာ ကိုယ်ပြန်ခုတ်ထစ်ရင်း ကိုယ်တိုင်ယဇ်ပူဇော်

မှိတ်ထားသော မျက်လုံးမှာ

စိမ်းလန်းမူမဲ့ သံယောဇဉ်တွေဟာ သေ

မှိတ်ထားသော မျက်လုံးမှာ

ကိုယ့်မကျေနပ်မူကို ကိုယ်ပြန်အကြမ်းဖက်

မှိတ်ထားသော မျက်လုံးမှာ

ဇွတ်တရွတ် မိုးပေါ်ပျံတော့

မှိတ်ထားတဲ့မျက်လုံးက ဒြပ်မဲ့။ ။

မှိတ်ထားသော မျက်လုံးမှာ

ကမောက်ကမာနဲ့ အစီအစဉ်မဲ့နေ့စွဲတွေ

မှိတ်ထားသော မျက်လုံးမှာ

ပိုင်ရှင်မဲ့ အမည်မှာ ၁၉ပါသော ပန်းချီတစ်ချပ်

မှိတ်ထားသော မျက်လုံးမှာ

ဇာတ်ဝင်ခန်းထဲ ပုရွက်ဆိတ်တွေ ကမ္ဘာပျက်

မှိတ်ထားသော မျက်လုံးမှာ

လူဝင်ဆန့်ချင်နေသော လူမဆန်ယဉ်ကျေးမူများ

မှိတ်ထားသော မျက်လုံးမှာ

ဒီမိုကရေစီနှင့် ရမ္မက်ထန်ညများ

မှိတ်ထားသော မျက်လုံးမှာ

ပတ်ကြားအက်နေသော ဝါဒများ

မှိတ်ထားသော မျက်လုံးမှာ

မျက်လုံးဟာလည်း ပြန်ဖွင့်မရနိူင်တော့

မှိတ်ထားတဲ့မျက်လုံးက မျက်လုံးသေ။

Sep 7.2020

Minsetwai

မနက်ဖြန်မုန်းတီးရောဂါ

[ငါ/ကဗျာ/စိတ်ဝေဒနာများ-၂၂]-Minsetwai
မနက်ဖြန်မုန်းတီးရောဂါ

မေတ္တာတရားနဲ့ စပ်လျဉ်းတဲ့ အကြောင်းပြချက်တွေထဲမှာ
မသိချင်ယောင်ဆောင်ထားကြသော
အသုံးမကျသော အပိုင်းအစခပ်များများနဲ့ လူတစ်ချို့
ပြီးတော့ သူတို့ရဲ့ အပေါ့အငန်မြည်းစမ်းမူကို
ငြင်းဆန်ခွင့် မရှိနိူင်သောငါ
ထိုကစားဝိုင်းထဲမှာ
သေချင်ယောင်ဆောင်နေသည့် မှောက်ထားသောဖဲချပ်ကိုယ်စီများ
ဒါက ဥုံဖွကင်းမဲ့ဇုန် သို့ ဆောရီးကန့်သတ်ဇုန်
ကြိုးဆွဲချင်သူ မရှိလောက်သော ရုပ်သေးပျက်ငါပုံကို
ဝိုင်းရယ်လိုက်ကြပုံက တဟီးဟီး တဟားဟား။

နောက်ထပ် ခြေချော်လက်ချော်ဖြစ်မယ့်နေ့တွေ
လွှင့်ပစ်ချင်မိလည်း
အချို့က ၅၂၈မျက်နှာဖုံးကို သုံးလို့
လက်ထဲက ထောင်ချောက်မောင်းခလုတ်ကို ပွတ်သပ်ယုယနေပြန်တာ
စုစောင်းထားခဲ့တဲ့ အသိညဏ်တွေတောင် ပွန်းပဲ့ကျိုးပျက်ခဲ့ရ
အဲဒီအနာတရက ပုံစံခွက်အားလုံးနဲ့ လွဲချော်
စိတ်ကူးထဲထိ ဦးနှောက်ကင်းမဲ့သူ ဖြစ်နေရသလိုလို
သူရဲကောင်းတို့ လျှောတ်နေကြသောလမ်းကို
နောက်ပြန်ကျောခိုင်း လျှောတ်ချင်မိတော့တာ။

တိတ်တိတ်ကလေး မနေတတ်တော့တဲ့နောက်မှာလည်း
ငါ့နာမ်မှာ မီးလျှံတွေ ကပ်ငြိမျောပါ
ဘယ်သူ့ပစ္စူပ္ပန်မှာမှ ငါမပါခဲ့ပါ
ငါ့ဝတ်ထားရမှာက
မနက်ဖြန်ဆိုတဲ့ အင်္ကျီနဲ့
ငါရဲ့ လူမုန်းများတဲ့စကားလုံးတွေမို့
မနက်ဖြန်ထဲမှာ ငါမလျှောတ်ရဲတော့တဲ့အခါ
မနက်ဖြန်က ငါ့ေ့ရှမှာ
ခေါ်က်တုန့်ခေါ်က်ပြန် လမ်းသလားပြနေတော့တာ။
Aug3.2020
Minsetwai

ဂျိုကာ

[ငါ/ကဗျာ/စိတ်ဝေဒနာများ-၂၃]-Minsetwai

ဂျိုကာ

ငါလား
ရယ်မောခြင်းကို ရပ်တန့်မရတဲ့ ရောဂါသည်
ဦးနှောက်ပျက်နေတဲ့ မွေးစားအမေရဲ့လိမ်ညာမုသားများမှာ
စိတ်အစွဲလမ်းဖြစ်စေတဲ့ ရောင်စုံခြယ်
စာနာတတ်သူတစ်ချို့ရဲ့ ရင်တွင်းစကားတွေလည်းကြားတယ်
ငါရယ်မောခဲ့ရတယ်
အားရပါးရကို ငါရယ်မောခဲ့ပါတယ်။

ငါ့ရဲ့ ကိုယ်ပိုင်ဟာသတွေ ချပြချင်မိ
အများစုက ငကြောင်ကြီးတဲ့ အားပေးလိုက်ကြပုံများ
အမှိုက်ပုံးတွေ့တိုင်း ခြေထောက်နဲ့ပြေးကန်ရင်း
ကယောင်ကတမ်းနဲ့ အိမ်ပြန်လာခဲ့တယ်
အိမ်ရောက်တော့ ငါ့ဟာသပြဇာတ်ကို အစမ်းကျင့်
လက်ထဲကသေနတ် ကျည်ဆန်လွှတ်ခနဲထွက်
အမေကလည်း ထိတ်လန့်
အဲဒီဟာသပြဇာတ်အတွက်
ငါဟာ ဟာသပညာရှင် ဖြစ်သင့်ပါရဲ့လေ။

ငါလား
ဘယ်မသန်ဘဲနဲ့ စာကိုဘယ်နဲ့ရေးတဲ့ကောင်
စာလုံးတွေက မညီမညာနဲ့ ဟာသယောင်ဆောင်
ငါဟာ မရယ်ရလို့တဲ့ အလုပ်ဖြုတ်ခံလိုက်ရတဲ့ကောင်
ရထားစီးပြီး ပြန်လာခဲ့ရပြန်ပေါ့
ရထားပေါ်မှာလည်း သဘောကျစရာက တစ်ခုမှကိုမရှိ
ငါ အသကုန် ငါရယ်မောမိ
လူရှုပ်တွေရဲ့ ကန်ချက်တွေ ပလူပျံထတဲ့အထိ
ရယ်မောခြင်းကို ငါ ရပ်တန့်မရတော့
သိပြီ သိပြီ ငါ့သေနတ် မင်းတို့အတွက်ပါနော်
ကဲ ခုတော့ ရယ်စရာဖြစ်သွားပြီပေါ့
ကြည့်လေ မင်းတို့ရဲ့မလှုပ်မယှတ်ဖြစ်သွားပုံကိုက ရယ်စရာ။

အိုး ဟိုမှာ စာတန်းလေးတစ်ခုပါလား
Don't forget to smileဆိုပါလား
ဟာသပဲ
Forget toကို ဆော့လ်ပင်နဲ့ဖျက်စီးပစ်လိုက်တယ်
ငါက ဟာသဖန်တီးရှင်ပဲကွဲ့
ငယ်ငယ်ကဖြစ်ချင်စိတ်လေးကို
လူတွေအားရပါးရ ရယ်မောလိုက်ကြတာ မှတ်မိပေါ့
အခုတော့ ငါက ဟာသပညာရှင်ဖြစ်ခဲ့ပါပြီ
ဆိုတော့ လူတွေမဲ့ရွဲ့ကုန်ကြပြန်ရော
လုံးဝကိုမရယ်မောကြတော့
ဘယ်လိုလဲဟ..အင်း...ငါသဘောကျလိုက်ရတာ
ငါရယ်ပြီပေါ့
အားရပါးရကို ရယ်မောပစ်လိုက်မိတာပေါ့
ငါ့ရယ်တော့
လူတွေက လိုက်ရယ်မောကြပြန်တာပေါ့
ခက်တော့ခက်နေပြီပေါ့
ဘယ်လိုဟာသမျိုးက
ငါ့ကို ဟာသပြန်လုပ်နေကြပါလိမ့်နော်။
(နိူင်ငံခြား ဂျိုကာ ရုပ်ရှင်ဇာတ်ကားကို ကြည့်ရှုပြီးနောက် အတွေးပေါ်ခံစားမိခြင်း ဖြစ်ပါသည်။)
Aug8.2020
#Minsetwai

[ငါ/ကဗျာ/စိတ်ဝေဒနာများ-၁၉]-Minsetwai

ပင်လယ်တစ်ရာ တောင်တစ်ထောင်

အတိတ်ခြေရာတွေ
ဖျောက်ပစ်လိုက်လည်း ကိစ္စမရှိ
ရင်ထဲ ဆီမီးက ထိန်ထိန်သာဆဲ
မြစ်ကျိုးအင်းတစ်ခုလို
အဆက်ပြတ်စေခဲ့လည်း ကိစ္စမရှိ
ဗေဒါတွေအစား ကြာပန်တွေ လှိုင်လှိုင်ဝေဆဲ
ပိုင်ဆိုင်မှုက နေရာလွှဲပြောင်း
ရယူသွားခဲ့လည်း ကိစ္စမရှိ
တန်ပြန်မူတရားတွေက
ခေတ်အဆက်ဆက် ပဲ့တင်ထပ်ဆဲ။

ပျင်းတိုင်းလည်း
ကဗျာတွေကို အလွမ်းနဲ့ စပ်ဖောက်မယ်
ကိုယ်တိုင်ပုံဖော်ခဲ့မိတဲ့ ရှည်လျားညတွေမှာ
ဗီဒီယိုတွေ ခပ်များများကြည့်မယ်
မွန်းကြပ်ခြင်းတွေတောင်
ရုပ်ဝထ္ထူအပေါ် မတွယ်တာတော့
လွတ်လပ်ခြင်းမရှိတဲ့ နေ့ရက်တွေထဲ
ငါ့ကိုယ်ငါ့လည်း ဖမ်းချုပ်မထည့်တော့
အချစ်ဆိုတာလည်း မမက်မောတော့
မလှပစွာနဲ့ဆိုတော့ အချစ်သည်လည်း
ပင်လယ်တစ်ရာ တောင်တစ်ထောင်။
Jul 5.2020
Minsetwai

သစ်ရွက်နဲ ့လေပြင်းများ

[ငါ/ကဗျာ/စိတ်ဝေဒနာများ-၁၀]_Minsetwai
"သစ်ရွက်နဲ ့လေပြင်းများ"

အတိတ်ရဲ့ ဥပစာထဲမှာ
မြေခွေးတစ်ကောင်ရဲ့ မျက်လုံးဟာ
ဘယ်တုန်းကများ တဝင်းဝင်းလတ်နေတာ
မြင်ဖူးလို ့လဲ။

အဲဒီကောင်က သူတို ့အသေသတ်တာတောင်
တိုးတိတ်စွာနဲ ့ပဲ နာကျင်ခြင်းကို
ရင်ထဲမှာ ချက်ချင်းပွင့်ဝေကြွေပစ်လိုက်တဲ့ကောင်
ကုန်သွားတဲ့ သဲတစ်ဆုပ်စာအတွက်လည်း
နောက်ထပ် သဲတစ်ဆုပ်ကို ဖမ်းဆီးမထားချင်တဲ့ကောင်
ကျောတွေရင်တွေ ဘီလူးဆိုင်းတီးခံရတာတောင်
ရသစုံဖြစ်ရပ်တွေနဲ ့ စိတ်ကူးထဲမှာသာ ယောက်ယက်ခတ်ရင်း
ဆန် ့ကျင်ဘက်ကခြေသံတွေ
အဇ္ဈတ္တထဲထိရောက်အောင်
လက်သည်းစိပ်မလပ် အစူူးခံပြခဲ့
ဒါဓမ္မဓိဋ္ဌာန်မကျဘူးလို ့ ညည်းရင်း ညည်းရင်းနဲ ့
ဋ္ဌာန်းကရိုဏ်းမဲ့ စာနာမူများ
နတ်ဆိုးများရဲ့ မီးတမြိုက်မြိုက်ဂီတ
ဆန်ချင်သလောက် ဆန်နေလိုက်ကြ
ဒီအချိန် ဒီကာလနဲ ့ ဒီဒေသ
ငါ ပိုင်ဆိုင်တဲ့ ကန္တရ။

အထင်သေးမူကို သပ်သပ်ရပ်ရပ်လေးထုပ်ပိုးထားပြီး
တိတ်တဆိတ်လေး ငေးကြည့်ကြ
မချိပြုံးလေးလည်း ပြုံးထား
ဒါက ခင်ဗျားတို ့ပိုင်တဲ့ အိုအေစစ်ဘဝ။

Jan 22.2020
Minsetwai
____________________________________

[ငါ/ကဗ်ာ/စိတ္ေဝဒနာမ်ား-၁၀]_Minsetwai
"သစ္ရြက္နဲ ့ေလျပင္းမ်ား"

အတိတ္ရဲ့ ဥပစာထဲမွာ
ေျမေခြးတစ္ေကာင္ရဲ့ မ်က္လံုးဟာ
ဘယ္တုန္းကမ်ား တဝင္းဝင္းလတ္ေနတာ
ျမင္ဖူးလို ့လဲ။

အဲဒီေကာင္က သူတို ့အေသသတ္တာေတာင္
တိုးတိတ္စြာနဲ ့ပဲ နာက်င္ျခင္းကို
ရင္ထဲမွာ ခ်က္ခ်င္းပြင့္ေဝေႀကြပစ္လိုက္တဲ့ေကာင္
ကုန္သြားတဲ့ သဲတစ္ဆုပ္စာအတြက္လည္း
ေနာက္ထပ္ သဲတစ္ဆုပ္ကို ဖမ္းဆီးမထားခ်င္တဲ့ေကာင္
ေက်ာေတြရင္ေတြ ဘီလူးဆိုင္းတီးခံရတာေတာင္
ရသစံုျဖစ္ရပ္ေတြနဲ ့ စိတ္ကူးထဲမွာသာ ေယာက္ယက္ခတ္ရင္း
ဆန္ ့က်င္ဘက္ကေျခသံေတြ
အဇၩတၱထဲထိေရာက္ေအာင္
လက္သည္းစိပ္မလပ္ အစူူးခံျပခဲ့
ဒါဓမၼဓိ႒ာန္မက်ဘူးလို ့ ညည္းရင္း ညည္းရင္းနဲ ့
႒ာန္းကရိုဏ္းမဲ့ စာနာမူမ်ား
နတ္ဆိုးမ်ားရဲ့ မီးတျမိဳက္ျမိဳက္ဂီတ
ဆန္ခ်င္သေလာက္ ဆန္ေနလိုက္ႀက
ဒီအခ်ိန္ ဒီကာလနဲ ့ ဒီေဒသ
ငါ ပိုင္ဆိုင္တဲ့ ကႏၲရ။

အထင္ေသးမူကို သပ္သပ္ရပ္ရပ္ေလးထုပ္ပိုးထားျပီး
တိတ္တဆိတ္ေလး ေငးႀကည့္ႀက
မခ်ိျပံဳးေလးလည္း ျပံဳးထား
ဒါက ခင္ဗ်ားတို ့ပိုင္တဲ့ အိုေအစစ္ဘဝ။

Jan 22.2020
Minsetwai
____________________________________

စိတ် တွန် ့ကြေမူ

[ငါ/ကဗျာ/စိတ်ဝေဒနာများ-၈]_Minsetwai

"စိတ် တွန် ့ကြေမူ"

မီးလောင်ရာ လေပင့်ပေးနေသော နေ ့များ
အပ်နဲ ့ထွင်းကြည့်ရင်း
ပုဆိန်နဲ ့ ထွင်းကြည့်ရင်း
သွေးလေခြောက်ခြားနေရတဲ့ ငါ။

အမှားမကင်းသော လူတစ်ယောက်၏ထောင့်ချိုး
မျက်နှာချိုမသွေးပြခဲ့မိ
ပေါ်က်ပန်းလေးဆယ်များနဲ ့အတိတ်အနာများ
အသံမပါတဲ့ဂီတလို နားထဲရုန်းရင်းဆန်ခတ်မို ့
တစ်ကိုယ်စာပါပဲ မီးခိုးထွက်နေခဲ့တဲ့ ငါ။

ထောင်ကျနေလိုက်ပါရဲ့
ငါ့ကိုယ်ငါလည်း သော့အထပ်ထပ်ခတ်ရဲ့
ရမ္မက်တွေက အစ
အဇ္ဈတ္တတွေ အဆုံးထိ
အခြားအခြားသောသူတို ့၏
တစ်နေ ့တည်း ရာသီသုံးခါ ပြောင်းမူ ကြုံနေပါစေဦး
အမှန်တရားက နေ ့ခင်းကြောင်တောင်ထဲလည်း
လင်းစေချင်နေမိတဲ့ ငါ။

အနှိမ်ခံဇာတ်သရုပ်ဖော်ပုံအရ
ကျောကဒဏ်ရာတွေကို ကော်ပီကူး
ဦးနှောက်တွေးခေါ်မူမဲ့ဖူးတဲ့ နှလုံးသားအိမ်ထက်
စိတ်ချို ့ယွင်းစွာနဲ ့ paste ပြန်ချကြည့်လိုက်တယ်
စေတန်ရဲ့ နေ ့ရက် ဆိုး ဖန်တီးမူများမှာ
အဆုံးစီရင်ချင်စရာ ကောင်းလောက်အောင်ပါပဲ
မျက်ကန်းတစေၧပုံစံနဲ ့ ငါ့မှာ ဒယီဒယိုင်ဖြစ်ရင်း
လူတွေထဲ လူတွေနဲ ့
အဆက်ပျက်နေမိတဲ့ ငါ။

4:30AM
Jan 6,2020
Minsetwai

ဘီးများ

[ငါ/ကဗျာ/စိတ်ဝေဒနာများ-၇]_Minsetwai

"ဘီးများ"

'လ' က ကားနောက်က ဖြည်းဖြည်းချင်း
ကြယ်တစ်ချို ့ကတော့ ဘယ်ဘဝ ဘယ်ဌာန
တိုးလာတဲ့ လေပြေထဲ အမောပြေနမ်းရှိုက်ချင်တယ်ဆိုမှ
ရာဘာနံတွေကလည်း တထောင်းထောင်းထတယ်။

ကားကတော့ သူ ့သခင်အတိုင်း မူးလို ့
အသက်ကို ဖက် နဲ ့ထုတ်ပြီး
ဝမ်းစာရှာရတဲ့ဘဝတဲ့လား
မုန်းတယ်။

နှာခေါ်င်းနားသီနေတဲ့ အန္တာရာယ်ရနံကြား
ကိုယ့်အသက် သူများလက် ဝကွက်အပ်ထားရတာ
စိတ်မနှံချင်ဘူးရယ်။

လူတွေမှာ
ကိုယ်ချင်းစာတရားဟာ
အောက်က ကားဘီးလို
တဝီဝီလည်နေရင် သိပ်ကောင်းမယ်။

ဒီစကား
လ က လွဲလို ့
ဘယ်သူမှလည်း မကြားစေချင်ပါဘူး။

အားလုံးက
ငါဟာ ငါ့ကိုယ်ငါတော့ အကောင်းမြင်တတ်သူလို ့
တွေးထင်နေမှာလောက်
ငါ ရှက်ရွံတာ မရှိသေးဘူးရယ်။


နေပါစေတော့
ကားဘီးဟာ
ကားဘီးအတိုင်းပဲ လည်နေပါစေတော့လေ။

Jan1,2020
Minsetwai

ပုံစံမကျသော ပုံစံခွက်

[ငါ/ကဗျာ/စိတ်ဝေဒနာများ-၆]_Minsetwai
"ပုံစံမကျသော ပုံစံခွက်"

ဘယ်သူ့ကိုမှ မရည်စူးမိဘူး
ငါဟာ ပြတိုက်
ရာစုနှစ်များစွာထိကို ပေါက်လွတ်ပဲစားနိူင်တယ်။

ဘေးကျပ်နံကျပ်ထဲ ငါ့ကိုပစ်ချလိုက်တဲ့နောက်
'မင်းဘာတတ်နိူင်သေးလဲ'တဲ့
ငါ နေသားကျအောင် ကြိုးစားနေတယ်။

လှောင်ချိုင့်လား
အပြင်က စောင့်ကြည့်နေတဲ့သူတွေကိုပဲ သနားတယ်
နာရီလက်တံတွေမှာ သူတို ့ပျောက်ဆုံးနေတယ်။

အင်အားကြီးမှ အနိူင်ထယူတတ်တဲ့
လူတွေက သူရဲကောင်းတဲ့
ဘဝမှာ ဆေးမြီတိုတွေလည်း မလိုချင်တော့။

ချွင်းချက်တွေကိုတော့ အပြဲမမြင်အောင်ချုပ်ကြ
ဒီလိုနဲ ့ ကိုယ့်ထောင်တဲ့ထောင်ချောက်မှာ
ကိုယ်ပြန်မိနေကြရပြန်ပြီကော။

ငါက သိပ်ရွံတတ်သူ
ဒီတော့ အပြင်မထွက်တော့
ငါ့ကိုယ်ငါပဲ 'လ' သာထားရင်း
ထည့်ထားတဲ့ ချိုင့်ခွက်ထဲ
အအိပ်မက်နေလိုက်ပါတယ်။
Jan1,2020
Minsetwai

ပန်းချီ
#SnowHninn

အကွာအဝေးပစ္စုပ္ပန်

[ငါ/ကဗျာ/စိတ်ဝေဒနာများ-၄]_Minsetwai

"အကွာအဝေးပစ္စုပ္ပန်"

ဒုတိယမြောက် ကျရှုံခြင်းမှာ
မိုးတိမ်တွေတောင် ဝတ်လစ်စလစ်
အခြေအနေနဲ ့ အချိန်အခါတစ်ခု
နောက်ဆုံးအကြည့်တွေ ပုန်းလျိ ုးကွယ်လျိ ုး
ချစ်မေတ္တာတို ့ ညကိုလမ်းသလားဖို ့
သူ ့ဘက်ကိုယ်ဘက် ငဲ့ကွက်ရင်းပျက်
အပိုင်မဟုတ်တော့တဲ့မျော်လင့်မနက်ဖြန်တွေ
ကိုယ်ရည်သွေးတီးလုံးတွေ မတီးခတ်ရဲ
ရှက်ရွံမူ နဲ ့ ဒုတိယငါ
ဘဝနာနေတဲ့ လက်နဲ ့လှေနံဓားထစ်ထား
အနမ်းတစ်ချက်တောင် မရထိုက်မိပေမယ့်
အခါခါနမ်းမိခြင်းမှာတော့ ဆုမွန်ကောင်းတွေနဲ ့ပေါ့။

သိပ်အဆင်မပြေဘူး ကျကွဲလိုက်ချင်ရဲ ့
မဖြစ်ဘူး ကျကွဲစရာ နေရာကမရှိဘူး ကလေး
မချိုမြိန်သော ကိုယ်ထူကိုယ်ထ ဘဝ
လမ်းလွှဲဘက်ကသွားတာကိုပဲ
ရင်နာနာငေးရတာပါ
ဒုတိယအကြိမ်က
ငါ့ကိုယ်ငါ ပစ်ပယ်လိုက်ခြင်းနဲ ့ နားလည်မူ
သူစိမ်းဆန်ခံရတဲ့ နှလုံးသား
ခဏလောက် နမ်းရှိုက်ပွေ ့မှာ ဖြေရင်း
ကြိုးတွေထဲ နစ်မွန်းသွားမလား
ကျယ်ကျယ်ပြန် ့ပြန် ့နဲ ့ပျော်ရွှင်စွာ
ဆော့ကစားနေတာ ကောင်းရဲ ့
ငါက မင်းသိခွင့်မရနိူင်တဲ့ ငါ
အလိုက်အထိုက်တို ့ထဲမှာ
ချောင်းကြည့်ခွင့်တွေကို ကြိုးစားဖွင့်ရင်း။


Dec8.2019
Minsetwai

ခရာသံတစ်ခုအကြောင်း

"ခရာသံတစ်ခုအကြောင်း"

အရှုံးကို ကြိုတွေးတာဟာ
အောင်မြင်မူရဲ့လမ်းစ 
မဟုတ်ဘူးဆိုရင်တောင်
ဒါဟာ လောကဓံပါးဝဖို့
ညှင်ညှင်သာသာမှုတ်လိုက်တဲ့ 
ကိုယ်ပိုင်ခရာသံတစ်ခုပဲ ဖြစ်တယ်မိတ်ဆွေ။

မြင်ဖူး၊ ကြားဖူးတယ်
သစ်ရွက်တွေကြွေခြင်းမှာ
ခရာသံတွေ စီစီဝေ...

ဖျာတစ်ချပ်ပေါ်က အိပ်မက်နိဒါန်းမှာတော့
အနိူင်တွေ ဖြန့်ကြဲထားတဲ့
ကြယ်တစ်သိုက်ရဲ့ ညတွေနဲ့...

သူတို့မှာ သံမဏိတံတိုင်းတွေရှိမယ်
စစ်ရေထူနေတဲ့ အကောင်းဆုံး
စီးတော်ဖိနပ်တွေရှိမယ်
ရန်သူကို အနိူင်ပိုင်းဖို့ 
အကောင်းဆုံး လျိုဝှတ်မဟာဗျူဟာတွေနဲ့အတူ
သူရဲခိုမှာ ကောင်းသတင်းတွေကလည်း 
ဝေဝေဆါဆာရှိမယ်
ဝပ်ကျင်းတွေထဲမှာလည်း အသာစီးရခဲ့တဲ့ 
အတိတ်သမိုင်းတွေ ရှိသေးတယ်
အနာဂတ်မှာလည်း 
လှပလွန်းတဲ့ အင်ပါယာကြီးနဲ့..ပေါ့ ။


ဒါပေမယ့် မြင်းကောင်ခွာလိပ်ပုံပြင်တွေ
သမုဒ်ထဲက ခမ်းနားကြီးကျယ်စွာ နစ်မြှပ်သွားသော 
မထင်မှတ်ရင့်နစ်စရာဖြစ်အင်​တွေ
ပုံပြင်လှလှလေးဆိုတာထက်.......
ခရာသံမမဲ့ဖို့ ကဗ္ဘည်းတင်ထားတဲ့
ပေလွှာတွေ ဖြစ်ကောင်းဖြစ်နေကြပါစေ...။

အင်း...အရှုံးနဲ့ 
ကျုပ်သာ ကြုံခဲ့ရရင်တော့
ဒါဟာ လောကဓံပါးဝဖို့
ညှင်ညှင်သာသာမှုတ်လိုက်တဲ့ 
ကိုယ်ပိုင်ခရာသံတစ်ခုပဲဖြစ်ကြောင်း
ကျုပ်ရင်ဘတ်ထက်မှာ 
အလံခပ်လွှင့်လွင့်ထူလိုက်မယ်....။

လောကမှာ..
မကြားလိုက်မိတဲ့..
ခရာသံတွေကိုလည်း..
ကျုပ် တီးတိုးနူတ်ဆတ်စကားဆိုလိုက်မယ်
(ညှင်သာလွန်းတဲ့ ခရာသံနဲ့...)။

Nov21.2019
Minsetwai