Number-43

#Number 43 #XLIII နံပါတ် ၄၃သည် မှော်အတတ်ဆိုင်ရာများ၊ နက္ခတ်ဗေဒင်ဆိုင်ရာများ၊ ဂဏန်းသင်္ချာဆိုင်ရာများ၊ ဝိညာဉ်ရေးရာများကို စိတ်ဝင်စားသော သဘောသဘာဝရှိသည်။ ၄၃ကို ပညာရှင် အများစုက ကံမကောင်း အကြောင်းမလှသော နံပါတ်ဟု သတ်မှတ်ကြသည်။ ထိုဂဏန်း၏ စရိုက်တွင် တော်လှန်ပုန်ကန်ခြင်း၊ ထကြွလှုပ်ရှားခြင်း အန်တုဖတ်ပြိုင်ခြင်း၊ အရေးနိမ့်ခြင်းနှင့် အနှောင့်အယှတ်များခြင်းတို့ ပါဝင်ဆက်စပ်နေသည်။ ရုပ်ပိုင်းဆိုင်ရာ အားနည်းမူကိုလည်းပြသည်(နံပါတ်၇တွင် တခါတရံစိတ်ဆောင်၍ ကိုယ်မပါသောအချက်နှင့် ယှဉ်ကြည့်သင့်သည်။)။ အိန်ဂျယ်နံပါတ်များတွင်မူ ဝိညာဉ်ရေးရာ၌ အင်အားကောင်းမွန်မူကို ပြဆိုသည်။ ထိုနံပါတ် ၄၃နှင့် သက်ဆိုင်သော သူများမှာ သူတို့ဘဝမှာ အချိန်နဲ့အမျှ အခြေအနေ အမျိုးမျိုးတို့တွင် နေ့စဉ်ကြုံတွေ့ရမည့် ပြဿ နာနှင့် အခက်အခဲတို့ကို မည်သို့ဖြေရှင်းရသည်ကို ဂရုတစိုက် လေ့လာကြရမည်။ များသောအားဖြင့်မူ သူတို့သည် အခက်အခဲတရပ်ရပ်ကို မဖြေရှင်းမီ ထိုအခြေအနေနှင့် ပတ်သက်သည့် အရာအားလုံးကို ဆန်းစစ်လေ့လာတတ်ကြပြီး ဖြစ်နိူင်ချေများကို နိူင်းယှဉ်၍ အဖြေထုတ်တတ်ကြသည်။ ထိုသို့အဖြေထုတ်နိူင်ရန်မှာ သူတို့ဘဝ၏ အချိန်နှင့်အမျှ တွေ့ကြုံလာခဲ့သည့် အခက်အခဲမြောက်မြားစွာတို့သည် သူတို့ မည်သို့မည်ပုံ ပြန်လည်ဖြေရှင်းရမည်ကို သင်ကြားပြသပေးခြင်းပင် ဖြစ်သည်။ ခက်ခဲသောရာများသည် မကြာခဏ သူတို့ဆီ ရောက်လာနေကြမည်ဖြစ်ရာ နေ့စဉ်တိုင်းမှာ ထိုအခက်အခဲများကို မဖြေရှင်းပဲ ချန်ထားခဲမည်ဆိုပါက နောင်တချိန်မှာ အခက်အခဲများအားလုံး စုဝေးပုံလာရကာ သူတို့၏ ကောင်းမွန်သောအနာဂတ်ကို ဖျတ်စီးလိမ့်ကြမည် ဖြစ်သည်။ ထိုကြောင့် အခက်အခဲများကိုရင်ဆိုင်ဖို့ အားအင်ပြည့်ဝနေဖို့လိုသည်။ ထိုအတွက် နေ့စဉ်ကြုံတွေ့နေရသော အဖြစ်အပျက်များမှတဆင့် လေ့လာသင်ယူပါ။ ဘဝသည် ခက်ခဲသော်လည်း ယင်းကိုဖြတ်ကျော်၍ မိမိပန်းတိုင်ကို အကောင်အထည်ဖော် ဆောင်ရွက်နိူင်သည်ဟု အမြဲယုံကြည်ထားရမည် ဖြစ်သည်။ ၄၃သည် အရာရာပေါ်တွင် လက်တွေ့ကျကျ ခွဲခြမ်းစိတ်ဖြာတတ်သော ဗီဇရှိကြပြီး သူတို့၏ ကောင်းမွန်သော အာရုံစူးစိုက်နိူင်စွမ်းကြောင့် သူတို့၏အတွင်းစိတ်မှာ အားအင်ဖြစ်တည်နိူင်သည်။ တစ်နည်းအားဖြင့် ထိုနံပါတ်သည် ထိုးထွင်းသိမြင်တတ်သော ညဏ်ပညာ၏စွမ်းအားပင် ဖြစ်သည်။ ထိုစွမ်းအားသည် သူတို့ကို ရုပ်ဝါဒ၌ စွဲလမ်းမူမဖြစ်ပေါ်အောင် ကားစီးထားပေးသည်။ ၄၃တို့သည် ပျော်ရွှင်မူဆိုသော ဝေါဟာရအား နားလည်မူလွဲမှားစွာဖြင့် မတည်ဆောက်သင့်။ ဘဝတစ်သတ်တာ၌ အောင်မြင်ဖို့ အခွင့်အရေးနည်းသည်ဆိုသော်လည်း မိမိဘဝ၏ ရည်မှန်းချက်ပန်းတိုင်ကို ချမှတ်ထားရမည်(နံပါတ်၇တွင် ငယ်စဉ်ကတည်းက စိတ်ဓာတ်ကြံခိုင်ဖို့အတွက် လေ့ကျင့်ထားဖို့လိုကြောင်း ဆွေးနွေးထားချက်နှင့် ယှဉ်ကြည့်ပါ။)။ ဘဝကို အကောင်းမြင်သောစိတ်ဖြင့် ရှင်သန်ရမည်။ အရာရာကိုတွေးတောဆင်ခြင်၍ လုပ်ကိုင်ရမည်။ ချစ်ခြင်းမေတ္တာတရားဖြင့် နေထိုင်ရကြရမည် ဖြစ်သည်။ မိမိတို့ဘဝ၏ လုပ်ဆောင်ချက်တိုင်းကို စိတ်အားထက်သန်မူဖြင့် လည်ပတ်မောင်းနှင်ရမည်။ ဘဝတွင် မည်သို့သောကိစ္စမျိုးကို ကြုံတွေကြပါစေ။ စိတ်အားထက်သန်မူ သူတို့ဘဝထဲက မပျောက်ပျက်သွားဖို့သည်သာ အရေးအကြီးဆုံးအချက် ဖြစ်သည်။ ပြီးလျှင် ဆိတ်ငြိမ်သောနေရာများတွင် နေထိုင်ကြသင့်သည်။ အမည်ဂဏန်းပေါ်င်းစပ်မူတွင် ၄၃ရရှိပါက မကောင်း။ ထိုအမည်သည် ရုပ်ပိုင်းရော၊ စိတ်ပိုင်းရော အားနည်းလှသော အမည်ဖြစ်သည်။ အမည်တွင် ပေါ်င်းလဒ် ၄၃ရရှိခြင်းအားဖြင့် အိမ်ထောင်ရေး၊ အလုပ်အကိုင်၊ စီးဟွးရေးဆိုင်ရာများတွင် အောင်မြင်မူကိူ မရတတ်ကြ။ အရှုံးကိုသာ တွေ့ကြုံကြတတ်သည်။ [မှတ်ချက်။ ။ နံပါတ် ၇တွင် ဆုံးဖြတ်ချက်အမှားကြောင့် ဆုံးရှုံးမူများ ကြုံရတတ်သည်ဟု ဖော်ပြထားချက်ရှိသည်။] ထိုနံပါတ်၏ အဓိပ္ပါယ်သည် ချစ်ခြင်းမေတ္တာနှင့် ငြိမ်သက်ခြင်းဟူသော အသွင်ကိုဆောင်သည်။ သူတို့သည် ရုပ်ဝထ္ထူများအပေါ် စိတ်ဝင်စားခြင်းမရှိတတ်ကြ။ တခါတရံတွင် မည်သည့်အရာကိုပဲလုပ်လုပ် သူတပါးကောင်းကျိုးကို ရည်ရွယ်လုပ်ကိုင်ကြသည်။ လူတစ်ဦးတစ်ယောက်သည် မကြာခဏဆိုသလို ၄၃နှင့် ကြုံတွေ့နေရသည်ဆိုလျှင် ယင်းမှာ ကိုယ်ရည်ကိုယ်သွေး တိုးတတ်ဖွံဖြိုးမူနှင့် ဖန်တီးမူနယ်ပယ်များ ပိုမိုအားကောင်းလာကြောင်းကို ပြဆိုသည်။ လူတို့၏ခံစားချက်များအပေါ် နားလည်မူစွမ်းရည်များ ပိုမိုမြင့်မားလာသည်ကို ထူးခြားစွာ မြင်တွေ့ရမည်ဖြစ်သည်။ အနာဂတ်တွင် ဆိုကျိုးရစေတတ်သည်ကမူ အကြံအစည်များလွဲချော်တတ်ခြင်း၊ ေ့ရှတိုးမရ၊နောက်ဆုတ်မရသော အခြေအနေများနှင့် ကြုံရတတ်ခြင်း၊ အရှုံးပေးလိုစိတ်များဖြစ်ပေါ်တတ်ခြင်းမျိုးကို ကြုံရတတ်သည်။ အကယ်၍ ထိုဒုက္ခမှ လွန်မြောက်ပြီးလျှင်မူ သုခတရားသည် ထိုသူတို့အတွက် ကျိန်းသေပေါ်က် ရောက်ရှိလာပါလိမ့်မည်။ ငွေကြေးများ မကုန်သင့်ဘဲ ကုန်ကျ၍ အလေအလွင့်၊အပျက်အစီးများတတ်သည်ကိုလည်း သတိပြုဖို့ လိုပါသည်။ ထိုနံပါတ်နှင့်ဆိုင်သူများတွင် သူငယ်ချင်း အနည်းငယ်မျှသာ ရှိတတ်ကြသည်။ ထိုသူငယ်ချင်းများအပေါ်မှာလည်း အလွန် ခင်မင်တတ်သည်။ ဒုက္ခရောက်လျှင်လည်း ကူညီပေးတတ်သည်။ သို့သော်လည်း လူအများစုက နားမည်နိူင်ကြသလို နားလည်မူလည်း မပေးကြ။ ထိုသူတို့၏ အာရုံစူးစိုက်မူကို ခံရဖို့အတွက်မှာ မိမိကိုယ်မိမိ ပို၍ကောင်းမွန်အောင် လုပ်ဆောင်နိူင်သောနည်းလမ်းများအား ရှာဖွေကြရမည် ဖြစ်သည်။ ပေါ်င်းသင်းဆက်ဆံမူတွင် မည်သူကိုမဆို သတိထား၍ ပေါ်င်းသင်းရမည်။ လုပ်ငန်းခွင်တွင်လည်း မိမိလုပ်ဖော်ကိုင်ဖတ်များ၏ လုပ်ဆောင်မူတို့မှာ မိမိကို ထိခိုက်မူဖြစ်စေသလား ဆိုတာမျိုးကို လေ့လာကြရမည်။ တင်းမာသော အခြေအနေများ မဖြစ်ပေါ်စေရန် သတိပြု နေထိုင်ရမည်။ မိမိထင်မှတ်မထားသော သူများက မိမိကို ဒုက္ခပေးတတ်ကြပါသည်။ နံပါတ်၄၃၏ အိမ်ထောင်ရေးသည် မိသားစုဘဝလုံခြုံမူကို အဓိကထား တည်ဆောက်ရမည်။ မိမိ၏ အိမ်ထောင်ဖက်အပေါ် အလေးထား ဆက်ဆံရမည်။ အချိန်ပေးရမည်။ သို့မှသာ မိမိတို့ဘဝ၌ စိန်ခေါ်မူများကို ကြုံတွေ့ရသည့်အခါ ထိုသူတို့က မိမိကို လမ်းပြပေးကြမှာ ဖြစ်သည်။ ဘယ်အရာကိုမှ အရှုံးမပေးမိဖို့ လိုပါသည်။ မိသားစုနှင့်အိမ်ထောင်ရေးတွင် နှောင်ကြိုးများကို ခိုင်မြဲအောင် တည်ဆောက်ရမည်။ မိမိ မိသားစုဘဝဖြစ်တည်မူကို အခြားသောမိသားစုအခြေအနေများနှင့် နိူင်းယှဉ်သုံးသပ်ခြင်းမျိုး မလုပ်သင့်ပေ(နံပါတ်၇တွင် မိမိကိုယ်မိမိပြန်လည်သုံးသပ်နေရာမှာ ပတ်ဝန်းကျင်နှင့် ဝေးကွာရသောအခြေအနေကို ယှဉ်၍သုံးသပ်ပါ။)။ ယခုထက်ပိုမိုသိလိုပါလျှင် နံပါတ်၇၌ အကျယ်တဝင့်ပြဆိုထားပြီး ဖြစ်သောကြောင့် ၇ကို ဆက်လက်လေ့လာသင့်ပါကြောင်း။

၄၃၏ အထင်ကရမှတ်တမ်း BC43တွင် ရောမနိူင်ငံရေးသမား၊စာရေးဆရာ စီစီယို ကွယ်လွန်သည်။

ကိုးကား affinumerology.com sunsings.org 3:09AM Sep30.2020 Minsetwai

မှိတ်ထားတဲ့မျက်လုံး

 [ငါ/ကဗျာ/စိတ်ဝေဒနာများ-၂၄]

မှိတ်ထားသောမျက်လုံး

မှိတ်ထားသော မျက်လုံးမှာ

ကိုယ်ထည်မပါသော အိပ်မက်တွေ

မှိတ်ထားသော လက်ထဲမှာ

ဗလာလက်ထဲက စိတ်ကမြင်းမူများ

မှိတ်ထားသော မျက်လုံးမှာ

ကိုယ့်ဒဏ်ရာ ကိုယ်ပြန်ခုတ်ထစ်ရင်း ကိုယ်တိုင်ယဇ်ပူဇော်

မှိတ်ထားသော မျက်လုံးမှာ

စိမ်းလန်းမူမဲ့ သံယောဇဉ်တွေဟာ သေ

မှိတ်ထားသော မျက်လုံးမှာ

ကိုယ့်မကျေနပ်မူကို ကိုယ်ပြန်အကြမ်းဖက်

မှိတ်ထားသော မျက်လုံးမှာ

ဇွတ်တရွတ် မိုးပေါ်ပျံတော့

မှိတ်ထားတဲ့မျက်လုံးက ဒြပ်မဲ့။ ။

မှိတ်ထားသော မျက်လုံးမှာ

ကမောက်ကမာနဲ့ အစီအစဉ်မဲ့နေ့စွဲတွေ

မှိတ်ထားသော မျက်လုံးမှာ

ပိုင်ရှင်မဲ့ အမည်မှာ ၁၉ပါသော ပန်းချီတစ်ချပ်

မှိတ်ထားသော မျက်လုံးမှာ

ဇာတ်ဝင်ခန်းထဲ ပုရွက်ဆိတ်တွေ ကမ္ဘာပျက်

မှိတ်ထားသော မျက်လုံးမှာ

လူဝင်ဆန့်ချင်နေသော လူမဆန်ယဉ်ကျေးမူများ

မှိတ်ထားသော မျက်လုံးမှာ

ဒီမိုကရေစီနှင့် ရမ္မက်ထန်ညများ

မှိတ်ထားသော မျက်လုံးမှာ

ပတ်ကြားအက်နေသော ဝါဒများ

မှိတ်ထားသော မျက်လုံးမှာ

မျက်လုံးဟာလည်း ပြန်ဖွင့်မရနိူင်တော့

မှိတ်ထားတဲ့မျက်လုံးက မျက်လုံးသေ။

Sep 7.2020

Minsetwai

Number-7

နျူမယိုလောဂျီအား လေ့လာခြင်း

Nuumber-7

7, 16, 25, 34, 43

နံပါတ် ၇အကြောင်းကို မဖော်ပြမီ သိစေလိုသည်မှယခု

ဆွေးနွေးထားချက်များတွင်

အမည် ၇ ရသူများ

၇ ရက်နေ့မွေးသူများ

ဘဝ၏ကံကြမ္မာနံပါတ် ၇ ရသူများ 

အိမ်နံပါတ် ၇ အပြင် 

အခြားသော အကြောင်းအမျိုးမျိုးကြောင့် ထိုနံပါတ်နှင့် ဆက်စပ်နေသူများအားလုံးအတွက် တစုတစည်း ဖော်ပြပေးထားသောကြောင့် ၇ ရက်နေ့မွေးဖွားသူ မဟုတ်သော်လည်း အခြားသက်ဆိုင်မူရှိပါက လေ့လာထားရန် လိုအပ်ပါသည်။ နံပါတ် ၇သည် နတ်ပကျွန်းဂြိုလ်၏ အထိမ်းအမှတ် လက္ခဏဖြစ်သည်။ မည်သည့်လတွင်မဆို ၇ ရက် ၊ ၁၆ ရက် ၊ ၂၅ ရက် မွေးဖွားသောသူများသည် နံပါတ် ၇သမားများချည်းဖြစ်သည်။ နတ်ပကျွန်းဂြိုလ်သည် တနင်္လာဂြိုလ်နှင့် အစဉ်ဆက်စပ်လျှက်ရှိသော ဂြိုလ်လည်း ဖြစ်သည်။ နတ်ပကျွန်းသည် ရေ နှင့် ထူးခြားစွာ ဆက်နွယ်လျှက်လည်း ရှိ၏။ မှတ်တမ်းများအရ ဖော်ပြရလျှင်မူ

သမ္မာကျမ်းစာများနှင့် အီဂျစ်လူမျိုးတို့၏ ဘာသာအယူဝါဒများတွင် ၇ ဂဏန်းကို ဝိညာဉ်တော် သို့ ဘုရားသခင်၏ တန်ခိုးတော်တို့ကို ညွှန်းဆိုဖော်ပြသည့်ဂဏန်းတစ်ခုအဖြစ် တွေ့ရသည်။ ရှေးအကျဆုံးသော ယူဆချက်တစ်ခုမှာမူ ယင်းဂဏန်းသည် အဆုံးအစမရှိသော ကိန်းဂဏန်းကို စားနိူင်ပြီး ၊ ထိုသို့ ဆက်၍ ဆက်၍ စားသွားသဖြင့် ရရှိသည့်ရလဒ်သည် ၁၄၂၈၅၇သာ ဆက်တိုက်ရရှိသွားပြီး ပြန်ပေါ်င်းသော ၉ဂဏန်းချည်း ပြန်ရသည့် အယူအဆဖြစ်သည်။ 

ရှေးယခင်က ၇ ဂဏန်းကို လ၏ကိုယ်စားပြုဂဏန်းဟု ယူဆခဲ့ကြသည်။ ယနေ့ခေတ်ယူဆချက်ကမူ ၇ဂဏန်းကို နတ်ပကျွန်းဂြိုလ်က စိုးမိုးထားသည်ဟု ယူဆခဲ့ကြသည်။ နတ်ပကျွန်းဂြိုလ်သည် ပင်လယ်၊ သမုဒ္ဒရာများကိုလည်း စိုးမိုးထားသော ဂြိုလ်ဖြစ်သည်။

အနောက်တိုင်းမှ ရှေးဟောင်းအယူအဆတစ်ခုတွင်မူ ၇ ဂဏန်းသည် စိုးမိုးခြယ်လှယ်မူဟု ယူဆပြီး ဟီးဘရူးလူမျိုးများတွင်မူ ကောင်းကင်တမန် ၇ ပါး ပေါ်ထွန်းသည်။ 

ကမ္ဘာဂန္ဓာရီပညာရပ်များတွင်မူ ဂြိုလ်ကြီးခုနှစ်လုံးနှင့် ဂြိုလ်မင်း ခုနှစ်ပါးရှိ၏။ 

၇ ဂဏန်းသည်သည် စိတ်ဝိညာဉ်နှင့် ပတ်သက်သည့်သဘော၊ ဖန်တီးမူစွမ်းအင်များကို ကိုယ်စားပြုသော အသွင်များကို ဆောင်သည်။ ယင်းသည် ဖန်တီးမူသဘောကို ဆောင်သောကြောင့် လူသားတို့၏ စိတ်ဓာတ်ရေးရာ တိုးတတ်ဖြစ်ထွန်းမူကို စေ့ဆော်ပေးသည်။ ထိုကြောင့်လားတော့မသိ။ ၇သမားအများစုသည် ဘာသာအယူဝါဒဆိုင်ရာများတွင်လည်း ထူးခြားသော အယူအဆများ ရှိနေတတ်ကြသော သူများလည်း ဖြစ်သည်။ သူတို့သည် ရှေးအစဉ်အလာများအတိုင်း လိုက်နာကျင့်သုံးရသောကိစ္စများကို မနှစ်ငက်ကြပေ။ သူတို့သဘောကျသော အယူဝါဒကိုသူတို့စိတ်အလိုအတိုင်း ပြဋ္ဌာန်းပြီး လိုက်ပါဆောင်ရွက်တတ်ကြသည်။ ထူုးခါးသော လောကီပညာရပ်များကိုလည်း စိတ်ငင်စားတတ်ကြသည်။ ထူးခြားသော အချက်ကမူ သူတို့တွင် အလိုလို ထိုးထွင်းသိမြင်တတ်သော ပါရမီမျိုးရှိနေတတ်ကြပြီး တခြားသူအပေါ် လွမ်းမိုးနိူင်သော ညှို့ဓာတ်များလည်း ရှိကြသည်။ ပိုက်သာဂိုးရပ်စ်သည် ၇ကို စိတ်ပိုင်းဆိုင်ရာစွမ်းအင်ကြီးမားသော နံပါတ်တစ်ခုအနေဖြင့် အလွန်နှစ်ခြိုက် သဘောကျခဲ့သည်။ 

နံပါတ် ၇ ကို လူအချို့သည် Lucky Sevenဟု ခေါ်ဆိုကြပြီး ယင်းမှာ ငွေကြေးဆိုင်ရာများနှင့် ပက်သတ်သောကံကောင်းမူဟု ထင်ထားကြသည်။ အမှန်တကယ်က ထိုသို့မဟုတ်ပါ။ ၇၏ ကံကောင်းမူဆိုသည်မှာ ငွေကြေးဆိုင်ရာနှင့် ပတ်သက်သည်မျိုး မဟုတ်ဘဲ ခက်ခဲခြင်းများ၊ ကျဉ်းထဲကျပ်ထဲရောက်ရသော အချိန်အခါများတွင် ကံကောင်းတတ်ခြင်းကိုသာ ဆိုလိုခြင်းဖြစ်ပါသည်။ သူတို့သည်  ခရီးသွားရခြင်းကို အလွန်နှစ်သက်သူများဖြစ်သည်။ ၇ဂဏန်းသမားအများစုကို လေ့လာကြည့်မည်ဆိုလျှင် အလွန်ဖန်တီးမူ အားကောင်းကြသော ကဗျာဆရာများ၊ ပန်းချီဆရာများ၊ စာရေးဆရာများ နှင့် သရုပ်ဆောင်များဖြစ်နေကြသည်ကို တွေ့ရသည်။ အဘယ်ကြောင့်ဆိုလျှင် သူတို့သည် အလွန်အမင်း စိတ်ခံစားမူပိုင်းတွင် အားကောင်းကြသလို ပြင်းထန်လှသော စိတ်ခံစားချက်ရှိသူများလည်းဖြစ်သည်။ ထိုကြောင့် သူတို့၏ ထူးခြားသောအမြင်၊ ထူးခြားသော အတွေးအခေါ်များကို ယင်းတို့ရေးသားသော စာ၊ ကဗျာ၊ ပန်းချီတို့တွင်လည်း ဖော်ပြတတ်ကြသည်။

၇ဂဏန်းသမားများသည် စီးဟွးရေးအလုပ်အပိုင်များနှင့်ပက်သတ်ပြီး စိတ်ကူးနှင့်အကြံညဏ်ကောင်းများလည်း ရှိတတ်ကြသည်။ သူတို့၏ အလုပ်အကိုင် အခြေအနေ ချောမောပြေပြစ်နေသမျှ ကာလပတ်လုံး မည်မျှသော အလုပ်ပမာဏဖြစ်ပါစေ ပြီးမြောက်အောင် ဆောင်ရွက်နိူင်စွမ်းရှိကြသည်။ သူတို့ စိတ်ပါဝင်စားသော အလုပ်အပေါ်၌ ဖြောင့်မတ်မှန်ကန်စွာ ဆောင်ရွက်တတ်ကြသည်။ လက်ရုံးရည်ထက် နှလုံးရည်က ပိုမိုထက်မြက်ကြသည်။ တခါတရံတွင်လည်း စိတ်ကဆောင်ပြီး ကိုယ်ကမပါသလို ဖြစ်ကြရသည်။ သူတို့၏ ပင်ကိုယ်စရိုက်များမှာ စပ်စုတတ်ခြင်း၊ အမေးအမြန်းထူခြင်း၊ လိမ္မာပါးနပ်ခြင်း၊ ညဏ်ရည်ညဏ်သွေးရှိခြင်း၊ အလောတကြီးနိူင်ခြင်း၊ အေးတိအေးစက်နေတတ်ခြင်း၊ မအိပ်မစားနေတတ်ခြင်း၊ စိတ်လှုပ်ရှားမူမြန်ခြင်း၊ အာရုံကြော ချွတ်ယွင်းခြင်း၊ ဘာသာရေး ယုံကြည်မူ ပြင်းထန်ခြင်းများ ပါဝင်သည်။ တခါတရံတွင်လည်း သူတို့၏ စရိုက်မှန်ကို သူတို့ကိုယ်တိုင် ပြန်လည်သုံးသပ်နေတတ်ကြ၏။ ထိုအချိန်တွင် သူတို့သည် အရှိန်ပြင်းစွာနှင့် တိတ်ဆိတ်ငြိမ်သက်သွားကြကာ ပတ်ဝန်းကျင်အနေအထားမှာ သဟဇာတမဖြစ်နိူင်ကြတော့ချေ။ 

၇ဂဏန်းသည် ဂုဏ်ထူး၊ ရာထူးရခြင်းတို့၏နိမိတ်ကို ရည်ညွှန်းပြသည့်အပြင် အငြိမ်မနေထိုင်တတ်ခြင်းကိုပြဆိုသော ဂဏန်းလည်ဖြစ်သည်။ အတွေ့အကြုံ များခြင်းကို ဖော်ပြသော နိမိတ်ပုံကိုလည်း ဆောင်သည်။ ထိုဂဏန်းနှင့်သက်ဆိုင်သူအများစုမှာ စိတ်နေစိတ်ထားကောင်းမွန်သူများ ဖြစ်ကြပြီး သရုပ်ခွဲစိစစ်တွေးခေါ်နိူင်သူများလည်း ဖြစ်ကြသည်။ အထူးသဖြင့် အာရုံစိုက်နိူင်စွမ်း အလွန်ကောင်းကြသူများဖြစ်ပြီး လွတ်လွတ်လပ်လပ်တွေးတော လုပ်ကိုင်တတ်ကြသလို ကိုယ်ပိုင်ညဏ်ရှိပြီး ထူးချွန်စွာ ကြံဆလုပ်ကိုင် တတ်ကြသူများလည်း ဖြစ်သည်။ တီထွင်စိတ်ကူးညဏ် ရင့်သန်ပြီး အတွေးကောင်း၏။ သဘောတရားများကိုလည်း ထိုးထွင်းသိမြင်တတ်ကြ၏။ သူတို့ကိုယ်တိုင်မှာလည်း သုတေသနလုပ်ခြင်းနှင့် ပဟေဋိများကို အဖြေရှာရခြင်းအပေါ် အလွန်ဝါသနာပါကြသည်။ သို့သော် သူတို့၏ ဆိုးဝါးသော အချက်အလက်များကမူ အခြေအနေတစ်ခုကို အလွယ်တကူဖျက်စီးပစ်တတ်ခြင်း၊ ကပျက်ကယက်လုပ်ခြင်း၊ တော်လှန်ဆန့်ကျင်လိုစိတ်ရှိခြင်း၊ ပြတ်သားစွာမဆုံးဖြတ်ခြင်း၊ အပြောင်းအလဲမြန်ခြင်းတို့ပင်ဖြစ်သည်။ သူတို့သည် ကိုယ်ပိုင်လွတ်လပ်ခွင့်ကို တန်ဖိုးထားတတ်ကြပြီး အနှောင့်အယှတ်ပေးခြင်းခံရပါက လွန်စွာမှ ဒေါသဖြစ်တတ်ကြသည်။ စိတ်တိုလွယ်သူများလည်း ဖြစ်ကြသည်။

၇ဂဏန်းသမားတို့သည် ပေါ်င်းရသင်းရ လက်ပေါ်က်ကပ်၊ ပြောရဆိုရလက်ပေါ်က်က်သည့်သူလည်းဖြစ်ကြရာ သူတို့၏ဘဝတစ်လျှောတ်တွင် ကံဆိုးစေသော ဆုံးဖြတ်ချက်များကို ခဏ ခဏချမိကြပြီး ဆုံးရှုံးရခြင်းကို မကြာခဏကြုံတတ်ကြသည်။ သူတို့၏ဘဝသည် အမည်တပ်မရသော ခရီးတစ်ခုလည်း ဖြစ်သည်။ တခါတရံ သူတို့၏ ဘဝဖြစ်တည်မူကို အကြောင်းရင်းရှာ စဉ်းစားရင်းဖြစ်လည်း အချိန်ကုန် အလုပ်များနေတတ်ကြသောသူများ ဖြစ်သည်။ 

၇ရက်နေ့တွင် မွေးဖွားလာကြသော သူများကမူ သူတနု့၏ငယ်ဘဝသည် ခါးသီးနာကျင်ရသော အခြေအနေများစွာတို့ကို ရင်ဆိုင်ခဲ့ကြရသည်။ သူတို့အနေဖြင့် မိမိကိုယ်မိမိ လမ်းမှန်ကမ်းမှန် လျှောတ်လှမ်းနိူင်ဖို့မှာ ငယ်ငယ်ကတည်းက မိမိတို့၏စိတ်ကို ပြုပြင်လေ့ကျင့်ထားကြဖို့လိုသည်။ သူတို့သည် အခက်အခဲများနှင့် မိတ်ဆွေဖွဲ့နေထိုင်သူများ ဖြစ်၏။ သူတို့မွေးဖွားခဲ့သည် မိဘများ၏ဘဝတွင်လည်း အခက်အခဲများကို ရင်ဆိုင်ရတတ်သည်။ သူတို့သည် မိသားစုနှင့် သူငယ်ချင်းများပေါ်တွင် လွန်စွာချစ်ခင်သနားတတ်ကြသည်။ သူတို့၏ ရေရှည် ပေါ်င်းသင်းဆက်ဆံမူမှတဆင့် အခြားသူတို့၏ အထင်ကြီးမူနှင့် ကူညီမူများကို ရရှိတတ်ကြသည်။ သူတို့ ရောက်ရှိရာ မြို့နယ်များတွင်လည်း ရေပန်းစားတတ်ခြင်း နှင့် လူသိများခြင်းတို့ကို ကြုံကြရတတ်သည်။  အထူးသဖြင့် ထိုနေ့ရက်မွေးသူများ၏ ဘဝသည် အသက်၃၄နှစ်နောက်ပိုင်းမှသာ အခြေအနေ အတည်တကျဖြစ်တတ်ကြသည်။ 

၇ဂဏန်းသည် လျိုဝှတ်သော အဓိပ္ပါယ်များနှင့် ပြည့်နှက်နေသော ဂဏန်းတစ်ခု ဖြစ်သည်။ သူတို့သည် များသောအားဖြင့် သူတို့၏ အသိညဏ်ပိုင်းဆိုင်ရာ သဘောသဘာဝ ပေါ်လွင်ထင်ရှားအောင် လုပ်ဆောင်ပြခြင်းမျိုး မရှိကြပေ။ သူတို့တွင် ခိုင်မာသောစိတ်ဓာတ်ရှိကြသည်မှာ မှန်သော်လည်း သူတို့စိတ်ထဲကအတိုင်း အရာအားလုံးကို လုပ်ဆောင်ဖို့အတွက်ကိုမူ တွန့်ဆုတ်နေတတ်ကြသည်။ အချို့သော ကိစ္စရပ်များတွင်လည်း အလွယ်တကူ ဆုံးဖြတ်နိူင်စွမ်းမရှိကြပေ။ ထိုသို့ဖြစ်ရခြင်းမှာ သူတို့၏ အခြားသူတို့နှင့်ဆိုင်သော စိတ်ခံစားမူများအပေါ် နားလည်တတ်မူကြောင့် အလေးထားနေတတ်သောကြောင့်လည်း ဖြစ်သည်။ မိမိကိုယ်တိုင်ကမူ မိမိစိတ်၏ပျော်ရွှင်မူ အစစ်အမှန်ကိုမေ့ပြီး အတွေးစိတ်ကူးထဲမှာသာ အခြေပြုနေထိုင်နေတတ်ကြသည်။ 

တခါတရံတွင်မူ သူတို့သည် ကွက်ကျော်မြင်တတ်ကြပြီး အလုပ်တစ်ခုအား အမြန်ပြီးမြောက်စေလိုသော ဇောဖြင့် အခြားသူအပေါ် မထီမဲ့မြင်ပြုခြင်း၊ အခြားသူများ၏ ပင်ပန်းမူများကို မသိချင်ယောင်ဆောင်နေတတ်ခြင်းများလည်း ပြုလုပ်တတ်ကြသည်။ အရက်သေစာနှင့် မူးယစ်ဆေးများကိုလည်း နှစ်သက်သုံးစွဲတတ်ကြပြန်သည်။ ထိုကြောင့် သူတို့သည် အရာရာအပေါ်တွင် သတိထားနေထိုင်တတ်ကြဖို့ လိုသည်။ သူတို့အတွက် နည်းမှန်လမ်းမှန်ကို ညွှန်ပြနိူင်သော၊ ထိန်းသိမ်းပေးနိူင်သောသူများ သူတို့အနီးတွင် ရှိနေလျှင် အလွန်မှကောင်းမွန်ပါလိမ့်မည်။ ထိုသူများအနီးမှာရှိလျှင် သူတို့၏ဘဝသည် ထင်မှတ်မထားလောက်အောင် အောင်မြင်လာတတ်ကြသည်။ ထိုအပြင် များစွာသော ပြဿ နာတို့ကိုလည်း သူတို့၏ ပြောင်းလဲနေထိုင်နိူင်မူစွမ်းအားဖြင့် ဘဝကို ယန္တယားသဖွယ် လည်ပတ်နေထိုင်နိူင်ကြလိမ့်မည်။ သို့သော် သူတို့၏ စိတ်ခံစားချက်များကိုမူ သူတို့ကိုယ်တိုင်ထိန်းချုပ်ခြင်းမှာ တတ်နိူင်မည်မဟုတ်ချေ။ သူတို့သည် အပြင်ပန်းအားဖြင့် ဖရိုဖရဲနှင့်ပရမ်းပတာနေခြင်း၊ မင်းမဲ့စရိုက်ဆန်ဆန်ပြုမူခြင်း စသကဲ့သို့ပုံစံရှိသော်လည်း အတွင်းစိတ်ဓာတ်ကမူ ကောင်းမွန်သော သဘောထားရှိတတ်ကြသည်။ သူတို့သည် များသောအားဖြင့် အခွင့်အရေးယူတတ်သောသူများ မဟုတ်ပေ။ သူတို့က အခွင့်အရေးကို တန်ဖိုးထားတတ်ကြသူများသာ ဖြစ်သည်။ 

၇ဂဏန်းသမားများသည် များသောအားဖြင့် ပစ္စည်းဥစ္စာများကို ၊ မခင်တွယ် ဂရုမစိုက်ကြသော သူများ ဖြစ်ပြန်သည်။ သူတို့သည် သူတို့၏ ကိုယ်ပိုင် စိတ်ကူး၊ ကိုယ်ပိုင်အမြင်၊ ကိုယ်ပိုင်နည်းလမ်းနှင့် လုပ်ကိုင်ဆောင်ရွက်မူနှင့်ပင်  ကြွယ်ဝလာတတ်ကြသည်။ ထိုအခါတွင် သူတို့သည် အလှုအတန်းပေးခြင်းကို ပြုလုပ်တတ်ကြသည်။ သူတို့အတွက် သတိထားသင့်သည်မှာ သူတို့သည် အခြားသူများထက် ပိုပြီးအထီးကျန်စိတ်ရှိတတ်ခြင်း ဖြစ်သည်။ ထိုအချိန်များတွင် သူတို့သည် အလွန်အမင်းတိတ်ဆိတ်ငြိမ်သက်နေလေ့ ရှိကြသည်။ အထူးသဖြင့် ဘဝလမ်းကြောင်း ၇သမားများမှာ ထိုကဲ့သို့ အထီးကျန်မူကြောင့် အစွန်းရောက်သွားတတ်ကြပြီး အဆိုးမြင်မှူင့် အယူသီးမူများကို ဖြစ်ပေါ်လာစေသည်။ ပတ်ဝန်းကျင်နှင့်လည်း အဆင်မပြေ ဖြစ်လာတတ်ကြသည်။ ထိုအတူ သူတို့ကိုယ်သူတို့ အထင်ကရပုဂ္ဂိုလ်အဖြစ် မြင်နေသည်ဆိုလျှင် တစ်ကိုယ်ကောင်းဆန်ခြင်းနှင့် အတ္တကြီးခြင်းတို့ကိုပါ ပြုလုပ်လာတတ်ကြသည်။ ပျော်စရာများကို အလွယ်တကူရှာဖွေလာတတ်ကြသည်။ သူတို့သည် သူတို့ကိုယ်တိုင်ပြဠာန်းထားသော လမ်းကြောင်းကိုသာလျှင် လျှောတ်ကြသည်။ အမှားနှင့် ကြုံတွေ့ရလည်း ရင်စည်းခံကြသည်။ အကယ်၍ မှန်နေသည်ဆိုလျှင်မူ ဘာအကြောင်းကြောင့်ပဲဖြစ်ဖြစ် ဇွတ်တရွတ်ညဉ်ရှိသူပီပီ ဇွတ်လုပ်ဆောင်တတ်ကြသည်။  သို့သော် ဘာအကြောင်းကြောင့်ပဲ ဖြစ်ဖြစ် လောင်းကစားကို လုံးဝမပြုလုပ်မိဖို့မှာ အလွန်အရေးကြီးပါသည်။  

၇ရက်နေ့ မွေးဖွားသူများမှာလည်း အခြားသောမွေးဂဏန်းများထက် အရာရာတွင် သတိထားရပေမည်။ ယင်းတို့အတွက် နည်းမှန်၊လမ်းမှန်ကို ညွှန်ပြနိူင်သော ၊ ထိန်းသိမ်းပေးမည့်သူ လိုသည်။ ပြုပြင်စောင့်ထိန်း၍ လမ်းပြကောင်းရှိသူ ၇ဂဏန်းသမားတို့မှာ မှတ်သားရလောက်အောင် အောင်မြင်တတ်ကြသည်။ သို့သော် တခါတရံတွင်မူ သူတို့သည် ကိုယ်ကျိုးအရမ်းကြည့်တတ်ပြီး ခေါ်င်းမာနေတတ်ကြသည်။ မည်သို့သောအလုပ်မျိုးကို လုပ်ဆောင်ကြရသည်ဖြစ်စေ နောက်လိုက်မလုပ်ချင်သော ဆန္ဒများရှိကြသည်။ မရေရာသောနည်းလမ်းများဖြင့် ကြိုးစားအားထုတ်ရသော အခြေအနေများကို မနှစ်သက်ကြပေ။ လွတ်လွတ်လပ်လပ်တွေးတောလုပ်ကိုင်ရခြင်းမျိုးကိုသာ နှစ်သက်ကြသည်။ ခရီးထွက်ခြင်းနှင့် ဗဟုသုတရှာဖွေရခြင်းတို့ကို နှစ်သက်ကြသည်။ သူတို့ရှာဖွေထားသော ဥစ္စာပစ္စည်းများအပေါ်တွင်မူ မခင်တွယ်တတ်ကြ။ လူအများအတွက် လိုက်နာကျင့်သုံးရန် ထုတ်ပြန်ထားသော စည်းကမ်းစနစ်များမှာ သူတို့နှင့် မသက်ဆိုင်ဟု ယူဆထားတတ်ကြ၏။ ရိုးသားစိတ်ရှိသည့်နည်းတူ လာ၍ရိုင်းပျသူအပေါ်တွင်လည်း လက်တုန့်ပြန်ဖို့ လက်မနှေးတတ်ကြပေ။ အထူးသဖြင့် သူတို့သည် သူတို့၏ ကိုယ်ရေးကိုယ်တာကိစ္စများကို ဝင်ရောက်စွတ်ဖတ်တာမျိုးကို အလွန်မုန်းတီးတတ်ကြသည်။  အခြေအနေ အဆင့်အတန်းခွဲခြားခြင်းများမရှိ ၊ လူအားလုံး တန်းသူရည်သူဟုသာ ယူဆကြသည်။ လူအများအပေါ်တွင်လည်း ညှာတာမူ နှင့် စာနာထောက်ထားမူများ ရှိတတ်ကြသည်။

၇ရက်နေ့မွေးဖွားလာသူတို့သည် စိတ်အတွင်း၌ သူတို့အပေါ်မလေးမစားနှင့် နှိမ့်ချဆက်ဆံခဲ့သူများကို နောင်တစ်ချိန်၌ သူတို့အား ပြန်အထင်ကြီးလေးစားစေလိုသော ရှိကြသည်။ သူတို့၏အတိတ်သည် ကံမကောင်းအကြောင်းမလှစွာဖြင့် လူအများ၏နှိမ့်ချဆက်ဆံမူကို ခံခဲ့ကြရသည်။ ငွေရေးကြေးရေးအခြေအနေများမှာလည်း သူတို့အတွက် အားရစရာမရှိချေ။ ဒုက္ခနှင့်ပူဆွေးသောကများသည်သာ သူတို့ဘဝကို လှိုင်းတံပိုးထန်နေစေခဲ့သည်။ လုပ်ဆောင်သမျှတိုင်းမှာလည်း အတားအစီးနှင့်အခက်အခဲများကို ရင်ဆိုင်ကြရသည်။ သူတို့၏ ဘဝအစောပိုင်းသည် ရုန်းကန်ရခြင်း၊ စိတ်ဆင်းရဲရခြင်းများစွာနှင့်ဖြစ်သည်။ သူတို့သည် လူလတ်ပိုင်းအရွယ်သို့ ရောက်ရှိမှသာလျှင် အဆင်ပြေမူများကို တစ်စတစ်စကြုံတွေ့ကြရမည် ဖြစ်သည်။ ထိုအသက်အရွယ်တွင် သူတို့၏လုပ်ဆောင်ချက်များ၌ သမာဓိရှိခြင်းများ၊ စည်ကမ်းရှိ၍ သေသပ်ခြင်းများ ပါဝင်နေသည်ကို ထူးခြားစွာတွေ့မြင်ရလိမ့်မည် ဖြစ်သည်။ 

နက္ခတ်ဗေဒဆိုင်ရာတွင် ၇ကို Lord North Starဟု ခေါ်ဆိုကြသည်။ ယင်းသည် တီထွင်ဖန်တီးမူများ ရင့်သန်ခြင်းကို ပြသသည်။ ဘဝ၌ သူတို့၏ ကြိုးစားအားထုတ်မူတစ်ခုတည်းကြောင့်သာလျှင် လိုချင်သောဘဝကို တည်ဆောက်နိူင်ကြမည်။ ထိုကြောင့် ဆွေမျိုး၊ အပေါ်င်းအသင်းမိတ်ဆွေများဆီမှ ဘဝအတွက် အကူအညီတောင်းခံနေဖို့ မလိုချေ။ သူတို့စိတ်ထဲမှာလည်း ထိုကဲ့သို့ ဆန္ဒမျိုး မရှိတတ်ကြပေ။ သူတို့သည် အများနှင့်ပူးပေါ်င်းလုပ်ဆောင်ရသော အလုပ်များကို မနှစ်သက်။ ၇ဂဏန်းသမားများသည် လူမျိုးခြားများနှင့် ဆက်စပ်ပြီး ဘဝမှာ အောင်မြင်မူကို ရရှိတတ်ကြသည်။ 

တရုတ်တို့၏ Feng Shui အယူအဆတွင် ၇ကို လတ်တလောကြုံတွေ့နေရသော ကိစ္စရပ်များအတွက် ကံကောင်းမူဖြစ်စေသော ဂဏန်းဟုပြဆိုသည်။ 

 ဘဝ၏ ကံကြမ္မာဂဏန်း ၇ ကို ပိုင်ဆိုင်ထားသူများအတွက် အိမ်ထောင်ရေးနှင့် အချစ်ရေးဆိုင်ရာမှာ ထိုသူတို့သည် အောင်မြင်သော အိမ်ထောင်တစ်ခုကို တည်ဆောက်နိူင်ကြပြီး ဆန့်ကျင့်ဘက်လိင်အပေါ်တွင်လည်း ကောင်းမွန်သော ကာမဂုဏ်စွမ်းရည်ကို ဖြည့်ဆည်းပေးနိူင်ကြသည်ဟူ၏။ 

၇ဂဏန်းသမားများသည် အချစ်ဆိုသောအရာကို စတင်တွေ့ရှိသည့် အချိန်မှာပဲ အနှောင့်အယှတ် အတားအစီးများက အချစ်နှင့်အတူ တခါတည်း လိုက်ပါလာတတ်ကြသည်။ အများစုမှာ အသဲကွဲပြီးမှ ချစ်ရသူနှင့် ပြန်လည်ပေါ်င်းဖတ်ကြရသည်။ ၇ဂဏန်းပိုင်ရှင် အမျိုးသမီးများကမူ အနာဂတ်ကို အမြဲတစေ စိုးရိမ်တွေးတောပူပန်တတ်သူများ ဖြစ်သည့်အလျှောတ် လင်ကောင်းသားကောင်း ရရှိတတ်ကြသည်။ ထိုအမျိုးသမီးများအနေနှင့် အချစ်ရေးကောင်းမွန်စေရန် ဒေါ်လ်ဖင်ငါးပုံပါသော ရင်ထိုးကို ဆောင်ကြရမည်ဖြစ်သည်။ 

၇ရက်နေ့မွေးဖွားသူတို့၏ အချစ်ရေးမှာတော့ The Rometic Loverဟု ခေါ်ဝေါ်သမုတ်ကြသည်။ အချစ်ကို တန်ဖိုးထားတတ်ကြသည်။ ပြီးလျှင် လက်တွေ့ဘဝနှင့် ကင်းကွာပြီး လှပသောစိတ်ကူးယဉ်အိပ်မက်များစွာဖြင့် အချစ်ကို တည်ဆောက်ကြသည်။ အချစ်အတွက်နှင့် အရာရာရင်ဆိုင်ဖို့ အသင့်ရှိတတ်ကြသည်။ တဖန် အချစ်ကို ယစ်မူးဖွယ်စရာကောင်းသော သံယောဇဉ်တို့နှင့် ပေါ်င်းစပ်ကြည့်မြင်ပြီး အချစ်သည် လွမ်းမောခြင်း၊ တွေဝေခြင်းကိုပေးသောအရာဟု သတ်မှတ်ကြသည်။ ထိုသို့ သတ်မှတ်ကြသော်လည်း အသက်အရွယ် အိုမင်းသွားသည့်တိုင်အောင် သူတို့၏အချစ်မှာ ရင်ထဲတွင် ထာဝရနုပျိုလန်းဆန်းနေသောအရာ ဖြစ်နေလေသည်။ တစ်ခုရှိသည်က သူတို့၏စိတ်သည် အထီးကျန်မူကို နှစ်ခြိုက်နေကြသူများဖြစ်ရာ ထိုခံစားမူကို အမှန်ဖြစ်ဖို့ကမူ သူတို့၏စိတ် ငြိမ်သက်မူထားနိူင်သောအချိန်ခဏလောက်မှသာ ဖြစ်ကြပေသည်။ သူတို့သည် ချစ်ခြင်းမေတ္တာဆိုင်ရာ၌ အားနည်းတတ်ကြသည့်အပြင် သူတို့ချစ်မြတ်နိူးသည့်သူများမှာ သူတို့ကို မကြာခဏ ပယ်ထားတတ်ကြသည်။ သူတို့အပေါ် ချစ်မြတ်နိူးမိသူများမှာလည်း သူတို့နှင့်ပတ်သက်ပြီး စိတ်ပျက်ခြင်းကိုသာ ရရှိကြရသည်။ အိမ်ထောင်ရေးတွင်လည်း သူတို့စိတ်ကျေနပ်မူ မရှိကြပါ။ မိသားစုဘဝတွင်လည်း မိသားစုဝင်များက သူတို့၏ လုပ်ဆောင်နိူင်မူစွမ်းရည်များကို အလေးမထား၊ ဂရုမစိုက်တာကို ကြုံကြရပြန်သည်။ အများစုသည် မိသားစုနှင့် ဝေးကွာနေရသော အခြေအနေမျိုးနှင့် ကြုံကြရသည်။ 

၇ရက်နေ့မွေးဖွားသူများတွင် အများဆုံးဆုံတွေ့ကြရတတ်သည့် ဖူစာရှင်မှာ ၁၁ရက် ၁၂ရက်တွင် မွေးဖွားကြသူများဖြစ်သည်။

အကယ်၍ ၇ဂဏန်းသမားများသည် ၃ဂဏန်းသမားများနှင့် ဖူစာဆုံကြရသည်ဆိုလျှင် ဂဏန်းနှစ်ခုစလုံးမှာ အင်းအားကောင်းမွန်မူရှိကြသည်နှင့်အညီ အောင်မြင်မူကို ကြုံတွေ့ခံစားကြရနိူင်သည်၊ အကယ်၍ ပြဿ နာတစ်စုံတစ်ခုရှိလာလျှင် ၃ဂဏန်းသမားများက ၇ဂဏန်းသမားအပေါ် ကူညီပေးလိမ့်မည်ဖြစ်သည်။ ၇ နှင့် ၃ဂဏန်းသမားတို့သည် စဉ်းစားတွေးခေါ်ပုံတို့မှာ မတူညီကြသော်လည်း တစ်ဦးနှင့်တစ်ဦးအမြဲတစေ လက်ခံသဘောတူလျှက်ရှိကြသည်။ နှစ်ယောက်စလုံးစိတ်ဝင်စားကြသည့် ကိစ္စရပ်များတွင်လည်း အတူတကွ လုပ်ဆောင်တတ်ကြသည်။ ပြန်လည်ပြုပြင်ခြင်းများကို ပိုစိတ်ဝင်စားလာတတ်ကြသည်။ ယင်တို့၏ ပေါင်းဖတ်မူတွင် ၃(အမျိုးသား) နှင့် ၇(အမျိုးသမီး)ဖြစ်ပါက အလွန်ကောင်းမွန်သော ပေါ်င်းစပ်မူဟု ဆိုနိူင်သည်။ ထိုသို့မဟုတ်ဘဲ ၇ဂဏန်းသမားမှာ ယောကျာ်းလေးဖြစ်ခဲ့သည် ဆိုပါက အစတွင် မိန်းခလေး၏ မူယာမာယာများမူကို ခံစားရပြီး နောင်တွင်မူ ကောင်းမွန်စွာ လက်ထပ်ခွင့် ရကြလိမ့်မည်ဖြစ်သည်။ 

ဒုတိယအများဆုံးဖူစာကံကမူ ၅ရက် ၁၈ရက် ၂၇ရက်မွေးဖွားသောသူများဖြစ်တတ်ကြပြီး ထိုသူတို့နှင့် ဖူစာဆုံပါက ခေတ္တယာယီဝေးကွာနေကြရပြီးမှ ပြန်လည်အဆင်ပြေကြမည် ဖြစ်သည်။ ၇ နှင့် ၉ ဂဏန်းသမားတို့သည် အရေးပါ အရာရောက်ကြသော ဂဏန်းများဖြစ်သည်နှင့်အညီ ၇ဂဏန်းသည် နာမ်ပိုင်ဆိုင်ရာ လောကုတ္တရာကို၎င်း ၉ဂဏန်းသည် လောကီရေးရာကို၎င်း ကိုယ်စားပြုကြသောကြောင့် အမြဲတစေ နှီနှောဆက်သွယ်နေကြလိမ့်မည် ဖြစ်သည်။ ၉ရက်နေ့မွေးဖွားသူများနှင့် အိမ်ထောင်ပြုခဲ့ရလျှင် အိမ်ထောင်ရေးအခြေအနေ အသင့်အတင့်ပင် ဖြစ်၏။ 

၁၃ရက် ၁၉ရက်နေ့မွေးဖွားသူများနှင့်မူ ဖြစ်နိူင်ချေ နည်းပါးလှသော်လည်း အကယ်၍ ထိုမွေးရက်ရှင်များနှင့် ဖူစာကံကြုံပါက မိမိအသဲကွဲရတော့မည်ကို သိထားဖို့လိုလေသည်။ 

၈ဂဏန်းသမားများနှင့် အိမ်ထောင်ကျခဲ့လျှင်မူ ဘဝမှာ ခါးသီးစရာတွေ ထပ်မံရောက်လာကြမည်ဖြစ်သည်။ 

#အိမ်နံပါတ် ၇ ရသောအိမ်များ၏ အဓိပ္ပါယ်ကမူ ထိုအိမ်သည် ရှုပ်ထွေးပွေလီစရာများနှင့် ပြည့်နှက်နေသောအိမ် ဖြစ်သည်။ ငွေရေးကြေးရေးနှင့်ပတ်သက်ပြီး ပြဿ နာဖြစ်ကြရသည်။ ဆေးရုံများသို့လည်း ကျန်းမာရေးကြောင့်ဖြစ်စေ အခြားမိတ်ဆွေများကြောင့်ဖြစ်စေ မကြာခဏ သွားကြရတတ်သည်။ ထိုအိမ်မှလူများသည် စိတ်ဓာတ်ကျနေရသည်က များသည်။ သီအိုရီများအရဆိုလျှင် ရေနှင့်နီးသော နေရာများမှအိမ်ဖြစ်သည်ဆိုပါက အားလုံးအဆင်ပြေစေနိူင်ပါသည်။ 

၇၏ မိတ်ဖက်ဂဏန်းများ: ၂၊ ၇၊ ၁၊ ၅၊ ၉

၇ဂဏန်းသမားများ ဖြစ်တတ်သောရောဂါ နှင့် ဘေးအန္တရာယ်များ : အလွယ်တကူ ရေဓာတ်ခန်းခြောက်ခြင်းကြောင့် ကျန်းမာရေးထိခိုက်ခြင်း၊ ချွေးထွက်လွယ်ခြင်း၊ အနာများ ရောင်ရမ်းခြင်း၊ ဝက်ခြံများထွက်ခြင်း၊ အရေပြားနှင့်သက်ဆိုင်သည့် ရောဂါဖြစ်တတ်ခြင်း၊ ပြည်တည်နာများ၊ သွေးစုနာများ၊ ယားနာများ၊ ခါးနာခြင်း၊ နှာခေါ်င်းသွေးလျံခြင်း၊ ဦးနှောက်နှင့်အာရုံကြောဆိုင်ရာများ၊ နား၊ ရေဘေးသင့်ခြင်းများ၊ ရေနစ်ခြင်းများ

ကံကောင်းစေသော အရပ်မျက်နှာ:အနောက်မြောက်

ကံကောင်းစေသောအရောင်များ: အစိမ်းရောင်အမျိုးမျိုး၊ ဖျော့တော့သောအရောင်များ၊ အဖြ ၊ အဝါ၊ အပြာ

ရှောင်သင့်သောအရောင်များ: ထိုင်းမှိုင်းသော အရောင်များ၊ ညိုမှိုင်းသောအရောင်များ၊ အနတ်၊ နီရင့်ရင့်အရောင်များ

ကံကောင်းစေသော လ၊ နေ့ နှင့် ရက်များ: Feb, July, Nov, Sat, Sun, Mon, 7, 16, 25, 2, 11, 20, 29, 3

1 နှင့် 2 ပါသော နေ့ရက်များတွင် ပစ္စည်းအသစ် ဝယ်ယူခြင်းများ ပြုလုပ်သည့်အခါ အလွန်ကောင်းသည်။

 

ကံမကောင်းဖြစ်စေသောနေ့များ: 8, 17, 26, 18, 27

ကံကောင်းစေသော ရတနာများ: ပုလဲ၊ ကျောက်နီ(တစ်မျိုးတည်း)၊ မဟူရာ ၊ ကြောင်မျက်လုံး(cat's eye)၊ milestone၊ ကျားမျက်လုံး(tiger's eye) ထိုရတနာများကို ၇ဂဏန်းသမားများအနေနှင့် လက်သူကြွယ်မှာ ဝတ်ဆင်ပါက ပို၍ထူးခြားမူရှိစေမည်။

Lucky symbols: Lion, Swastik, Yaoli, colours

ဓာတ်စာ: သစ်သီးဖျော်ရည်များ

ထင်ရှားသူများ: စာရေးဆရာ ချားလ်ဒစ်ကင် (ဖေဖာဝါရီ ၇)၊ ကဗျာဆရာ ဝေလီယံဝါ့စ်ဝါ့သ် (ဧပြီ ၇)၊ အဲလီဇဘက် ဘုရင်မ (မေ ၇)

ကိုးကားစာရင်း

#ဆရာစောစံ(B.A)၏ ကိုင်ရို၏ ဂဏန်းဗေဒင် 

#ဆရာစံဇာဏီဘို၏ သင့်မွေးရက်နှင့် အချစ်ကံကြမ္မာ

#ဆရာလူဝင်းအောင်၏ ဟိန္နူနည်းစနစ်ဆိုင်ရာ ဂဏန်းဗေဒင်

//vadicastrozone.com

//buildingbeautifulsouls.com

2:01AM

Sep21.2020

Minsetwai

ရှင်သန်လိုခြင်းအတွက် ရေးဖြစ်တဲ့သေတမ်းစာ

ရှင်သန်လိုခြင်းအတွက်

 ရေးဖြစ်တဲ့ သေတမ်းစာ

___________________

၁။ ။

ဒီရေခဲမြစ်ကလေးနဲ့....

ဒီအနာဂတ်ကြယ်ကလေး

အတွက် ..

ကျောရိုးတစ်လျှောတ် 

နာကျင်ကိုက်ခဲခြင်းတွေနဲ့...

ပျင်းရိလေးတွဲ့မနက်ဖြန်တွေကို

ငါ

ပြန်သယ်ထုတ်ယူသွားရချိန်....။ 

၂။ ခံစားထုဆစ်ခဲ့မိတယ်

 ကြယ်တွေ၊ လတွေ

သေချင်စော်နံသူတစ်ဦးရဲ့ 

အဝေးမှာ 

ထိန်ထိန်လင်းကြပါစေ...

မုန်တိုင်းပျော် 

ဇင်ယော်ဌက်တွေရဲ့

မိသားစုဘဝဆိုတာမျိုးတွေ 

တဖြည်းဖြည်းချင်း 

ဖြေလျော့ပေးလိုက်ရတဲ့နောက်

မြက်ခင်းရောင် 

အခန်းလေးထဲက

တီတီတာတာကလေး

ငယ်တစ်ဦး

စိတ်ကူးထဲထိ 

လာလာ အမြစ်တူးဆဲပဲလေ..17.။

၃။ ဒီနေ့က ၆လသားတစ်ဦး

ဘာလုပ်နေမှန်း မသိရတဲ့နေ့

အရင်တုန်းကလည်း မသိရ

နောင်လည်းမသိရ

ဘယ်တော့မှ 

ဘာဆိုဘာမှ သိခွင့်မရ

နေဝင်ဆည်းဆာအလှတွေ

ပျောက်ချင်းမလှ

 ပျောက်ဆုံးနေခဲ့ရတဲ့နေ့တွေ။ ။

၄။ ။ ဟော့..ဟိုးကဝရံတာမှာ 

ချစ်စဖွယ်ကလေး

ဟော့...ဟိုးမှာ စက်ဘီး

အနီရဲရဲလေး

ဟော့..ဟိုးမှာ သားတွေကို 

ချီပိုးထားတဲ့ 

စိတ်ဓာတ်မာတဲ့ ဖခင်တွေရဲ့ 

အပြုံးလေးတွေ

စောင့်ကြည်အသက်ငင်နေတဲ့ 

ဂီတာဖြူလေးထဲက

နေတိုးရဲ့

လရောင်ချော့တေးလေး 

ထပ်မံ အသက်ဝင်စေ

ချင်မိပြန်သေးတယ်။ 

၅။ ပြောပြချင်တဲ့ စကားတွေဟာ

ထိုးကြိတ်ပြီးထည့်လဲ

 နောက်ဆုံးတွေနဲ့အမျှင်တန်း

ဆုတ်ကိုင်ထားချင်ခဲ့တဲ့ 

ဟော့ဒီ..လက်မှာ

နာကြင်မှာစိုးတဲ့

 သောကဝေဒနာတွေနဲ့

မာန်လျော့လို့ 

ပျင်းရိတုန့်ဆိုင်းသဏ္ဍာန်နဲ့အတူ

သေတမ်းစာတွေ

အကြိမ်ကြိမ် ရေးနေခဲ့မိတယ်..။

၆။ ပျော်ရွှင်မူရဲ့ 

အသံထွက်ဆိုခြင်းမှာ

ငါ့စိတ်အာရုံသိမြင်မူက 

ချင့်ချိန်ဥပမာ မဲ့နေခဲ့ပြီပဲ

စိတ်....တဲ့

ကွင်းစ ကွင်းပိတ်လေးထဲ

(.............................)

ငါ့ကိုယ်ငါ 

လှောင်ပိတ်ခံထားလိုက်မိတယ်။ 

၇။ ဥပဏ္ခောပြုထား

လိုက်သူတွေရဲ့ နောက်ကွယ်

ဖယောင်းမီးလေး လေမခဖို့

တုန်တုန်ရီရီလက်တွေနဲ့

စွမ်းသလောက် 

ကာကွယ်ပေးချင်သေးလည်း

နတ်ဆိုးတွေက 

ဆုတောင်းမပြည့်အောင်

ဝိုင်းဝန်းလို့ ငါ့ကို

ကမကထပြုပေးကြပြန်တယ်။ 

၈။ ကလေးငယ်တစ်ဦးရဲ့ 

အသက်ရှင်သန်မူထဲမှာ

စေတနာ၊မေတ္တာရဲ့ 

လှည့်ဖျားမူကြီးစိုးပြီး

အမှန်တရားကို 

သဲလွန်စဖျောက်ချင်ကြပုံက

သြချရလောက်အောင် 

စိတ်ကုန်လိုက်ချင်လည်း

သြော်..ဒါ.. ကလေးငယ်လေးရဲ့အနာဂတ်အတွက်

ဆုံးဖြတ်ချက်ချမူတွေပဲလေဆိုပြီး

သမိုင်းရေးသူတွေအပေါ် 

ဘာကြောင့်အမှန် 

မရေးတာလဲလို့

စော်ဒက

 ပြန်တတ်ချင်မိသေးတယ်။

(ငဲ့ညှာမူအကြောင်းတရားထဲမှာ ငါမပါ၊ သူမပါ၊ မည်သူ၊ မည်သူမျှ ပါဝင်ပက်သက်ခြင်း မရှိပါ။)

၉။ ဘာဖြစ်ဖြစ်..အခုငါက

ကြိုးဆွဲသူမဲ့သွားတဲ့...

ရုပ်သေးပျက်

ခြေချော်လက်ချော် ပစ္စူပ္ပန်ထဲမှာ

သက်ဝင်မူမဲ့သွားရပြီး...ပဲ

ဖုန်းကလေးထဲက 

ကမ္ဘာတစ်ခြမ်းက အတိတ်ကို

ခိုးခိုးကြည့်နေ ရုံပဲ

အဖတ်တင် ကျန်ရစ်တယ်။ 

၁၀။ အစစ်အမှန်မဟုတ်တဲ့ 

စိတ်ကူး ကျောက်စရစ်လေးတွေ

တသီးတသန့် 

ပွင့်ဝေပေးနေကြတဲ့ 

အနတ်ရောင် 

စံပယ်ပန်းလေး..တွေ

ငါနဲ့ အချိန်ကြာမြင့်စွာ

မတည်ရှိပေးနိူင်ဘူးဆိုတဲ့

မျက်ခုံးထူထူကလေး..

ဖအေမတူဘူးလို့ .

အကြောက်အကန်း

ငြင်းဆန်ခံထားရတဲ့ ကလေး

ငါ့နှလုံးထဲမှာ သွေးကြောတွေ

ပိတ်ဆို့သွားရင်တော့ 

ကောင်းမယ်ကွယ်။

၁၁။ အခု ပုံထဲမှာ

၆လသားကလေးက

 ပြုံးရယ်နေတယ်

ငါ့ရင်ဘတ်ထဲမှာလည်း 

နတ်နတ်နဲနဲ 

လိုက်လံပြုံးရယ်နေဖြစ်တယ်

အတူတူပြုံးပေမယ့်

အပြုံးချင်းတွေ အတူတူ

မဆုံကြဘူး..

မဆုံမူထဲမှာ သေချာတာ 

တစ်ခုလေးပဲ ရှိနေမယ်....။ 

၁၂။ ပြုံးရယ်ခြင်းထဲမှာ

(အစစ်အမှန်)

ငြိမ်ချမ်းသောပန်းတွေ ပွင့်ဖို့

ထွန်ယက်စိုက်ပျိုးခြင်းတွေပဲ 

ရှိတယ်..

ဒီအရှိတရားကို ..

ကျေနပ်စွာ ယုံကြည် 

လက်ခံပေးဖို့ဆိုတာ

စိတ်ပိုင်းဆိုင်ရာ 

လွတ်မြောက်ပေါ့ပါးဖို့

အတွက်သက်သက်ပဲလို့

သေတမ်းစာရဲ့အောက်မှာ

သေတမ်းစာကို 

ပြန်လည်ရုတ်သိမ်းလိုကြောင်း

ယှဉ်တွဲလို့ 

အတူတူ ရေးထားတယ်

ဒီ foot Noteကို 

သူတို့ အရင်ဖတ်ကြည့်ဖို့တော့လိုတယ်ကွယ်..။

May 17,2019

Minsetwai 

ဒီကဗျာက 

ရဟတ်(ကဗျာစုစည်းမူ)ရဲ့

 နောက်ဆုံးကဗျာပါပဲ။ 

ကျွန်တော်ကဗျာတွေကို 

ဖတ်ရှုပေးကြတဲ့ 

ကျွန်တော်သူ့ငယ်ချင်းအားလုံးကို ကျွန်တော်ကျေးဇူးတင်လျှက် ရှိနေပါ့မယ်။ 

အခုတော့ စိတ်ပိုင်းဆိုင်ရာ 

အားလုံးကျန်းမာ၊ ချမ်းသာကြပါစေခင်ဗျ။

ဂျင်ပေါ်ကထုံးများ

ဂျင်ပေါ်ကထုံးများ

အခုတလော ကြုံတွေရတဲ့ အဖြစ်အပျက်တွေကြောင့် တာရာမင်းဝေရဲ့စကားတစ်ခွန်းကို သွားသတိရမိပါတယ်။ တာရာမင်းဝေက ငါ့နှာခေါ်င်းပေါ်တတ်ပြီး ဘယ်သူ အသက်လာလာရှုနေတာလဲလို့ ရေးဖူးပါတယ်။ ဟုတ်ပါတယ် သူများနှာခေါင်းပေါ်က်ကြီးနဲ့ အသက်ရှုနေတာတော့ မကောင်းပါဘူး။ တစ်နေ့က ခင်မင်ရတဲ့ကဗျာသူငယ်ချင်း ညီမလေးတစ်ယောက်က သူ့ကဗျာတွေကို တခြားလူတွေက ခိုးယူသုံးစွဲတာ ခံရကြောင်းပြောပြပါတယ်။ ယူတဲ့လူက သူ့အထင်ကြီးနေတဲ့ ကဗျာဆရာတစ်ယောက်ဖြစ်နေတော့ သူ့အနေနဲ့က စွပ်စွဲရမှာလည်း ခက်နေပြန်ပါတယ်။ အဲဒီကဗျာနှစ်ပုဒ်ကို ကျွန်တော်ဆန်းစစ်ကြည့်တော့လည်း စကားလုံးအားလုံးနီးပါးဟာ တူညီနေပြီး နာမ်စားသုံးစွဲမူ ကွဲပြားတာလေးပဲရှိတာကို တွေ့ရပါတယ်။ အဲဒီကဗျာလေးကို ကျွန်တော်အတော်မှတ်မိနေတာပါ။

ဘာကြောင့်လဲဆိုတော့ အဲဒီကဗျာဟာ ကျွန်တော်နဲ့လည်း တစ်စိတ်တစ်ဒေသ ဆက်စပ်မူ ရှိလို့ပါ။ ဘာကြောင့်လဲ ဆိုတော့ ကျွန်တော့်သူငယ်ချင်း ကဗျာဆရာမလေးက ကျွန်တော်ရေးခဲ့တဲ့ အလွမ်းတွေနဲ့သေနေတဲ့သစ်ပင်ဆိုတဲ့ ဝထ္ထူလေးကို ဖတ်ပြီးနောက် ဒီကဗျာကိုရေးဖို့ စိတ်ကူးရလာလို့ပါ။ ဒီတော့ ဒီကဗျာကို သူအရင်ရေးတယ်ဆိုတော့ အရမ်းထင်ရှားပါတယ်။ ဒါနဲ့တောင် facebookမှာ နာမည်အတော်အသင့်ရနေတဲ့ ကဗျာဆရာတစ်ယောက်က နာမ်စားလေးပဲပြောင်းပြီး သူ့ကဗျာလုပ်လိုက်တာကတော့ လွန်းလွန်ပါတယ်။ ကျွန်တော်ကတောင် သူ့ကို နှစ်သိမ့်ပေးလိုက်သေးတယ်။ ကျွန်တော်ကိုယ်တိုင်အဲလို အဖြစ်မို့ မကြုံဘူးပေမယ့်လို့ ကိုယ်အမြတ်တနိူးထားတဲ့အရာတစ်ခုကို ခိုးယူခံရတာဟာ အလွန်ကြေကွဲဖို့ကောင်းကြောင်း၊ ဒါပေမယ့်နောက်ဆိုရင် ဆင်ခြင်ဖို့လိုကြောင်း သူ့ကိုပြောပြပေးခဲ့ပါတယ်။

ဟော့... နောက်နေ့မနက် ရောက်တော့ အဲလိုအဖြစ်မျိုး ကျွန်တော်ကိုယ်တိုင် ကြုံရတာပါပဲ။ ကျွန်တော်ရေးတဲ့ကကြိုးဆိုတဲ့ ကဗျာစီးရီးထဲက တစ်ပုဒ်ပါ။ တင်မယ့်လူက ကျွန်တော်ဆီမှာ ကော်ပီလာတောင်းပါတယ်။ လေးစားသမူနဲ့ ကျွန်တော်ပေးလိုက်ပါတယ်။ သူ တကယ်တင်တော့ ကျွန်တော်ရဲ့ကဗျာခေါ်င်းစဉ်တွေရော၊ ကျွန်တော်ရဲ့ နာမည် ကိုပါ ဖြုတ်ခဲ့ပါတယ်။ ပြီးတော့ သူ့ကော်မန့်တွေမှာလည်း သူရေးထားသလိုလိုပုံစံမျိုး ဖြေကြားထားပါတယ်။ ဒီလုပ်ရပ်တွေဟာ အသေအချာဆန်းစစ်ရင် စာရေးတဲ့သူ၊ ကဗျာရေးတဲ့သူတွေအပေါ် ကျော်ခွတဲ့ သဘောပါပဲ။ ပြီးတော့ ရှိပါသေးတယ်။ တစ်ဆက်တည်း ပြောပါစေဦး။

ဆိုကြပါစို့ ကျွန်တော်က စာအုပ်တစ်အုပ်ကို ဖတ်တယ်။ အဲဒီစာအုပ်ထဲက စကားလုံးတစ်ခုကို ကြိုက်လို့ facebookပေါ်တင်တယ်။ တင်တဲ့အခါ ကျွန်တော်နာမည်တပ်တာမျိုး ကျွန်တော်မလုပ်ဘူး။ မူရင်း စာအုပ်ရေးတဲ့သူနာ မည်ပဲ ကျွန်တော်တပ်တယ်။ ဒါက ကျွန်တော်ရေးတာလည်းမဟုတ်၊ ကျွန်တော်တွေးတာလည်းမဟုတ်လို့ပါ။ ဒါပေမယ့် အဲဒီစာရေးဆရာရဲ့ အဲဒီစကားလုံးကို ကျွန်တော်ရှာဖွေဖော်ထုတ်တာပါ။ ဒီတော့ ကျွန်တော်ရေးတာ မဟုတ်သော်လည်း ၊ ကျွန်တော်ရှာဖွေဖော်ထုတ်ခြင်း ဖြစ်တာကြောင့် copyယူမယ်ဆိုရင် ကျွန်တော်ရဲ့ဖော်ထုတ်ပြမူကို အသိအမှတ်ပြုရပါမယ်။ ဘာကြောင့်ဆို တခြားလူဆီက ကျွန်တော်ကော်ပီ ယူတင်ထားတာ မဟုတ်လို့ပါ။ ကော်ပီ ယူတင်တဲ့ အကျင့်လည်း ကျွန်တော်ဘယ်တုန်းကမှ မလုပ်ခဲ့ပါဘူး။ ကြိုက်ရင်Shareပါတယ်။ ဒါက မူရင်းတင်တဲ့သူအပေါ် လေးစားရာရောက်ပါတယ်။ ဒါပေမယ့် သေချာတွေးကြည့်တော့လည်း ဒီလူတွေဟာ တကယ့်စာပေသမားစစ်စစ်မဟုတ်လို့သာ ဒီလိုတွေလုပ်နေကြခြင်းဖြစ်တယ်ဆိုတာ အဖြေထွက်ပါတယ်။ ဘာပဲဖြစ်ဖြစ် တစ်ယောက်နဲ့တစ်ယောက် လေးစားမူရှိဖို့က အတော်လိုအပ်ပါတယ်။ စာပေမိတ်ဆွေများ ဆင်ခြင်နိူင်ကြပါစေလို့ ဆန္ဒပြုမိပါတယ်ခင်ဗျ။

Sep23.2017
Minsetwai

Hopeless

Hopeless

Everyday,

Deadly virus

Is it for the biological walfare?

However very disgusting.

The age of confusion

Run with disarray

Keep on running

But

It gets closer and closer.

Now

My mood of expression

I feel agoraphobia

I lucked the force to against it

I lucked the endurance

And i can't brave

Please, help me!

I want to be escape.

Sep11.2020

Minsetwai

ယံုၾကည္​မူ​ေတြအ​ေၾကာင္​း

1. ဘယ္အရာအ​ေပၚမွာ ယံုၾကည္​ကိုးစားထားလို႔ရႏိူင္​ပါသလဲ။ အဆံုးသတ္​တိုင္​းဟာ မ​ေသခ်ာတာႏွင္​့ မ​ေရရာတာႀကီးပဲ ႐ွိခဲ့ၿပီမို႔ မည္​သည္​့အရာကိုမွ ​ေလွနံဓားထစ္​ ယံုၾကည္​​ေနျခင္​း မ႐ွိ​ေတာ့ပါ။
2. ကြၽန္​​ေတာ္​၏ ယံုၾကည္​မူမ်ားသည္​ ကြၽန္​​ေတာ္​အလိုမတူပါ​ေသာ္​လည္​း ကြၽန္​​ေတာ္​ရင္​ဘတ္​ကို စံုကန္​ထြက္​ခြာသြားခဲ့ၾကသည္​။ ထိုသို႔ႏွင္​့ပင္​ ငယ္​စဥ္​ကအတိုင္​း လူ​ေတြ၏အထင္​အျမင္​ကို မည္​သို႔မ်ွ ျပန္​လည္​​ေျပာဆိုျခင္​း မျပဳလုပ္​ျဖစ္​​ေတာ့ပါ။ 
3. ကြၽန္​​ေတာ္​အတြက္​က​ေတာ့ ​ေန႔ရက္​တိုင္​းသည္​ ​ေခြးသြားစိတ္​မ်ားပမာ စက္​ယႏၲယားဆန္​ဆန္​လည္​ပတ္​သြားလိမ္​့မည္​ ပိုမိုမွတ္​ယူထားျဖစ္​သည္​။ လူတစ္​ဦးသည္​လည္​း စက္​႐ုပ္​တစ္​႐ုပ္​ ျဖစ္​ႏိူင္​​ေကာင္​းပါရဲ ့......။
4. အကယ္​၍ စက္​႐ုပ္​ျဖစ္​ခဲ့သည္​ဆိုပါစို႔။ ယံုၾကည္​မူ ...မယံုၾကည္​မူမ်ားသည္​ ကြၽန္​​ေတာ္​ႏွင္​့ မည္​သို႔​ေသာ အ​ေၾကာင္​းႏွင္​့မ်ွ ပတ္​သတ္​ဆက္​ႏြယ္​လာ​ေတာ့မည္​ မဟုတ္​ပါ။ ကြၽန္​​ေတာ္​အတြက္​​ေရး​ေပးထား​ေသာ ပ႐ိုဂရမ္​တစ္​ပုဒ္​သည္​သာ ကြၽန္​​ေတာ္​၏တာ၀န္​၀တၱရားတစ္​ခုပမာ ျဖစ္​တည္​​ေနမည္​သာ ျဖစ္​သည္​။
5. ထိုကိစၥအ​ေပၚ အရမ္​းသ​ေဘာက်​ေနျခင္​းမ်ိဳးလည္​း ကြၽန္​​ေတာ္​မွာမ႐ွိပါ။ အလြယ္​​ေျပာရလ်ွင္​ ထိုကိစၥတြင္​ မၿပီး​ေျမာက္​​ေသာ​ေၾကာင္​့ ဟိုကိစၥတစ္​ခုသို႔ ​ေျပာင္​းလုပ္​လိုက္​ရသည္​ႏွင္​့မျခား..။ ထိုအ​ေပၚမွာ ယံုၾကည္​ခ်က္​ထား​ေသာ ​ေမ်ာ္​လင္​့ခ်က္​မ်ားဟူသည္​လည္​း မ​ေတြး​ေတာထား။ တစ္​စံုတစ္​ခုမ်ားမွ တစ္​စံုတစ္​ရာ​ေတြ ျဖစ္​​ေပၚလာျခင္​းမ်ားသာ ျဖစ္​​ေတာ့သည္​။
6. အမွန္​​ေျပာရလ်ွင္​ ဤ​ေလာကတြင္​ သူ႔ဘာသာသူၿပီး​ေျမာက္​​ေအာင္​ျမင္​သြာ​ေသာ ကိစၥဟူသည္​မ႐ွိပါ။ သို႔​ေသာ္​ အားထုတ္​ႀကိဳးပမ္​းမူမ်ားတိုင္​းသည္​ ​ေနာက္​ဆံုးတြင္​ပန္​းတိုင္​သို႔​ေရာက္​သည္​ဟု ကြၽန္​​ေတာ္​ ယံုၾကည္​ခ်က္​မထားပါ။ ဤစကားက မ်တ္​ႏွာဖံုးမဲ့ခဲ့ၿပီ။
7. ခုခ်ိန္​မွာ ပါးပါးလ်လ်​ေလးႏွင္​့ ကြၽန္​​ေတာ္​ဦးထုပ္​လက္​​ေဆာင္​​ေပးလိုက္​​ေသာ ကြၽန္​​ေတာ္​၏အရင္​းႏွီးဆံုးမိတ္​​ေဆြ အမ်ိဳးသမီးတစ္​ဦးထံသို႔သာ အဆက္​အသြယ္​လုပ္​လိုစိတ္​႐ွိၿပီး ကြၽန္​​ေတာ္​၏စက္​ယႏၲယားမ်ားကို မည္​သို႔​ေသာပ႐ိုဂရမ္​ျဖင္​့ ထိန္​းခ်ဳပ္​ထားျခင္​းျဖစ္​​ေၾကာင္​း သူကိုစစ္​​ေဆးၾကည္​့​ေစခ်င္​သည္​။ သို႔​ေသာ္​ ထိုျဖဴလႊလႊအမ်ိဳးသမီးသည္​ ကြၽန္​​ေတာ္​ကို​ေၾကာက္​ရြံထိတ္​လန္​႔​ေသာ​ေၾကာင္​့ တူတူပုန္​း​ေလၿပီ။ 4:16AM,16.9.2019,MINSETWAI

တာရာမင်းဝေ၏အနုပညာခံယူချက်များ

တာရာမင်းဝေ၏အနုပညာခံယူချက်များ

တကယ်ပြောတာပါ။ စာပေပညာရှင် တစ်ယောက်ယောက်ကို လေ့လာရတာဟာ အတော်ကလေး စိတ်လှုပ်ရှားစရာကောင်းတဲ့ အလုပ်တစ်ခုပါ။ စာပေပညာရှင်တစ်ယောက်ကို လေ့လာရင်းနဲ့ သူ့ဘဝဖြစ်တည်မူတွေ၊ သူ့ဘဝခံယူမူတွေဟာ အားအင်တွေကိုလည်း ဖြစ်ပေါ်စေခဲ့ပါတယ်။ အထူးသဖြင့် အနုပညာခံယူချက်တွေဟာ လေ့လာသူကို ပိုပြီးရဲရင့်တတ်ကြွစေပါတယ်။

ဆရာတာရာမင်းဝေရဲ့ အနုပညာခံယူချက်တွေကို လေ့လာကြည့်လိုက်တော့ သူဟာ ကဗျာ၊ ပန်းချီ၊ ဂီတ၊ အက အနုပညာပုံစံအားလုံးဟာ အခြေခံအားဖြင့် အတူတူပဲလို့ သတ်မှတ်ထားသူုဖြစ်ကြောင်း တွေ့မြင်ရပါတယ်။ ပြီးတော့ လူတစ်ယောက်ရဲ့ အနုပညာလုပ်ပိုင်ခွင့်အပေါ်မှာ ထိန်းချုပ်ကန့်သတ်တဲ့ အရေးအသားတွေကို မကြိုက်ကြောင်း ဆန့်ကျင်တတ်တဲ့သူပါ။

သူတို့ခေတ်က ကာရံမဲ့ကဗျာများအပေါ် အားပြင်းပြင်းနဲ့ ဝေဖန်တိုက်ခိုက်ကြတဲ့အခါ ဆရာတာရာမင်းဝေက_

            (ကဗျာဆရာတို့၏ ကာရန်ဗဟိုပြုဝါဒသည် အလွန်ပင်အားကောင်းပြင်းထန်ခဲ့၏။ ကာရန်ပါလျှင်ကဗျာ၊ ကာရံမပါလျှင် စကားပြေဟု ခွဲခြားကြ၏။ ထိုခွဲခြားချက်တွင် ကဗျာကို ကာရံက ကိုယ်စားပြုနေကြောင်း
ထင်ထင်ရှားရှာ းတွေ့ရလေပြီ။ ကဗျာသစ်တွေထွင်ကြ၏။
ကဗျာသစ်ဟုပြော ကြ၏။ သို့သော် ကာရံသစ်သာဖြစ်ခဲ့
သည်။
ကဗျာဆရာကိုယ်တိုင်ပင်လျှင် ကဗျာနှင့်ကာရံကို ထပ်လျှက်ကျနေသယောင် လုံးထွေးမြင်ယောင်ခဲ့သည်။
ကာ၇ံတစ်ခုရိုအီလာလျှင် ကာရံပုံစံနောက်တစ်ခုကို
တီထွင်ကြ
သည်။ ကဗျာပဒေသာကျမ်းကြီးမှာလည်း မာတိကာတိုး၍ စာမျတ်နှာထူလာသည်။ထိုသို့ဖြင့် ကဗျာသည် ကာရံဟူသော
အရာတစ်ခု၏ ပုံစံမျိုးစုံနှင့်လှည့်ပတ်တုတ်နှောင်မူကို
မရူမလှခံလာရပါတော့သည်။ ထိုသည်ကိုသတိပြုမိသော ကဗျာဆရာအချို့က တွေးခေါ်ဆင်ခြင်လာကြသည်။ ကဗျာဆိုသည်မှာအဘယ်နည်း။
ထိုပြင် ကာရံဆိုသည်မှာအဘယ်နည်း။pg- 102)
( ပြိုင်မြင်းတို့၏ခွာသံ)

ဟူ၍ရေးသားထားသည်။

ထိုရေးသားထားမူအရ သူဟာ
ကိုယ်တိုင်ကဗျာဆရာဖြစ်ခဲ့သူပီပီ ခေတ်သစ်ကဗျာအပေါ် ကာရံ၏ခြယ်လှယ်မူများကို တွန်းလှန်နေတာကို မျက်စိစပါးမွှေး စူးခဲ့တယ် ထင်မိရဲ့။ မော်ဒန်ကဗျာများ ပေါ်ပေါ်က်လာသောအခါ
ရှေးရိုးစွဲကဗျာပုံစံနှင့် များစွာကွဲလွဲသောကြောင့် က
ဗျာဆရာများကြား ခံယူချက်တိုက်ပွဲများဖြစ်ခဲ့ကြရပါတယ်။ တချို့ကဗျာဆရာများက ကာရံပါမှကဗျာ၊ တချို့ကဗျာဆရာများက ကာရံရှိမှကဗျာမဟုတ်၊ စသကဲ့သို့ ခံယူမူအမျိုးမျိုးဖြင့် ကဗျာတော်လှန်ရေးကြီးဆင်နွဲကြကုန်ပါတယ်။ အဲဒီထဲမှာ ဆရာတာရာမင်းဝေက ကာရံမရှိလည်းကဗျာဖြစ်သည်ဟူသော မော်ဒန်ကဗျာဆရာများဘက်မှ ရဲရဲဝံ၀ံတိုက်ပွဲ၀င်ခဲ့
သူတစ်ယောက်ပါပဲ။ ဒါပေမယ့် သူ့ရင်ထဲမှာ အနုပညာနဲ့ပတ်သက်တဲ့ ဘယ်အရာအပေါ်ကိုမှ ဒေါသမဖြစ်ချင်မိသလို ဒုက္ခပေးချင်တာမျိုးလည်းမရှိပါဘူး။ သူက သူ့ဟာသူ ဂူတစ်ခုထဲမှာပဲ အဆိပ်ပြင်းတဲ့ ကျည်ဆန်တစ်တောင့်လို ရှိချင်ခဲ့သူပါ။ ပြီးတော့ အနုပညာကို အကောင်းဘက်ကကြည့်ပြီး အပြုသဘောဝေဖန်တာမျိုးကိုပဲ လိုလားခဲ့တာပါ။ အဟောင်း အသစ်ခွဲခြားဆက်ဆံတာမျိုးတွေကို သူ အလိုမရှိခဲ့ပါဘူး။ သူခံယူချက်စကားတွေကတော့ အောက်ပါအတိုင်း ရဲရဲရင့်ရင့်ရင့်ရှိနေတာကိုတော့ တွေ့မြင်နိူင်ကြပါလိမ့်မယ်။

၁။ လျှာပေါ် မြက်ပေါ်က်ရုံမကလို့ လျှာဖောက်ပြီး အာခေါ်င်မှာ ကန္တရဆူးပင် ပေါက်ပလေ့စေ။ ဒီလမ်းမှာပဲ ဆက်လျှောတ်နေမယ်။

၂။ မိမိခံစားချက်ဖြင့် မိမိပုံဖော်ခဲ့သော အနုပညာပစ္စည်းက သူတစ်ပါးပြုလုပ်ထားသော ပစ္စည်းနှင့် တူကောင်တူပေလိမ့်မည် ။ သို့သော် မိမိပြုလုပ်ထားသော အနုပညာပစ္စည်းက မိမိကိုယ်ပိုင်ပစ္စည်းပင် ဖြစ်သည်။
အတုမဟုတ်။
(ပြိုင်မြင်းတို့၏ခွာသံမှ)

၃။ "ငါကလည်း ခက်တယ်
ကဗျာတစ်ပုဒ်နဲ့
နေမဝင် အင်ပါယာ
ဘယ်ဟာယူမလဲလို့ မေးလာရင်
ဒုတိယအရာကို ငါငြင်းတယ်....။"
(မီးတောက်ရစ်သမ် ကဗျာမှ)

၄။
ငါက သာမညလူ
ငါက ယေဘုယျလူ
ဆပ်ပြာပူဖောင်းလို
အရေခွံ တစ်ထပ်ခွာလိုက်ရင်ပဲ
အထဲမှာ
ဘာမှ ကျန်မှာမဟုတ်တဲ့လူ
(အ
ေ့ရှမြို့ရိုးမှ မိုးရေစက်များ)

ဒီလိုစကားလုံးတွေနဲ့အတူ ဆရာတာရာမင်းဝေဟာ သူရဲ့အသက်ရှုခြင်းထဲမှာ ယုံကြည်ရဲရင့်ခြင်းတွေကို မြဲမြံအောင် သံမှိုစွဲထားခဲ့ပြီး သူဟာ သူရဲ့အိပ်မက်တွေကို လက်တွေ့ပြုလုပ် ရှင်သန်နိူင်ခဲ့ပါတယ်။ ဒီနောက် ကွယ်လွန်
သွားခဲ့သည့်အထိ ခံယူချက်ကိုမကျိုးပေါ်က်အောင်
ထိန်းထားနိူင်ခဲ့ပြီး ကွယ်လွန်သွားသည့်အထိ အနု
ပညာအပေါ် ရူးသွပ်ပြနိူင်ခဲ့ပြန်ပါတယ်။ သူ့လိုလူအတွက်တော့ သူ့နာမည်က အမြဲတစေအဓွန့်ရှည်လျှက် ရှိနေပါလိမ့်မယ်ဆိုတာ ကျွန်တော်ယုံကြည်နေမိပါတယ် ခင်ဗျ။

The End
2:13AM
Aug13.2020
#Minsetwai

အရိပ်သုံးပါးမဲ့သံ

အရိပ်သုံးပါးမဲ့သံ

အာရုံဝင်စားမူဟာ နယ်မြေချ့ဲ
ကောင်းကင်ဘုံ ပန်းချီကားချပ်
အဲဒီရဲ့ အလယ်ဗဟိုတည့်တည့်
ရူခင်းကိုမမြင်မီ နူတ်သော့ခတ်
ဖြည်းဖြည်းချင်းပဲ ေ့ရှဆက်နေ။

အနှေးပြကွက်ကို တယုတယထားကြည့်
ပေပွအနာဂတ်ဟာ အထင်ကရဆန်ဆန်နဲ့
ဆည်းဆာမဲ့
ဇင်ယော်များမဲ့
အလျားလိုက်သေနေသော မြစ်တွေနဲ့
အထီးကျန်ဆန်ဆန် ပက်ကြားအက်။

တံလျှပ်၊ မိုးကြိုး၊ မုန်းတိုင်းများ
ရဲဆေးတင် ဝတ်မှုန်ကူးမိ
စိတ်ကူးထဲရှိသည့် ဘုရားဆီ
ငြိမ်သက်မူတရားနဲ့ လက်နတ်ချ
စိမ်းလန်းမူကင်းမဲ့ခြင်းမှသည်
ရှေးဒဏ္ဍာရီများဆီထိတိုင်။

ပျက်စီးယိုယွင်းမူ ခပ်များများနဲ့
သပ်လျိူရိုက်ထားခြင်းမှာ
ပျော်ရွှင်ခြင်း ခပ်များများကို
အစားထိုး လဲလှယ်ပေးပါ
စောင့်မျှော်သူလူသားတို့ ကိုယ်စားပန်ကြား
ဘာမှမကြားရသော ဘုရားက
ဘာမှလည်း ပြန်မမိန့်တော့မူမှ
ငါလည်း ငါ့ဝရံတာမှ
သတိလည် နိူးထ။
Aug 8.2020
Minsetwai
THE END

Numerology 28

#နျူမယိုလောဂျီအားလေ့လာခြင်း
၂၈
ဤနေရာတွင် ၂၈ ရက်နေ့ မွေးသူများအတွက်ရော၊ တွဲဂဏန်း ၂၈ ရသောသူများအတွက်ရော၊ အိမ်နံပါတ်များဆိုင်ရာအတွက်ရော၊ အခြားသောသက်ဆိုင်သမျှအားလုံးကို တစုတစည်းတည်းဖော်ပြပေးသွားပါမည်။ ၂၈ကို တားရော့့နှင့်ဆက်စပ်ပြီး ဖော်ပြချက်အရ ထိုနံပါတ်မှာ ဆန့်ကျင်ဘက်များကို ဖော်ဆောင်ခြင်းဖြစ်သည်။ ယင်း၏နိမိတ်ပုံမှာ လူနှစ်ယောက် ကျောချင်းကပ်ပြီး မတ်တပ်ရပ်နေသောပုံအဖြစ်နှင့်လည်း ပြဆိုသည်။ ဖော်ပြချက်မှာ ပဋိပက္ခများနှင့် ပြည့်နှက်နေခြင်း၊ သူတစ်ပါးအပေါ် ယုံကြည်ရာတွင် မှားယွင်းခြင်း၊ စီးဟွးရေးတွင် အပြိုင်အဆိုင်ရှိခြင်း၊ ဘဝခရီးလမ်းကို မကြာခဏ အသစ်မှ ပြန်စရခြင်း၊ ကြီးဟွးချမ်းသာနိူင်ပါလျှက် အမူမဲ့၊အမှတ်မဲ့ နေမူကြောင့် အကျိုးယုတ်ရတတ်ခြင်းတို့ပင် ဖြစ်သည်။ ထိုအတူ မမျာ်လင့်ဘဲ ဥပဒေကိုချိုးဖောက်မိသောကြောင့် ထောင်ထဲရောက်ရတတ်ခြင်းမျိုး၊ အမြင့်ကိုရောက်ပြီးမှ ပြန်ပြုတ်ကျ၍ တစ်မှ တစ်ခါပြန်စရခြင်းမျိုးများအပြင် မိမိတို့အနေဖြင့် အခြားသူတစ်ပါးအပေါ် ယုတ်မာသောအမူ ပြုခဲ့သည်ဆိုလျှင် မိမိမှ ပြန်လည်ဝဠ်ကြွေးပေးဆပ်ရခြင်းမျိုးကို ကြုံဆုံရတတ်သည်ဟူ၏။ အိမ်ထောင်ရေးတွင်လည်း ကံမကောင်းနိူင်ခြင်းတို့ကို ဖော်ညွှန်းပြပါသည်။

 #Chaldean numerology တွင်မူ နံပါတ် ၂၈ သည် ကနဦး တွင်အောင်မြင်မှုနှင့်ပျော်ရွှင်မှုကိုရရှိစေသော်လည်း အချိန်ကြာသည်နှင့်အမျှ တဖြည်းဖြည်းနှင့် ပြောင်းပြန်အကျိုးသက်ရောက်မူကို ဖြစ်ပေါ်လာစေသည်။ ဥပမာအားဖြင့် အသက်၂၈နှစ် ရှိသူတစ်ယောက်သည် အမည်တွဲဂဏန်းမှာ ၂၈ဖြစ်နေသည်ဆိုပါက ထိုကာလတွင် သူသည် အပြင်းအထန်ယှဉ်ပြိုင်ရမှုနှင့် အတားအဆီးများကိုရင်ဆိုင်ရလိမ့်မည်ဖြစ်သည်။ ဆိုရသော် ၂၈သည် လူတစ်ဦးအား သူ၏ဘဝကိုအကြိမ်ကြိမ်စတင်ရန်ပြုလုပ်ခြင်းပင် ဖြစ်သည်။ ထိုအဓိပ္ပါယ်မှာ ဆိုခဲ့ပြီးအတိုင်း အစပိုင်းတွင် ၂၈တွဲဂဏန်းရထားသော နာမည်ရှိသူသည် အချိန်ကာလတိုအတွင်းတွင် အောင်မြင်မှုရလေ့ရှိသော်လည်း နောက်ဆုံးတွင် ၎င်းတို့သည် အရာရာ ပြန်လည်ဆုံးရှုံးသွားရသောသဘောများ ရှိတတ်ကြသည်။ ထို့အပြင် မိတ်ဆွေနှင့် ဆွေမျိုးများကြောင့် အကြီးအကျယ်ဆုံးရှုံးရသောကံလည်း ရှိပြီး ယင်းမှတဆင့် ငွေကြေးဆုံးရှုံရခြင်းမျိုးကို ဖြစ်စေနိူင်သည်။ ဥပမာအနေဖြင့် မိမိမှ ငွေထုတ်ချေးခဲ့သည်ဆိုလျှင် ထိုသူမှ မိမိအား ငွေပြန်လာပေးလိမ့်မည်ဟု တထစ်ချ ယုံမှတ်ထားလို့မရကြောင်း သိထားရမည်။ ထိုကြောင့် နံပါတ် ၂၈သည် ယေဘုယျအားဖြင့် Chaldean numerology တွင် ကံနှင့်သက်ဆိုင်သော နံပါတ်တစ်ခုဟု ဆိုထားခြင်း ဖြစ်သည်။
သို့ပါသော်လည်း ထို ၂၈နံပါတ်သည် ခေါ်င်းဆောင်ပိုင်းနှင့်ဆိုင်သော နံပါတ်ဖြစ်သည်။ အလွန်အရေးကြီးသော ေ့ရွလျားပြောင်းလဲခြင်းများနှင့် ဆက်စပ်နေသည်။ ထိုတွဲဂဏန် ၂၈ သို့ ပေါ်င်းလဒ် ၂၈ ရှိကြသူများသည် အထူးသဖြင့် ပညာပိုမိုတတ်မြောက်ရန်နှင့် သူတို့ရောက်ရှိနေသော နယ်ပယ်တွင် ကျွမ်းကျင်သူတစ်ဦးအဖြစ် ရောက်ရှိရန်အတွက် အမြဲကြိုးစားအားထုတ်နေလေ့ရှိသူများ ဖြစ်သည်။ ထိုကြောင့်ပင် သူတို့၏ အသက်မွေးဝမ်းကြောင်းလုပ်ငန်းများတွင် သူတို့သည် အောင်မြင်သူများ ဖြစ်လာတတ်ကြသည်။ သို့သော်လည်း ထိုသူများအနေဖြင့် သတိပြုရန်မှာ သူတို့၏ဗီဇအရ အခြားသူများမှ ဖိအားပေးလာမူကို မနှစ်သက်ကြလေရာ ထိုအတွက်ပင် သူတို့ကိုယ်သူတို့ အလွန်အမင်း ပြန်၍ဖိအားပေးတတ်သောအကျင့်များ ရှိနေတတ်ကြသည်။

အကြောင်းအရာ ပုံစံအမျိုးမျိုးဖြင့် ၂၈နှင့် ပတ်သက်လာကြသောသူများသည် ချစ်ခင်ကြင်နာတတ်သောစိတ် ရှိကြသူများလည်းဖြစ်ကြသည်။ တခါတရံ ထိုစိတ်ဖြစ်တည်မူနှင့်အတူပင် အခြားကွဲပြားခြားနားသော အတွေးနှင့်ခံစားချက်များကိုလည်း တပြိုင်နတ်တည်း ဖြစ်ပေါ်တတ်ကြသည်။ သူတို့သည် အခြားသူများအတွက် လိုအပ်သောအကြံညဏ်ကောင်းများကို ပေးနိူင်သူများ ဖြစ်ကြပြီး ငြိမ်းချမ်းရေး၊ ပူပေါ်င်းဆောင်ရွက်မူ၊ သဟဇာတဖြစ်မူများအတွက် အကောင်းဆုံး ဆောင်ရွက်နိူင်ကြသူများလည်း ဖြစ်သည်။ အကြောင်းကမူ ၂၈တွင်ပါဝင်နေသော ၂သည် အလွန်ကောင်းမွန်သော ဆက်ဆံရေးသင်္ကေတတစ်ခု ဖြစ်ကြောင့်မည်၏။ အခြားသူများ၏ ထင်မြင်ချက်များကိုလည်း အလေးထားတတ်ကြပြီး ထိုသူတို့နှင့် ဆက်ဆံရသောအခါတွင်လည်း အလွန်ဂရုစိုက်ပြီး သတိထားတတ်ကြသည်။ ဆိုရလျှင် ထိုသူများသည် ကြင်နာမူ၊ စေတနာစိတ်၊ နားလည်မူ၊ လူသားချင်းဆိုင်ရာ စာနာမူကဲ့သို့သောအရာများကို အလေးထားကြသူများဖြစ်ပြီး သူတို့၏ ထိုထွင်းသိမြင်မူမှတဆင့် တရားမျှတမူများကို လုပ်ဆောင်နိူင်ကြလေသည်။

၂၈ရက်မွေးဖွားသူများအတွက်ကမူ ထူးခြားသော ပင်ကိုယ်အရည်အသွေးရှိသူများဟု ဆိုနိူင်သည်။ ဆုံးဖြတ်လုပ်ကိုင်ရာတွင် ပြတ်သားမူရှိကြသည်။ ဇွဲနှင့်ဝိရိယရှိသည်။ ယုံကြည်ချက် ပြင်းထန်ကြသည်။ ရည်မှန်းချက်ကြီးမားကြသည်။ ဥပမာအနေဖြင့် ဘီးလ်ဂိတ်ကို ကြည့်မြင်နိူင်ပါသည်။ သူတို့တွင် ခေါ်င်းဆောင်မူဆိုင်ရာ ဆုံးဖြတ်ချက်များ၊ အတွေးအခေါ်များကို တီထွင်ဆန်းသစ်မူများကို ပြုလုပ်ရ၌ ကျွမ်းကျင်သော ညဏ်ပညာရှိကြသည်။ ထိုနေ့ရက်မွေးသူတို့သည် စိတ်စွမ်းအင်ကြီးမာသော်လည်း သူတို့၏ အတွင်းစိတ်သဘောကိုတော့ ထုတ်ဖော်မပြတတ်ကြပေ။ သူတို့၏ ဘဝတွင် သူတို့သာလျှင် သခင်ဖြစ်သည်ဟု ခံယူကြသည်။ ထိုစိတ်ကြောင့်လားပင် မသိ၊ သူတို့သည် လူတစ်ဘက်သားနှင့် မိမိ၏ိသားစုများအပေါ်တွင် တစ်ဘက်သတ်လွှမ်းမိုးချင်စိတ်များ ရှိနေတတ်ကြသည်။ ထိုကြောင့် ပတ်ဝန်းကျင်၏ အထင်လွဲမှားမူကို မကြာခဏ ခံကြရသည်။ သို့သော်လည်း သူတို့၏ ယုံကြည်မူကိုက မဖြစ်မနေ ရုပ်လုံးဖော်နေတတ်ကြသည်။ သူတို့တွင် များသော်အားဖြင့် အကြောက်တရားမရှိတတ်ကြသော်လည်း တခါတရံတွင်မူ လွန်စွာစိုးရိမ်ပူပန်တတ်သောစိတ်များ ဖြစ်ပေါ်တတ်ကြသည်။

၂၈ရက်မွေးဖွားသူများသည် ရှာဖွေနိူင်သလောက်လည်း ငွေကိုအသုံးကြမ်းတတ်ကြသူများဖြစ်သည်။ သူတို့အတွက် အကောင်းဆုံးအကြံမှာ အသက်ကြီးသောအခါ အိုစာ၊ နာစာများအတွက် ငွေကို ကြိုစုဆောင်းဖို့ပင်ဖြစ်သည်။ သတိထားရမည်မှာ ငွေကြေးဆုံးရှုံးနစ်နာစေနိူင်သော လုပ်ငန်းများ၊ တရားတဘောင်ဖြစ်ပေါ်စေတတ်သော လုပ်ငန်များကို ဆင်ခြင်တိုင်းထွာ၍ လုပ်ကိုင်ဖို့ဖြစ်သည်။ သူတို့သည် ပင်ကိုယ်ဗီဇအားဖြင့် စိတ်ဓာတ်ခိုင်မာမူရှိသည်မှာ မှန်သော်လည်း ဝိရောဓိသဘောတရားအရ တစ်ခါတစ်ရံမှာလည်း ပျင်းရိတတ်ကြပြန်သေးသည်။ ထိုအတူ ပေါ့ပျက်ပျက်နေမိသောကြောင့် သူတို့၏ ရည်မှန်းချက်လမ်းစ ပျောက်ဆုံးရခြင်းမျိုးကို ကြုံရတတ်သည်။ ထိုသို့ကြုံဆုံရမူသည် အချိန်ကာလ တစ်ခုအထိ ကြာမြင့်သွားသောအခါတွင်မူ သူတို့၏ ယခင်က အများအပေါ် ဦးဆောင်နိူင်ခဲ့သည့် အရည်အသွေးများမှာ တဖြည်းဖြည်းပျောက်ကွယ်ကုန်ကြရပြီး အရင်က မိမိသြဇာခံ ဖြစ်ဖူးသူများ၏ လှောင်ပြောင်သရောခြင်း ၊ လက်တုန့်ပြန်နှိတ်ကွတ်ခြင်းများပြုလုပ်သည်ကို ခံစားရနိူင်သည်။ သို့သော်လည်း ထိုနေ့ရက်မွေးဖွားသူများမှာ သူတို့၏ကံကြမ္မာကို သူတို့ကိုယ်တိုင် ထိန်းချုပ်နိူင်စွမ်းရှိသည်ဟု ယုံကြည်ထားသူများပင်ဖြစ်ရာ သူတို့၏ ရှုံးနိမ့်မူဖြစ်စဉ်များ ဖြစ်ပေါ်လာမှာကို ကြောက်ရွံမည်တော့ မဟုတ်ပေ။ ထိုအတူ သူတို့၏ မာနအရ အခြားထင်ပေါ်သူတစ်ယောက်ကဲ့သို့ ဖြစ်ရန်၊ တူညီစေရန် ဘယ်သောအခါမှ ကြိုးစားကြမည့်သူများလည်း မဟုတ်ကြပေ။

၂၈ရက်မွေးဖွားသူများ၏ အချစ်ရေးကိုမူ Tear Eye ဟု တင်စားခေါ်ဝေါ်သမုတ်ကြသည်။ အချစ်ရေးတွင် သူတို့သည် စိတ်ခံစားမူ ပြင်းထန်ပြီး သိမ့်မွေ့သော နှလုံးသားကို ပိုင်ဆိုင်ကြသည်။ သို့သော်လည်းပဲ သူတို့၏အချစ်ရေးတွင်မူ ငိုကြွေးခြင်းများစွာ၊ မျက်ရည်ပေါ်င်းများစွာ ကျဆင်းရပြီးမှ အချစ်ကို ရရှိပိုင်ဆိုင်ကြရသည်။ သူတို့ကြောင့်လည်း အခြားချစ်ရသူများမှ မျက်ရည်ကျဆင်းကြရတတ်သည်။ အထူးသဖြင့် သူတို့၏ အေးတိအေးစက်နှင့် ခေါ်င်းမာထင်ရာစိုင်းတတ်သော အကျင့်ကြောင့် အချစ်ရေးမှာ စိတ်အနှောင့်အယှတ်ဖြစ်ပေါ်မူ များပြားရခြင်းဖြစ်သည်။ သူတို့၏ ဖူစားကံအတွက် အမြင့်မားဆုံးသော မွေးရက်ရှင်များမှာ ၇ရက်နှင့် ၁၄ရက်နေ့ မွေးဖွားသူများဖြစ်ပြီး ထိုသူတို့နှင့် တွေ့ဆုံရမူကိုတော့ Soul Mate ဝိညာဉ်ချင်းဆက်သွယ်မူဟု တင်စားကြသည်။ သူတို့အတွက် ဝမ်းနည်းကြေကွဲရခြင်းမျိုးဖြင့် အဆုံးသတ်စေနိူင်သော မွေးနေ့ရှင်များကမူ ၄ရက်နေ့မွေးဖွားသူနှင့် ၁၆ရက်နေ့မွေးဖွားသော သူများပင်ဖြစ်သည်။

Angel numberများဆိုင်ရာတွင်မူ ၂၈နှင့်ပတ်သက်ပြီး ၎င်းတို့သည် မိမိချစ်သူအပေါ် အလွန်းအမင်းချစ်မြတ်နိူးကြပါသော်လည်း ထိုအချစ်ကပင် သူတို့ကိုအခက်အခဲတွေ့စေတတ်သည်ဟု ဖော်ပြသည်။ သို့သော်လည်း နောက်ဆုံးတွင် ထိုသူတို့သည် ချွင်းချက်မရှိစွာနှင့်ပင် သူတို့ချစ်မြတ်နိူးသော လက်တွဲဖော်ကို ရွေးခြယ်နိူင်ကြပေလိမ့်မည်။ သို့သော် မရွေးခြယ်နိူင်ခင် ကာလတွင်မူ သူတို့အတွက် အချစ်ရေးနှင့် ပတ်သက်သော ဆက်ဆံရေးမှာ စိတ်ဖိစီးမူနှင့် နာကျင်မူများကို ဆောင်ယူပေးလာမည်သာ ဖြစ်သည်။

၂၈ရက်နေ့ မွေးဖွားခဲ့သူများ
- စာရေးဆရာအလတ်ဇန်ဒါးဒူးမတ်(July 28)
- ကဗျာဆရာသောမတ်မိုး(May 28)
- ဘီးလ်ဂိတ် (၂၈ရက်မွေး)

၂၈နှင့်ပက်သက်သူအားလုံးအတွက် ကျန်းမာရေးဆိုင်ရာ ဖြစ်တတ်လေ့ရှိသော ရောဂါများမှာ အရေပြားဆိုင်ရာ ရောဂါများ၊ ဆီးနှင့်ကျောက်ကပ်၊ ကူးစက်ယားနာများ၊ ခေါ်င်းကိုက်ခြင်း၊ ခြေထိပ်လက်ထိပ်များ ထုံကျင်နာကျင်တတ်ခြင်းတို့ပင် ဖြစ်သည်။ အခြားပိုမိုလေ့လာရန်အတွက်ကမူ ၂၈ မှာ ၁ဂဏန်းဖြစ်သောကြောင့် ၁ဂဏန်းနှင့် အများအပြားတူညီကြသည်ဖြစ်ရာ ၁ဂဏန်းတွင် ပိုမိုလေ့လာနိူင်ပါသည်။

#အိမ်နံပါတ်၂၈အတွက်ကမူ Feng Shuiစနစ်အရ ထိုအိမ်တွင်နေထိုင်သူများမှာ ကံကောင်းကြသူများဟု ဆိုသည်။ ၂၈နံပါတ်ရှိသောအိမ်သည် ချစ်ခြင်းမေတ္တာများဖြင့်ပြည့်နှက်နေပြီး ထိုအိမ်မှာ ချစ်ခြင်းမေတ္တာကို အလေးထားတတ်သောအိမ်ဆိုလျှင် မမှားပေ။ ထိုအိမ်သားတို့သည် ပက်ဝန်းကျင်ရှိ လူအများကိုလည်း ဂရုစိုက်တတ်ကြသောကြောင့် လူအများ၏ ချစ်ခြင်းမေတ္တာများကိုပါ ခံစားရရှိကြရသည်။ ထိုအပြင် ထိုအိမ်တွင်နေထိုင်သူများမှာ ယုံကြည်မူနှင့် ပူးပေါ်င်းဆောင်ရွက်မူများကို တန်ဖိုးထားသူများဖြစ်ကြပြီး သူတို့ဘဝထဲသို့ ဝင်ရောက်လာသူများကိုလည်း တန်ဖိုးထားမြတ်နိူးတတ်ကြသည်။ ဘဝရည်မှန်းချက်ပန်းတိုင်ဆီသို့ အရောက်လှမ်းလိုသူများအတွက်မှာလည်း အိမ်နံပါတ်မှာ ၂၈မှာ ပြီးပြည့်စုံစေသောအိမ်လည်း ဖြစ်သည်။ ထိုအိမ်နံပါတ်၂၈သည် ဘဝမှာအောင်မြင်ရမည်ဟု စိတ်ပိုင်းဖြတ်ထားသူ၊ ဇွဲရှိရှိနှင့် အာရုံစူးစိုက်နိူင်သူများအတွက် အလွန်အားကောင်းသောအိမ်ပင်ဖြစ်သည်။ သို့သော် ဆိုးသောအချက်တစ်ခုကမူ ထိုအိမ်သားတို့မှာ ကျန်းမာရေးဂရုစိုက်မူကို အထုးသတိပြုရန်လိုခြင်း ဖြစ်သည်။
Ref:
#ဆရာစောစံ(B.A)မြန်မာပြန်၏ ကိုင်ရို၏ ဂဏန်းဗေဒင်
Numerology.com
#ဆရာစံဇာဏီဘို၏ သင့်မွေးရက်နှင့်အချစ်ကံကြမ္မာ
Aug31.2020
Minsetwai

numerology 29

နံပါတ်၂၉

၂၉, ၁၁, ၂

၂၉၏ ကိုယ်စားပြုသင်္ကေတကို အရိပ်မည်းကြီး လွှမ်းမိုးနေပုံဖြင့် ဖော်ပြတတ်ကြသည်။ ထိုအရိပ်မည်းကြီးဟူသည် မသေချာခြင်းနှင့် ဘေးအန္တရာယ်များခြင်းပင်ဖြစ်သည်။ Numerologyတွင် နံပါတ်တိုင်းသည် ပင်ကိုယ်အနှစ်သာရအဓိပ္ပါယ်များ ရှိကြသည်ကို ဖတ်ရှုပြီးသလောက်ဖြင့် သတိထားမိကြလိမ့်မည် ထင်သည်။ ၂၉၏အနှစ်သာရသည် ပတ်ဝန်းကျင်ပေါ်တွင် မူတည်၍လည်း အခြေခံတည်ဆောက်ထားသည်။ ယင်းက တီထွင်ဖန်တီးမူဆိုင်ရာ အားသာချက်များကို ရှိစေသည်။

 ထို၂၉ဂဏန်းနှင့် ပတ်သက်သောအချိန်ကာလတွင် မိန်းမဆိုလျှင် ယောကျာ်း၊ ယောကျာ်းဆိုလျှင် မိန်းမက မလိမ့်တပတ်လုပ်ခြင်းကို ခံရတတ်သည်။ ထိုအတူ မတွးမခေါ်သောကြောင့် ဘေးအန္တရာယ်များ ရုတ်တရတ် ပေါ်ပေါ်က်လာခြင်း၊ အစစ်ဆေးခံရခြင်း၊ ညှင်းပန်းနှိတ်စက် ခံရခြင်း၊ ပူဆွေးကြေကွဲရခြင်းများကို ဖြစ်ပေါ်စေနိူင်သည်။ ရင်းနှီးသူများနှင့်လည်း ခွဲခွာရတတ်သည်။ 

သတိပြုရန်မှာ ယင်းဂဏန်းရရှိချိန်တွင် တွေ့ရသော မိတ်ဆွေများသည် ကောင်းသောမိတ်ဆွေမဟုတ်ပေ။ ထိုအချိန်တွင် လုပ်နေသောအလုပ်များမှာလည်း ရပ်ဆိုင်းသွားတတ်ပြီး အောင်မြင်နေရာမှ ဆုံးရှုံးသွားတတ်သည်။ ၂၉နှင့် ဆက်စပ်မိသူတို့သည် မကောင်းသောအချိန်ကာလကို ရောက်ရှိနေခြင်းဖြစ်သောကြောင့် အနာဟောင်းများ ပြန်ပေါ်လာတတ်သည်။ မမျှော်လင့်သော အန္တရာယ်များနှင့်အတူ မကောင်းသတင်း ဖြန့်ခံရတတ်သည်။ အကောင်းဘက်က ပြန်တွေးကြည့်လျှင်မူ ဘဝ၏မရေမရာဖြစ်နေသော အကြောင်းများမှတစ်ဆင့် ရင့်ကျက်တည်ငြိမ်သောဘဝကို ရရှိနိူင်သည်ဖြစ်၏။ ထိုဂဏန်းရရှိချိန်တွင် အနာဂတ်အရေးကို သတိထားနေရန်တော့ လိုသည်။  

၂၉တွင် အခြားသောဂဏန်းများထက် ပို၍နတ်ရှိုင်းသော ထိုးထွင်းသိမြင်မူများနှင့် ကွဲပြားခြားနားသော အဓိပ္ပါယ်များ ရှိသေးသည်ကို သိရန်လိုပါသည်။ ၂၉မှ ၂ နှင့် ၉ တို့၏ ပေါ်င်းစပ်ခြင်း ၂ + ၉ = ၁၁ နောက် ၁၁၏ ပေါင်းစပ်မူ ၁ + ၁= ၂ ဖြစ်သည်။ ယင်းပေါ်င်းစပ်မူတွင် ပါဝင်နေသော နံပါတ်တို့သည် ၂၉နံပါတ်နှင့်လည်း သက်ဆိုင်ပါသည်။ ထိုကြောင့် ထိုနံပါတ်များ၏ အရည်အသွေးများသည် ၂၉နံပါတ်အား ထောက်ပံပေးထားကြသည်။ အထူးသဖြင့် ၂ နှင့် ၉ တို့၏ ပေါင်းလဒ်ဖြစ်သော ၁၁ သည် ၂၉ ကို ပိုမိုပံပိုးပေးနိူင်ပါလိမ့်မည်။ ၁၁ သည် ဝိညာဉ်ရေးရာနှင့် ပတ်သက်နေသော နံပါတ်ဖြစ်ပြီး ထိုးထွင်းသိမြင်နိူင်သော စွမ်းရည်ရှိသည်။ မှတ်ချက်။ ။၂၉ နှင့်ဆက်စပ်သူမှန်သမျှသည် ၁၁ နှင့် ၂ တို့ကိုပါ လေ့လာဖတ်ရူရပါလိမ့်မည်။ ပညာရှင်တို့၏ လေ့လာမူများအရ ၂၉ နှင့် ၁၁ တို့သည် တူညီသော ထူးခြားချက်များ ရှိကြသည်။ ထို ၂၉ နံပါတ်နှင့် ၁၁နံပါတ်တို့ကို Tarot ၏ Major Arcanaတွင် ပုရောဟိတ်မင်းကဒ် သို့ The Harmit ကဒ်ဖြင့် ကိုယ်စားပြု ဖော်ပြထားသည်။ ထိုဖော်ပြချက်မှာ စိတ်ပိုင်းဆိုင်ရာများကို ကိုယ်စားပြုပြီး မှော်အတတ်နှင့်ဆိုင်သော အသိညဏ်ပညာများနှင့်လည်း ဆက်နွယ်မူ ရှိကြကြောင်းကို ဆိုလိုသည်။

၂၉ရက်မွေးဖွားသူများမှာ စီးဟွးရေးနှင့် ဘဝအောင်မြင်ရေးများတွင် စိတ်ပူပန်စရာနည်းပါးကြသည်။ ယင်းမှာလည်း သူတို့သည် မြင့်မားသော စဉ်းစားတွေးခေါ်ညဏ်ရည်နှင့် များပြားသောဗဟုသုတတို့ကို ပိုင်ဆိုင်ထားကြပြီး ထိုအချက်များကြောင့်ပင် ဘဝ၏အောင်မြင်မူကို ရရှိတတ်ကြသည်။ သို့သော်လည်း သူတို့မှာ တခါတလေ အစွန်းရောက်သောသူများ ဖြစ်ကြသည်။ သူတို့သည် စိတ်နှင့်ပတ်သက်သော စိတ်ပညာ၊ စာပေ၊ အလွမ်းအဆွေးဆိုင်ရာများပေါ်တွင် ဝါသနာထုံပြီး သိပ္ပံနည်းပညာဆိုင်ရာ တီထွင်မူများကိုလည်း စိတ်ပါဝင်စားကြသည်။ 

၂၉ရက်နေ့မွေးဖွားသူတို့၏ အဓိက အားနည်းချက်မှာ မိမိကိုယ်မိမိ မယုံကြည်သံသယဖြစ်တတ်ကြခြင်း ဖြစ်သည်။ အခြားသူများကို ကူညီမိရာမှတဆင့်လည်း ပြဿ နာများကြုံကြရတတ်သည်။ ထိုနေ့ရက်မွေးဖွားသူမှာ အကယ်၍အမျိုးသမီးဖြစ်သည်ဆိုလျှင် ဘဝခရီး၌ အဖြစ်အပျက်မျိုးစုံကို ကြုံစုံကြရတတ်သည်။ သို့သော် ယောကျာ်း မိန်းမ မည်သူပင်ဖြစ်ဖြစ် သူတို့အနေဖြင့် ေ့ရှဆက်လုပ်ဆောင်နေရမည့် လုပ်ငန်းများကို တွန့်ဆုတ်မူမရှိဘဲ ရဲရဲဝံဝံလုပ်ဆောင်ဖို့ လိုလေသည်။ အထူးသဖြင့် မိမိတို့၏ စိတ်ကူးညဏ်ကို အလွယ်တကူ မစွန့်လွှတ်လိုက်ဖို့မှာ အရေးကြီးဆုံးပင်ဖြစ်သည်။ အဘယ်ကြောင့်ဆိုသော် သူတို့၏ ဘဝတွင် သူတို့၏ စိတ်ရှည်မူနှင့် စိတ်ပိုင်းဖြတ်မူတို့ကို စမ်းသပ်စစ်ဆေးမည့် အခြေအနေများကို မကြာခဏ ကြုံတတ်သောကြောင့် ဖြစ်သည်။ ထိုအချိန်၌ စိတ်ဓာတ်ကျဆင်းခြင်း စိတ်ပျက်ခြင်းများကို ခံစားနေရလျှင်မူ သို့ ရှုံးနိမ့်ရလိမ့်သည်။ သူတို့အတွက် အောင်ပွဲ သူတို့ယဏ်ရည်ရနိူင်ဖို့မှာ သူတို့စိတ်၏ ငြိမ်းချမ်းမူ၊ ရိုးသားဖြောင့်မတ်မူ၊ ကိုယ်ပိုင်အတွေးအမြင်ရှိမူ၊ သစ္စာစောင့်သိမူ ရှိရမည်ဖြစ်သည်။ 

၂၉ရက်မွေးဖွားသူများသည် အခြားသောသူများအတွက် တခါတရံ ပေါ်င်းရသင်းရသည်ခက်၍ ဇီဇာကြောင်သောသူများ ဖြစ်နေတတ်ကြသည်။ ထိုကြောင့် သူတို့သည် ပေါ်င်းသင်းဆက်ဆံရေးကို ခိုင်မာအောင် ပြုလုပ်ကြဖို့လိုသည်။ ထိုပေါ်င်းသင်းဆက်ဆံရေးတွင် ယုံကြည်မူဟူသည်က အရေးကြီးဆုံးသောအရာပင်ဖြစ်စးသည်။ သူတျု့အတွက် ကြာရှည်ခိုင်မြဲသော ဆက်ဆံရေးကို ထိန်းသိမ်းဖို့အတွက် ယုံကြည်မူမှာ အကောင်းဆုံးစာချုပ်ပင်ဖြစ်သည်။ ယုံကြည်မူ မရှိကြသောအခါ မိမိတို့၏ ဆက်ဆံရေးများသည် မုန်တိုင်းများနှင့် ရင်ဆိုင်ကြရမှာ ဖြစ်ပြီး ရင်ဆိုင်ရသောအခါတွင်လည်း အရှုံးမပေးဘဲ မိမိတို့အနေဖြင့် ယုံကြည်မူကို ပြန်လည်တည်ဆောက်ကြရမည်ဖြစ်သည်။ 

သူတို့သည် အလှအပဆိုင်ရာနှင့် သဟဇာတများကို နှစ်သက်ကြသည်။ စူးစမ်းလိုစိတ်လည်း များကြသည်။ အခြားသူများနှင့်ဆက်စပ်မိသည့် အချိန်မှာလည်း သူတို၏ ညဏ်ရည်၊ ပွင့်လင်းမူ ၊ လိမ္မပါးနပ်မူကြောင့် အောငမြင်မူကို ရရှိတတ်ကြသည်။ သူတို့၏ရုပ်ပိုင်းဆိုင်ရာဘဝကို ရှုမြင်မိသော ဘဝ ဟာငွေကြေးဥစ္စာများသည် သူတို့အတွက်အလွန်အရေးပါသော အရာတစ်ခုတော့ မဟုတ်ပေ။ သို့သော်လည်း သူတို့၏ ဘဝရည်မှန်းချက် အောင်မြင်ဖို့မှာ ငွေကအရေးပါသည်ကို ကောင်းကောင်းသိကြသည်။ ထိုအချိန်၌ ငွေပေး၍ပင်မရနိူင်သောအရာများနှင့် အခြားသောမှားယွင်းမူ များစွာကို ကြုံရသောအခါ စိတ်ပျက်အားမငယ်သင့်ဘဲ အာရုံစူးစိုက်ထားဖို့လိုပြီး ရဲစွမ်းသတ္တိကို ပြန်နိူးဆော်ဖို့လိုကြောင်း နားလည်ထားကြရလိမ့်မည်။ သို့မှသာ မိမိတို့ လိုချင်တာမှန်သမျှကို ကြိုးစားရယူဖို့အတွက် ခွန်အားနှင့် စွမ်းအင်တို့ ပြန်လည်ရရှိလာမည်ဖြစ်သည်။ ထိုသို့မဟုတ်ဘဲ အဆင်မပြေမူတွင် မျောပါနေမည်ဆိုပါက ၎င်းတို့သည် အလွယ်တကူ စိတ်ထိခိုက်တတ်ကြသူများ ဖြစ်သောကြောင့် ကြာလျှင် စိတ်ကျရောဂါကို ခံစားကြရနိုင်သည်။ အကယ်၍ ခံစားနေရသည်ဆိုလျှင်လည်း စိတ်ကျဝေဒနာ ဖြစ်ပေါ်စေသည့်အရာများကို စွန့်လွှတ်၍ ဘဝကို ဆက်၍ ရပ်တည်ရန် သင်ကြားကြရမည် ဖြစ်သည်။ 

၂၉ရက်မွေးဖွားသူတို့အတွက် အချစ်ရေးကမူ Emotionistဟု အမည်ပေးတင်စားထားပြီး စိတ်ခံစားချက်ကို ဦးစားပေးသူဟု ဆိုကြသည်။ အလွန်ချစ်မြတ်နိူးတတ်ကြသောသူများပီပီ စိတ်စေရာသို့ မေတ္တာဦးလှည့်တတ်သော သဘာဝရှိကြသည်။ လွမ်းမောတွေဝေနေတတ်သော အကျင့်ရှိပြီး အဆင်ပြေနေသောအရာကိုတောင် အဆင်မပြေအောင်ဖန်တီး၍ အလွမ်းသမားဘဝကို ခံယူကာ အချစ်ရေးကံမကောင်းသူအဖြစ် မိမိကိုယ်မိမိခံစားနေတတ်သည်။ စိတ်ခံစားချက်ကို ဦးပေးတတ်လွန်းသူများဖြစ်ရာ သူတို့၏စိတ်ခံစားမူအတွက် အခြားသူများအသဲကွဲလည်း သူတို့အတွက်အရေးမကြီးပေ။ ထိုကြောင့်လည်အိမ်ထောင်ရေးကံမှာလည်း မကောင်းတတ်ပေ။ စိတ်လှုပ်ရှားလွယ်ပြီး အပြောင်းအလဲမြန်သောသဘော ရှိတတ်ကြသောကြောင့် အိမ်ထောင်ဆက်များတတ်ကြပြန်သည်။ သူတို့ကို အသဲကွဲစေနိူင်သော မွေးရက်ရှင်များမှာ ၁၆ရက် ၇ရက် ၃၁ရက်မွေးဖွားသောသူများ ဖြစ်နေတာများသည်။ 

၂၉ရက် မွေးဖွားသူများ

အကြားအမြင်ဆရာ ဆွီဒင်ဘော့လ်(June 29)

အီတလီ အာဏာရှင် မူဆိုလီနီ

မိုက်ကယ်ဂျက်ဆင်

၂၉နံပါတ်အတွက် ဆောင်ရန်ရှောင်ရန် နံပါတ် ၂အတိုင်းဖြစ်သောကြောင့် ၂ကို ဖတ်ရှုလိုက်နာနိူင်ပါသည်။

Ref:

vestrology.com

numerology.com

ဆရာစံဇာဏီဘို၏ သင့်မွေးရက်နှင့် အချစ်ကံကြမ္မာ

2:14Am

Sep 7.2020

Minsetwai

သူနှင့်မိတ်ဆွေ

သူနှင့်မိတ်ဆွေ

***********

(လောကမှာ လူတွေများပေမယ့် မိတ်ဆွေနည်းတယ်။ မိတ်ဆွေလို့ ထင်နေသူတွေ ကိုယ့်အနားမှာ ဝိုင်း နေတတ်ပေမယ့် အခြေအနေလေးတစ်ချက် တိမ်းစောင်းသွားတာနဲ့ ကိုယ့်ဘေးမှာ ဘယ်သူမှ မရှိတာကို သားတွေကြုံရဦးမှာပဲ။ ဖေ့ဖေ့အတွက်တော့ ဒါမျိုးတွေက များလှပါပြီကွယ်။ နာမည်ကို ပေါ်င်းတဲ့မိတ်တွေ၊ လိုအပ်ချက်တစ်ခုအတွက် ကြိုးရှည်ရှည်လှန်ပြီး လာပေါင်းတဲ့ မိတ်ဆွေတွေ ဖေ့ဖေ့ဘဝမှာ မွစာကြဲလိုပေါ့။ အဲဒါတွေထဲမှာမှ တစ်နပ်စားညဏ်ကို သုံးတဲ့ မိတ်ဆွေတွေလည်း ရှိတယ်။) 

(ခေတ်နေအတွက် စာတစ်ရွက်မှ) .

ဒါက ဆရာတာရာမင်းဝေဟာ သူ့ရဲ့သားခေတ်နေလေးကို သူကြုံ့တွေ့ရတဲ့ မိတ်ဆွေတွေအကြောင်း ပြန်ပြောပြပေးထားတာပါ။ ဒီစာပိုဒ်လေးကို ဖတ်ပြီး သူ့ဘဝမှာ ဘယ်လိုမိတ်ဆွေတွေနဲ့ တွေ့ကြုံခဲ့တယ်ဆိုတာကိုလည်း လေ့လာသိရှိရပါတယ်။ သူဟာ နာမည်ကိုပေါ်င်းတဲ့ မိတ်ဆွေနဲ့လည်း တွေ့ကြုံခဲ့တယ်။ လိုအပ်မူအတွက် လာပေါ်င်းတဲ့ မိတ်ဆွေတွေနဲ့လည်း တွေ့ကြုံခဲ့တယ်။ တစ်နပ်စားညဏ်ကိုသာ သုံးတဲ့ မိတ်ဆွေတွေကိုလည်း တွေ့ကြုံခဲ့ရ ပါတယ်။ဆိုတော့ ဆရာတာရာမင်းဝေဟာ လူ့ပေါ်င်းစုံနဲ့ ဆက်ဆံခဲ့ဖူးပြီး ဖြစ်တာကြောင့် လူတို့ရဲ့ အကြောင်းကို ကောင်းကောင်းကြီး ကြေညက်နေသူတစ်ယောက်ပဲ ဖြစ်ပါတယ်။ သူကိုယ်တိုင်က ကျွန်တော်ဘာမှမသိပါဘူးလို့ ပြောဆိုနေပေမယ့် သူဟာ အများကြီး သိထားတဲ့ လူတစ်ယောက်ဖြစ်တယ်ဆိုတာ လုံးဝ ငြင်းမရပါဘူး။ ကျွန်တော်တို့ဘဝမှာလည်း မိတ်ဆွေတွေအများကြီးရှိကြပေမယ်။ တစ်ခါတစ်လေ အဲဒီမိတ်ဆွေတွေကပဲ အကြီးမားဆုံးသောရန်သူဖြစ်နေတာကို တွေ့ရတတ်ပါတယ်။ အဲဒီတော့ ကျွန်တော်တို့လည်း ကျွန်တော်တို့မိတ်ဆွေတွေအပေါ်မှာ 

ဆန်းစစ်ကြည့်ဖို့တော့ လိုပါတယ်။ ထပ်ပြီး သူက သူသားလေးကို မှာကြားထားပါသေးတယ်။

(လောကမှာ လူတွေကို သူ့အတိုင်းအတာနဲ့သူ ဆက်ဆံရတယ်။ အသီး ပေးသင့်သူကို အသီးပေးပြီး အပွင့်ပေးသင့် သူတွေကို အပွင့်ပေးရတယ်။ တစ်ချို့က ရနံပေးရုံလောက်နဲ့ ရပါရဲ့။ တစ်ချို့ကိုကျတော့

 အရိပ်ပါပေးရပြန်ရော၊ လိုက်ရောညီထွေတဲ့ အပေးအယူနဲ့ဆက်ဆံရတယ်။ 

အဲဒီအတွက် တစ်ဖတ်လူ ရဲ့ အကန့်အသတ်ကိုတော့ အကဲခတ်တတ်ဖို့ လိုတယ်။)

 (ခေတ်နေအတွက် စာတစ်ရွက်မှ)

တကယ်တော့ သူကောင်းကောင်းကြီး လူတွေအကြောင်းကို သိခဲ့ပါတယ်။ လောကကြီးရဲ့လူတွေအကြောင်း၊ အဲဒီလူတွေကို ဘယ်လိုဆက်ဆံရမလဲဆိုတဲ့အကြောင်း သူကောင်းကောင်းကြီးကို သိခဲ့ပါတယ်။ ဒီအတွေ့အကြုံတွေကို အသုံးချပြီး သူက ဘယ်လိုမိတ်ဆွေမျိုးကို ပေါင်းသင့်တယ်ဆိုတာကို သူ့သားလေးကို ပြန်ဆိုဆုံးမခဲ့ပါတယ်။ ဟုတ်ပါတယ် ။ တစ်ချို့လူတွေက 

အချိုကြိုက်ပါတယ်။ အချိုကြိုက်တဲ့လူကို အချိုပေးပြီးပေါ်င်းရပြန်ပါတယ်။ ဒါမှလည်း 

ပတ်ဝန်းကျင် ကြားမှာ သဟဇာတဖြစ်စေပါလိမ့်မယ်။ မိတ်ဆွေများခြင်းဟာ ကောင်းခြင်းတစ်ခုပါပဲ။ ဒါပေမယ့် မိမိပေါ်င်းတဲ့မိတ်ဆွေတွေက ဆိုးသွမ်းတဲ့မိတ်ဆွေတွေချည်း ဖြစ်မနေဖို့တော့ လိုပါတယ်။ဒါအပြင် ထပ်ပြီး ဆရာတာရာမင်းဝေနဲ့ ပတ်သက်ပြီး ထပ်တွေ့ရှိရပြန်တာက....

(တစ်ချို့တွေက ဒေါသကို မှတ်ထားကြတယ်။ မျတ်နှာကိုပြုံးပြီး ဟန်ဆောင်ဆက်ဆံတယ်။ သူတို့ရဲ့ဒေါသကို ရေခဲရိုက်ပြီး သိမ်းထားတယ်။ လိုတဲ့အခါကျတော့မှ ရေခဲသေတ္တာထဲက ဘီယာတစ်ဘူးထုတ်သောက်သလိုမျိုး အဲဒီအာဃာတကို ထုတ်သုံးလိုက်ကြတာပါပဲ။ ) (ငါ့ရင်ခွင်ကြားက နှင်းဆီဓားသွားတစ်လတ်မှ)

သူကြုံခဲ့ရတဲ့ လူတွေ့အကြောင်းကို ပြောပြရာမှာ အတော်ကလေးကို အကြောင်းစုံခဲ့ပါတယ်။ တစ်ခါတစ်လေတော့ သူကပုံစံတစ်မျိုးလေးနဲ့ ပြန်တင်ပြပြန်ပါတယ်။

(အဲဒီညက မိုးလင်းအထိ အိပ်မပျော်ဘူး။ အိပ်ပျော်တော့ အိပ်မက်မက်တယ်။ အိပ်မက်ထဲမှာ ကျွန်တော်က စက်ဝိုင်းကြီးတစ်ခုကို တောင်ပေါ်တွန်းတင်သွားတယ်။ တောင်ပေါ်ရောက်တော့ တောင်အောက်ကို ပြန်လှိမ့်ချတယ်။ စက်ဝိုင်းကြီးက ကျွန်တော်ကို စိတ်ပျက်လက်ပျက်ပြောတယ်။ 

"မင်းတို့ လူ ဆိုတဲ့ သတ္တဝါတွေဟာ 

အတော်ညစ်စုတ်တာပဲ။"

"ဟင်..ဘာဖြစ်လို့လဲ။"

"သူများတစ်ဘက်သားကို တွန်းတင်လိုက်၊ တွန်း ချလိုက်နဲ့ ၊ ဒါကြောင့် ညည မင်းတို့တွေ အိပ်မပျော်တာ။"တဲ့)

ဆိုလိုတာက လူဆိုတဲ့ ဝေါဟာရပဲဖြစ်ဖြစ်၊ မိတ်ဆွေဆိုတဲ့ ဝေါဟာရအဖြစ် ဒီအဖြစ်မျိုးတွေကိုတော့ ကြုံနေရတာပါပဲ။ မိတ်ဆွေဆိုတာဟာလည်း အရမ်းကြီး ယုံကြည်ကိုးစားလို့တော့ မသင့်တော်လှပါဘူး။ ကိုယ့်အကြောင်း အကုန်သိသွားပြီးနောက် ကိုယ့်ကိုပြန်အသုံးချသွားရင် 

ဘယ်လိုလုပ်မလဲလေ။

June. 2018

Minsetwai

သူနှင့်သင်္ချာ

သူနှင့်သင်္ချာ

ဆရာတာရာမင်းဝေဟာ သင်္ချာ

ပညာရပ်ကို စိတ်ဝင်စားတယ်ဆို တာကတော့ ဘယ်သူမှ ငြင်းလို့မရတဲ့အချက်ပါ။ သူရဲ့စာအုပ်တော်တော်များများမှာ သချာင်္ပညာရပ်ဆိုင်ရာ စာသားတွေကို အများအပြားတွေ့မြင်ခဲ့ရပါတယ်။

("မနက်ဖြန် ၁၃ရက်နေ့ကြီး ။ သူက ၁၃ဂဏန်းသမားပေါ့။")
(ယန္တယားအရေခွံ့ နဲ့လူမှ)

 ၁၃ဂဏန်းသမားဆိုတော့ ဘာဖြစ်ပါသလဲ။ နျူမယိုလောဂျီအရ ၁၃ဂဏန်းဟာ ကံဆိုးစေတဲ့နိမိတ်လို့ ယူဆကြပါတယ်။ ဒါကြောင့်ပါ။ ဒါကို သူကိုယ်တိုင်ကလည်း ကျွန်တော်နှင့်ကံကြမ္မာလက်နတ်များမှာ ဖော်ထုတ်ပြထားပါတယ်။ လေ့လာကြည့်ပါ။

သိုးဆောင်းအယူအဆတွင် ၁၃ဂဏန်းသည် ကံမကောင်းသော ဂဏန်းဖြစ်၏။ အနောက်နိူင်ငံမှ တည်ခိုခန်း အချို့တွင် အခန်း(၁၃)ဆိုလျှင် မည်သူကမှ မတည်ခိုချင်ကြောင်း အခန်း (၁၂)ပြီးသည်နှင့် အခန်း(၁၄)ကို ထားရကြောင်း ကြားသိနေရတော့ မပီမပြင်ပြုံးဖြစ်သည်။
(ကျွန်တော်နှင့် ကံကြမ္မာလက်နတ်များ) 

သူက သင်္ချာပညာရပ်နဲ့ ပတ်သတ်ပြီး ဂရိက ပိုက်သာဂိုးရပ်စ်ကိုလည်း လေ့လာခဲ့ကြောင်း တွေ့ရှိရပါတယ်။

ဂမ္ဘီရပညာ လေ့လာလိုက်စားသူတွေအတွက် "ပိုက်သာဂိုးရပ်စ် ကြိဂံ"ဟာ အလွန်အရေးပါတယ်လို့ သိရပါတယ်။ ကျွန်တော်တို့ကတော့ ကြိဂံရဲ့ဂုဏ်သတ္တိကို သင်္ချာရှုထောင့်ကနေ အံသြရုံလောက်ပဲ တတ်နိူင်ပါတယ်။

(ကျွန်တော်နှင့် နတ်ဖုရားရုပ်တုမှ)

 ဒါက သင်္ချာပညာရဲ့ ရှေးအကျဆုံး ဘိုးတော်တစ် ယောက်ဖြစ်တဲ့ ပိုက်သာဂိုးရပ်စ်ကို သူ ချဉ်းကပ်ခဲ့ပုံပါ။ တကယ်ပဲ ပိုက်သာဂိုးရပ်စ်ဟာ အံသြစရာကောင်းတဲ့ ပုဂ္ဂိုလ်တစ်ယောက်ဖြစ်ပြီး လောကတစ်ခုလုံးကို သင်္ချာနည်းနဲ့ တည်ဆောက်ထားခြင်းဖြစ်ကြောင်း ကြွေးကြော်ခဲ့တဲ့သူပါ။ ကျွန်တော်ကိုယ်တိုင်ကလည်း ပိုက်သာဂိုးရပ်စ် ကို အရမ်းကြိုက်နှစ်သက်သူပါ။ 

ဆရာတာရာမင်းဝေဟာ ငယ်ငယ်တုန်းကတော့ သင်္ချာညံတဲ့ကျောင်းသားတစ်ယောက်လိုလဲ ဆိုကြတယ်။ ဒါကြောင့်များ ကြီးလာတဲ့အခါ သင်္ချာပညာကို အားစိုက်လေ့လာခဲ့သလားတော့ မပြောနိူင်ပါဘူး။ သူဝထ္ထူတိုင်းမှာတော့ သင်္ချာနဲ့မကင်းတာတွေ အမြဲတွေ့မြင်နေရတတ်ပါတယ်။ 

သူ့ခေါင်းရင်းနံရံတွင် သင်္ချာကိန်းတန်းတစ်ခုကို ရေးထိုးထား၏။ မည်သည့် အဓိပ္ပါယ်ဖြင့် သူရေးထိုးထားသည်ဟုတော့ မည်သူမှ မသိကြချေ။ (လူ ငယ်တစ်ယောက်၏ ကျောက်ထွင်းရာဇဝင်မှ) 

အခုလိုမျိုးသူက သူ့ဝထ္ထူတွေထဲမှာ သင်္ချာကို ဆွဲဆွဲသွင်းလာတတ်ပါတယ်။ 

နောက်ဆုံးအနေနဲ့ သင်္ချာကို သူဘယ်လောက်လေ့လာထားကြောင်း သိရှိနိူင်မယ့် ဖော်ပြမူတစ်ခုကို ပြချင်ပါတယ်။ 

ကျွန်တော်ငယ်ငယ်က ကျောင်းမှာ သင်္ချာသင်ခဲ့စဉ်က ကြိဂံတစ်ခုရဲ့ အတွင်းထောင့် သုံးခုပေါ်င်းခြင်းဟာ ထောင့်မှန်နှစ်ခုနဲ့ညီတယ်လို့ မှတ်သားခဲ့ရဖူးပါတယ်။ အဲဒါကိုလည်း သင်္ချာပညာရဲ့ အပြောင်းအလဲမရှိနိူင်တဲ့ အမှန်တရားတွေထဲက တစ်ခုလို့ ထင်မြင်ခဲ့ဖူးပါတယ်။ ဒါပေမယ့် ကျောင်းစာအုပ်တွေရဲ့အပြင်ကိုကျော်ပြီး တခြားစာအုပ်တွေရဲ့ မျတ်နှာစာကိုလှမ်းဖတ်တော့ ကျွန်တော်တို့အဖို့ အံသြစရာတွေကို တွေ့ကြုံရပါတယ်။ ကြိဂံတစ်ခုရဲ့ အတွင်းထောင့်သုံးခုပေါ်င်းခြင်းဟာ ထောင့်မှန်နှစ်ခု မဟုတ်တော့လို့ပါပဲ။ ဆိုဗီယက်သင်္ချာပါရဂူ ရောဘတ်စကီးက ၁၈၂၆ခုနှစ်မှာ သင်္ချာပညာဆိုင်ရာစာတမ်းတစ်စောင်ကို ထုတ်ပြန်ပါတယ်။ အဲဒီထဲမှာ ဂျီသြမေထရီအယူအဆသစ်တွေပါလာပြီး အဲဒီအယူအဆတွေအရ ပြောရရင် ကြိဂံတစ်ခုရဲ့ အတွင်းထောင့်သုံးခုပေါ်င်းခြင်းဟာ ထောင့်မှန်နှစ်ခုထက် အမြဲငယ်နေပါတယ်။

(ပြိုင်မြင်းတို့၏ခွာသံမှ) 

ဒါက သင်္ချာပညာအပေါ် သူရဲ့နိူက်နိူက်ချွတ်ချွတ် လေ့လာထားချက်ပါပဲ။ ကျောင်းစာအုပ်ရဲ့ပြင်ပကို ကျော်လွန်ပြီး လေ့လာခဲ့ပါတယ်လို့ သူ့ကိုယ်တိုင်ဝန်ခံထားတာကိုလည်း တွေ့ရမှာပါ။ ဟုတ်ပါတယ်။ ကမ္ဘာကြီးဟာ သချာင်္နဲ့မကင်းဘူးဆိုတာ အသေအချာကြီးပါ။ သူက ရေးကြီးခွင်ကျယ်လုပ်ပြီး လျှောတ်ရေးပြနေခဲ့တာ မဟုတ်ဘူးဆိုတာကို သူရဲ့ဖော်ပြမူတွေကတစ်ဆင့် လေ့လာနိူင်ကြောင်းပါ။

Nov.2017

Minsetwai

တစ်ကိုယ်ရေ ညရေးညတာ

 [ငါ/ကဗျာ/စိတ်ဝေဒနာများ-၁၁]_Minsetwai

တစ်ကိုယ်ရေ ညရေးညတာ

ကို ့ယို ့ကားယားနှင့် စက္ကူစများ

သေပြီးမှ ပြန်နိူးထလာသော မျက်လုံးများနှင့်

ဆူဆူညံညံ ကားဟွန်တီးနေသံများ

နာရီနှင့် နပမ်းထိုးသတ်နေကြခြင်း

ည၏တီးလုံးကို စိတ္တဇဆဲဆိုမိလေခြင်း

နောက်ဖေးခန်း

အဲဒီကိုပဲ အခေါ်က်ခေါ်က် အခါခါ

ပျက်လုံးမ ဲ့ ဇန်နဝါ

သြော်……(မျက်စိကို တစ်ချက်ပွတ်သပ်)

သေဆုံးသွားသော မျှော်လင့်မူများ

ယင်း၏ အသုဘအခမ်းအနား

စီကရက် ဖင်စီခံနားမှာ ပိုမိုစည်ကားပြနေကြ

ပြီးမှ ပြာခွက်ထဲ စူးစမ်းမူတွေ ဖိတ်လျံကျ

အရှင်လတ်လတ် သဂြိုလ်ခံထားရသော

- အမည်တပ်မရမူများ

- ပစ်မှတ်ဆန်နေခဲ့မူများ

- ပစ်ကွင်းထဲ အမြဲတစေ ဒေါ်င်လိုက်ရှိနေခဲ့မူများ

- လူ

- လျှာ / ကျီးကန်း

- ခြေထောက်များ

- စိတ်နီနီရိုင်းရိုင်းများ

အလျားလိုက် အလျားလိုက်နဲ ့ ရုံးဝင်ကြေးအခမဲ့များ

တစ်ချို ့ ဂျွမ်းထိုးကခုန်ရင် 'မျှား' ရွေးခြယ်နေကြ

တစ်ချို ့ ငိုကြွေးခယရင်း 'လေး' တင်နေကြ

တစ်ချို ့ ကြင်နာသနားတတ်သော ဂရုဏာဖြင့် 

ပစ်မှတ်၏ အလယ်ဗဟိုတည့်တည့်ဆီ ။ ။

သက်ပြင်း……(ဖြုတ်ခနဲ ကြွေသွား)

ပြန်တွေးခြင်းနဲ ့ တနံတလျားဒေသ

လူအကြောင်းများ တစိမ့်စိမ့် ယိုစီးကျလာ

အမေး မဲ့နေလိုက်မိတော့တာ

အဖြေတွေ ဖြေချင်နေကြပုံကလည်း

သူမတူအောင် ထူးခြား

မီးသဂြိုလ်ပစ်လိုက်တော့ကော ဘာဖြစ်မှာမို ့ဆိုလား

အပူချိန် တရိပ်ရိပ်တိုးလာတယ်

အဲဒါဖြစ်တယ်

အားနေခဲ့ရတဲ့ နေ ့တွေလေ

မလုပ်ဖြစ်ခဲ့တဲ့ အကြံအစည်တွေလေ

အလွယ်တကူမရနိူင်တော့တဲ့ အခြေအနေတွေလေ

ရေနွေးတွေလေ (သောက်ချင်လာမိပြန်တယ်)

ကြိုတင်လုပ်ဆောင်ထားချက်တွေက မရှိ

ရိုးရိုးရေလေးပဲပေါ့

ဟုတ်တယ်။ အဲဒီအရာပဲ ကောင်းပါတယ်။

ဒီလိုနဲ ့ ရေပိုက်ခေါ်င်းလေးကိုပဲ

နောက်ဆုံး တအံတသြနဲ ့ 

ငေးကြည့်နေလိုက်တော့တယ်။

3:27AM

Jan 31.2020

Minsetwai

__________________________________

ပြန်မဆုံချင်တဲ့သူ

စတုဂံလွင်ပြင် - ၃၅ -

ပြန်မဆုံချင်တဲ့သူ


အလွမ်းကျော့
နမ်းသော်လည်း
မထိပြီ...
သို့သော်..ရင်နာနာနှင့် လွမ်းခဲ့မိ။

စိတ်တစ္ဆေ
မြူထအောင်
ညသို့နမ်း....သည်
သို့သော် ပြန်ဆုံချင်ခဲ့သောသူ မဟုတ်ပြီ။

စိတ်စားကျက်
အိပ်တစ်ဝက်
ရူးချင်သူ
သို့သော် ပြန်မဆုံချင်သူအား တမ်းတမိ။

သို့နှင့်ပင်
ညသည်လည်း အလွမ်းပူသည်
အနမ်းသည်လည်း သံယောဇဉ်ငင်သည်
ဘယ်အခါသည် အဆုံးမရှိ
သံသရာလည်သူ ဤအချစ်မီး
မဆုံချင်သူနှင့်သာ တောက်လောင်သည်။

(1:50Am
Aug21.2017
Minsetwai)

ကဗျာဟူသည်

ကဗျာဖြင်မွေ့လျော်ခြင်း

ကဗျာဟူသည်

ကဗျာအတတ်သည် ပရိယာရ်ဖြစ်သည်။
(ဇော်ဂျီ)

ကဗျာကောင်းတို့မည်သည် နှလုံးသားမှ ယိုစီးလာသော စေတနာ ၊ နှလုံးသားမှ စီမံဖန်တီးပေးလိုက်သော စိတ်ကူး၊ နှလုံးသားမှ မြည်လာသော အသံတို့ ကိန်းဝပ်ရာ စာမျိုးဖြစ်သည်။
(ဇော်ဂျီ)

ကဗျာဟူသည် ကဗျာဆရာက သူ တွေ့ကြုံခံစားမိသောအရာကို အကောင်းဆုံးစကားလုံး၊ အထိရောက်ဆုံး သံစဉ်များ သုံးပြီး အလှပဆုံး ပုံသဏ္ဍာန်တစ်ခုတွင် ထည့်သွင်းဖော်ပြထားသော နိမိတ်ပုံ တစ်ခုဖြစ်သည်။

(မောင်စွမ်းရည်)

ကဗျာဆိုသည်မှာ မိမိရောက်နေသောခေတ်
အသက်ရှင်နေသောခေတ်၏အတွေးအခေါ်များကို အခြေခံ၍
သက်ရောက်မှုအများဆုံးရှိသော ခံစားမှုကို ဖန်တီးပေးရန်ဖြစ်သည်။
(မြန်မာကဗျာစာတမ်း ဒုတိယတွဲ)

အကောင်းဆုံးအစီအစဉ်နှင့် အကောင်းဆုံးစကားလုံးများကို ရေးသားထားခြင်းသည် ကဗျာပင် ဖြစ်သည်။
(S.T Coleridge)

ကဗျာများကိုလေ့လာခြင်း
******************
ကျွန်တော်တို့ဟာ ကဗျာများကို လေ့လာတဲ့နေရာမှာ နန်းတော်၊ အိမ်တော်မှာ သီးကျူးကြတဲ့ ပျို့ကဗျာကြီးတွေကိုပါ လေ့လာရုံမက၊ ရပ်ထဲ၊ရွာထဲမှာ အဖူးအညွန့်တဝေဝေဖြင့် လှုပ်ရှားနေသော တေးကဗျာများကိုပါ စုဆောင်းလေ့လာသွားရမည် ဖြစ်သည်။ ထိုကဗျာများကသာလျှင် မူလဘူတ အပီပြင်ဆုံး ကဗျာစု ဖြစ်လိမ့်မည် မည်၏။

Ref::
၁။မောင်သာနိူး၏ မာ့က်ခ်ဝါဒနှင့် ကဗျာသဘောတရား

ဆူမာရီယာန်လူမျိုးများ(Sumerians)

ဆူမာရီယာန်လူမျိုးများ(Sumerians)

ဆူမားရီးယန်းများသည် မက်ဆိုပိုတေးမီးယားတောင်ပိုင်းတွင် ဘီစီ ၆၀၀၀ မှ ၄၀၀၀ အတွင်း နေထိုင်ခဲ့ကြသော လူမျိုးများဖြစ်သည်။ ထိုနောက်ပိုင်းတွင်က ဆူမာရီယာန်လူမျိုးတို့၏ မင်းနေပြည်တော်(Sumerian Kingdom)ကို ဆီမိုက်လူမျိုးတို့က သိမ်းပိုက်ခဲ့ကြပြီး ထိုဆီမိုက်တို့ဆီမှ ပါသျန်းတို့က ထပ်မံ သိမ်းယူခဲ့ကြသည်။ ထိုနောက် လူမျိုးများပေါ်င်းစုသွားကြရာ ယင်းတို့အစိုးရ၏ အုပ်ချုပ်ရေးအာဏာသည် နတ်ဘုရားနှင်ပြတ်သက်သူများကသာ လွှမ်းမိုးခဲ့ရာ ထိုသူတို့သည် နတ်ဘရားအားလုံးအတွက် ကိုးကွယ်ရာဗိမ္ဗာန်တော်ကြီးတစ်ခုတည်ဆောက်ကာ လူမျိုးအားလုံးကို စုပေါ်င်းခဲ့သည်။ သို့သော်လည်းပဲ ဆူမာရီယန်တို့သည်က နတ်အမျိုးမျိုးကို ကိုးကွယ်သော စုပေါ်င်းဗိမ္ဗာန်တော်ကြီးက ယခင်ကတည်းက ပထမဦးဆုံး ဆောက်လုပ်ခဲ့ကြပြီး ဖြစ်သည်။ ဆူမာရီယာန်တို့၏ ထိုဗိမ္ဗာန်ထဲတွင် နတ်ဘုရားပေါ်င်း ၄၀၀၀ခန့်ရှိသည်ဟု ဆိုကြသည်။ ထိုနတ်ဘုရားများထဲတွင် မူလရင်းမြစ်ဖြစ်သော Nammuဆိုသော နတ်သည် Ki(မြေနတ်ဘုရား) နှင့် An(ကောင်းကင်နတ်ဘုရား)တို့ကို မွေးဖွားခဲ့ပြီး ထိုနတ်ဘုးရားနှစ်ပါး အတူပေါ်င်းစည်းနေထိုင်မူမှတဆင့် Enlil အမည်ရှိသော သားတော်ကို မွေးဖွားလေသည်။ ထို Enlilအမည်ရှိ နတ်ဘုရားသည် ကောင်းကင်နှင့်မြေကြီးကို ခွဲခြားကာ ကမ္ဘာကြီးကို သူ၏နယ်မြေအဖြစ် သတ်မှတ်ခဲ့သည်။ သူ့ကို အချို့မှတ်တမ်းများတွင် စစ်သူကြီးနတ်ဘုရားဟု ပြဆိုပြီး သူသည် နိပုရ်မြို့တွင် ကိုးကွယ်သောနတ်များထဲမှာ အကြီးဆုံးနတ်ဘုရားဖြစ်သည်ဟူ၏။ ဆူမာရီယာန်တို့က ထိုEnlilဆိုသော နတ်ဘုရားကြီးအတွက် မျှော်စင်ကြီးတစ်ခုကိုလည်း ဆောက်လုပ်ပေးထားကြသည်။ ထိုမျှော်စင်တွင် ဆိတ်များ၊ သိုးများဖြင့် မြေစောင့်နတ်၊ လေစောင့်နတ်၊ ကောင်းကင်စောင့်နတ် စသဖြင့်နတ်အပေါ်င်းတို့ကို ယဇ်ပူဇော်ပသခဲ့ကြသည်။

အခြားရှေးကျသော ဆူမာရီယန်တို့၏ ဒဏ္ဍာရီပုံပြင်များတွင် ဖော်ပြထားချက်အရကမူ ယခုမျက်မှောက် ဖြစ်တည်လျှက်ရှိသော ကမ္ဘာလောကကြီးသည် အမှောင်ကို အစိုးရသော နဂါးနတ်နှင့် လဟာပြင် လွင်တီးခေါ်င်တို့၏အရှင်သခင် ဂဠုန်ဌက် ခေါ် Zu(အချို့မှတ်တမ်းများတွင် Tiametဟုလည်း ဖော်ပြထားသည်။)တို့သည် အချင်းချင်းပဋီပက္ခဖြစ်ကြရာမှ ကမ္ဘာပေါ်ပေါ်က်လာရသည်ဟူ၏။ ထိုအတူ လင်ယုန်ဌက်ကို ဌက်ကောင်းဌက်မြတ်အဖြစ် တန်ဖိုးထားပြီး လင်းယုန်ဌက်သည် မကောင်းဆိုးဝါးများကို နှင်ထုတ်ပေးသော သတ္တဝါဖြစ်သည်ဟု ယူဆပြန်၏။

ထိုသို့သော ဆူမာရီယာန်တို့၏ ယုံကြည်မူများအရ ကောင်းကင်ဘုံဟူသည်မှာလည်း နတ်ဘုရားများအတွက်သာလျှင် ဖြစ်သည်။ လူသားတို့မှာက သေဆုံးသည့်အခါ အသက်ရှင်စဉ်က ထိုသူတို့ပြုလုပ်ခဲ့သော ကုသိုလ်၊ အကုသိုလ်တို့မှာ မည်သို့ပင်ဖြစ်ဖြစ် သေဆုံးပြီးဝိညာဉ်မှာက Ereshkigalဟု အမည်ရသော နတ်ဘုရားမမှအုပ်ချုပ်သည့် ကမ္ဘာမြေအောက်ရှိ အလွန်မှောင်မိုက်သော လိုဏ်ဂူကြီးဆီကိုသာ သွားရသည်ဟူ၏။ ဆူမာရီယာန် နတ်ဆရာတို့သည်က နတ်ဗိမ္ဗာန်၏ အရှင်သခင်များဖြစ်ကြသည့်အလျှောတ် နတ်ဗိမ္ဗာန်ကြီးထဲတွင် နတ်ပူဇော်ပွဲများ ပြုလုပ်တတ်ကြသလို ဆူမာရီယာန်စာပေအတွက် အရေးအဖတ်ဆိုင်ရာများကိုလည်း သင်ကြားပေးကြသည်။ ထိုနည်းတူ ဗေဒင်ပညာကိုလည်း သင်ကြားပေးကြသည်။

#ဗေဒင်ပညာနှင့် ေ့ရှဖြစ်ဟောသော အတိတ်နိမိတ်ဆိုင်ရာ ပညာရပ်များသည် ဆူမာရီယာန်တို့၏ အစကနဦးခေတ်ကတည်းက ပေါ်ပေါ်က်ခဲ့ခြင်းဖြစ်သည်။ ယင်းတို့၏ နတ်ဆရာများသည် ေ့ရှဖြစ်ဟောခြင်းများကို ပြုလုပ်ရာတွင် ေ့ရှဖြစ်ဟောခံချင်သူမှာ သိုးများကို ယူလာခဲ့ရသည်။ ထိုနောက် ထိုသိုးများကို နတ်စင်ေ့ရှတွင် ပူဇော်သတ်ဖြတ်ကြပြီး သေဆုံးသွားသော သိုး၏အသည်းတွင် ပေါ်နေသော အမှတ်အသားများကို ကြည့်ကာ ေ့ရှဖြစ်ဟောကြခြင်းဖြစ်သည်။

ဗေဒင်နှင့် နက္ခတ်ဆိုင်ရာများတွင်မူ ရာသီခွင်တစ်ခုချင်းစီတွင် နတ်ဘုရားတစ်ပါးစီ ရှိကြပြီး ထိုနတ်ဘုရားများမှ ကံကြမ္မာကို ဖော်ပြပေးသည်ဟု ယုံကြည်ကြသည်။ သူတို့၏ နေနက္ခတ်တာရာများနှင့်ပက်သတ်ပြီး ထိုသို့သော ယုံကြည်မူမှတဆင့် သိပ္ပံနည်းကျ လေ့လာမူများဖြစ်ပေါ်လာရန်အတွက် ပထမဦးဆုံး အုတ်မြစ်ချပေးခဲ့သူများဆိုလျှင် မမှားပေ။

အဘယ်ကြောင့်ဆိုသော သူတို့သည် အလွန်တရာမှ မြင့်မားသော မျှော်စင်များကို တည်ဆောက်ခဲ့ကြပြီး တချို့မျော်စင်များမှာ ပေ ၇၀၀အထိ မြင့်မားနေသည်။ ထိုမျှော်စင်များကို ဆူမာရီယာန် ပုရောဟိတ်များက အကြောင်းအရာ ၂ခုအတွက် ၂၄နာရီလုံး အသုံးပြုခဲ့ကြသည်။ အကြောင်းအရာတစ်ခုမှာ လူ့လောကတွင် ဖြစ်ပျက်နေသော မူလအကြောင်းရင်းများသည် နေနက္ခတ်တာရာများနှင့် တစ်နည်းမဟုတ်တစ်နည်း ပတ်သတ်နေသည်ကို သတိပြုမိခဲ့ပြီးနောက် နေနက္ခတ်တာရာများကို လေ့လာရန်ဖြစ်သည်။ အထူးသဖြင့် ကပ်ရောဂါများနှင့်ရင်ဆိုင်ရခြင်းများမှာ နက္ခတ်တာရာများနှင့် ပက်သတ်သည်ဟုလည်း သူတို့ကတွေးတောကြသောကြောင့် နက္ခတ်များကို အထူး လေ့လာလိုက်စားခဲ့ကြခြင်းဖြစ်သည်။ ထို့ကြောင့် အချို့သိပ္ပံပညာရှင်များက သိပ္ပံပညာကို စတင်ခဲ့သူများမှာ ဆူမာရီယာန်များဖြစ်သည်ဟု ဆိုကြခြင်းပင်ဖြစ်သည်။

ဆူမာရီယာန်တို့၏ အကောင်းဆုံးသော လုပ်ဆောင်ချက်ကမူ သူတို့၏ ဆူမာရီယာန်စာပေသည် အစောဆုံးလူသိများခဲ့သော စာပေတစ်ခု ဖြစ်ခဲ့ခြင်းပင် ဖြစ်သည်။ သူတို့၏စာပေထဲတွင် သူတို့၏ဘာသာရေးနှင့် ယဉ်ကျေးမူဆိုင်ရာများကို ရေးသားမှတ်တမ်းတင်ထားကြသည်။ နောက်ပိုင်းကာလများတွင်မူ ဆူမာရီယာန်တို့၏ ထိုစာပေများကို အကာဒီယန် နှင့် ဘေဘီလုံ အင်ပါယာတို့က ဆက်လတ်ထိန်းသိမ်းခဲ့ကြသည်။ ထိုစာပေမှတ်တမ်းများကို ဆူမာရီယာန်တို့က ကြေးဝါခေတ် ဆူမာရီယာန်ဘာသာစကားဖြင့် ရေးထိုးထားခဲ့ကြ၏။

ဆူမာရီယာန်တို့တီထွင်ခဲ့သော အခြားသောနည်းပညာများမှာမူ ဘီး၊ ကျူနီဖောင်း၊ အက္ခရာ၊ ဂဏာန်းသင်္ချာနှင့် ဂျီသြမေတြီ၊ ကြေးဝါ ၊ ဓား နှင့် အခြားလက်နတ်ပေါ်င်းများစွာပင်ဖြစ်သည်။ အဆုံးသတ်ကိုဆိုရလျှင်မူ ဆူမာရီယာန်လူမျိုးတို့သည်မှာလည်း အခြားလူမျိုးများနည်းတူ နတ်အမျိုးမျိုးကို ပူဇော်ပသရာမှတဆင့် မှော်ပညာများလည်း ပေါ်င်းစပ်ပါဝင်ခဲ့ကြသည်ကို တွေ့ရှိကြရသည်။ ယင်းတို့က မှော်ပညာကို ဝေဒနာခံစားနေရသောသူများအပေါ်၌ ကူညီရာတွင် အသုံးပြုနိူင်ကြောင်း ခွင့်ပြုပေးထားကြလေသည်။

ref:
#ဦးနု၏ ယဉ်ကျေးမူအစ ရုပ်စုံသမိုင်း
ဝီကီပီဒီယာ
#ဆရာဆန်းလွင် လူတို့ကိုးကွယ်ရာဘာသာတရားများ

Dec6.2019
Minsetwai

ခရိုမဂ္ဂနွန်လူမျိုးများ(Cro-Magnon)

ခရိုမဂ္ဂနွန်(Cro-Magnon)လူမျိုးများ

ခရိုမဂ္ဂနွန်(Cro-Magnon)လူမျိုးများ
သည် ရှေးအကျဆုံးသော လူမျိုးများဖြစ်ပြီး
လွန်ခဲ့သော နှစ်ပေါ်င်း ၄၅၀၀၀ကတည်းက
ယင်းတို့ရှိနေခဲ့သည်ဟု ပညာရှင်များက
ကျောက်ဖြစ်ရုပ်ကြွင်းများကို သုတေသနပြုပြီး ဖော်ပြထားကြသည်။

ယင်းလူမျိုးများသည် လူသေအလောင်းကို
မြေတွင်မြှပ်သောအခါ လူသေကောင်ကို
ပက်ဝိုင်းပြီး လက်ဝတ်ရတနာများ၊
လက်နတ်ပစ္စည်းများနှင့် အစားအစာများကို
ထည့်သွင်းမြှပ်နှံတတ်ကြသည်။ ယင်းတွင်
စိတ်ဝင်စားစရာ အကောင်းဆုံးအချက်ကမူ လူသေအလောင်းပေါ်သို့ ဆေးအနီများ
သွန်းလောင်းချသောဓလေ့ရှိခြင်းပင်ဖြစ်သည်။ ထိုသို့ လောင်းချခြင်းမှာ တမလွန်ဘဝ၌
သူသည် တစ်ဖန်ပြန်၍ အသက်ရှင်နေဦး
မည်ဆိုသော ဘာသာရေးယုံကြည်ချက်ကို
ဖော်ဆောင်ခြင်း ဖြစ်သည်။ ထိုအနီရောင်ဆေးရည်မှာ အသက်သွေးကို ကိုယ်စားပြုလေသည်။

ယင်းတို့၏ မှတ်သားဖွယ်ရာ ယဉ်ကျေးမူမှာ
ပန်းချီပညာနှင့် ရုပ်တုပညာဖြစ်သည်။ သူတို့သည် နံရံဆေးရေးပန်းချီများကို ရေးဆွဲခဲ့ကြသည်။ ယင်းတို့၏ ထိုအလေ့အထသည် မှော်အတတ်နှင့် ဆက်စပ်မူ ရှိသည်ဟု ဆိုကြသည်။

ယင်းတို့ရေးဆွဲခဲ့သော ပန်းချီပုံများ၊ အင်းကွက်ပုံများမှာ မှော်ဝိဇ္ဇာလုပ်ငန်းများအတွက် အသုံးချခဲ့ကြခြင်းဖြစ်သည်။ ထိုအတူ ခရိုမဂ္ဂနွန်များသည် တောလိုက်မထွက်မီ စုဝေးကြပြီး ခေါ်င်ဆောင်ဖြစ်သူက နတ်ဆရာနှင့်အတူ
နတ်ပူဇော်ပသမူကို လုပ်တတ်ကြသည်။

နတ်ဆရာက သူတို့အမဲလိုက်ရန် ရည်ရွယ်ထားသည့် သားကောင်၏ရုပ်ပုံတွင် ပန်းချီဆေးများ ရေးဆွဲသုတ်လိမ်းသည်။ ထိုသို့ ပန်းချီဆွဲကြရာတွင် လူကို ကိုယ်စားပြုဖော်ပြထားသော
အမှတ်အသားများကိုလည်း တွေ့ရှိခဲ့ကြသည်။

ယင်းမှာ လူသားအမျိုးသမီးများပုံပင် ဖြစ်သည်။ ထိုပုံများသည် သားသမီးအောင်မြင့်စွာ မွေးဖွားနိူင်ခြင်းအတွက် သရုပ်ဖော်ထားသော
သင်္ကေတများပင် ဖြစ်သည်။ ယင်းတို့အနေဖြင့် ထိုကဲ့သို့ ရုပ်ပုံများ သုံးခြင်းမှာ အသီးအနှံပေါများရေး၊ သားသမီးရရေး၊ အမဲလိုက်ရာတွင် သားကောင်ရရှိရေးအတွက် ပြုလုပ်မူတစ်ရပ်ဟု ဆိုနိူင်သည်။

Ref: :
ဆရာဆန်းလွင်၏ လူတို့ကိုးကွယ်ရာ
ဘာသာကြီးများ

တရုတ်ပြည်မှမှော်

#တရုတ်ပြည်မှမှော်

တရုတ်နိူင်ငံသည် အီဂျစ်ကဲ့သို့ပင် မှော်ပညာအမြောက်အမြား တိုးတတ်ဖွံဖြိုးလှသောနိူင်ငံတစ်နိူင်ငံဖြစ်သည်။ ရှေးဟောင်းတရုတ်လောကီပညာတွင် မိုးကြိုးသွားစာရေးခြင်း (သို့မဟုတ်) နတ်ချစာရေးခြင်း၊ ဝိဇ္ဇာပညာနှင့်ဂမ္ဘီရကြေးမုံ(Magic Mirror)စသသည့်တို့မှာ မှတ်တမ်းများဝင်သည့်အထိ ကျော်ကြားခဲ့သည်။ ဒုတိယကမ္ဘာစစ်ပြီးနောက်တွင် တရုတ်ပြည်တွင်တောက်နှင့် ဇင်တို့ခေတ်စားလာသောကြောင့် တရုတ်တို့၏ ယုံကြည်မူမှာ ဘာသာရေးနှင့်ဂန္ဓာရီပညာဆိုင်ရာ စာအုပ်စာတမ်းများ အစီအရီပေါ်ထွက်လာခဲ့သည်။ယင်းတို့၏ မှော်ပညာအကြောင်းကိုမူ ရွှင်းယွီချီ(Shun yu cai -AD400)၏ကျင်မင်းဆက်ဆိုင်ရာ စံချိန်မီသမိုင်း(The standard History of Tsin Dynasty)စာအုပ်တွင် အကျယ်တစ်ဝင့်ဖော်ပြထားခဲ့သည်။

ထိုမိုးကြိုးသွားစာရေးခြင်းတွင် တရုတ်လောကီပညာရှင်များသည် ထိုအစီအရင်ကို ညအချိန်ကျမှသာ ပြုလုပ်ဆောင်ရွက်ကြသည်။ ထိုအစီအရင်ပြုလုပ်ချိန်တွင် ပါဝင်သူများမှ ရေမိုးချိုးပြီး သန့်ပြန့်သော အဝတ်အစားများကို ဝတ်ဆင်ကြရသည်။ ပြီးနောက် ညစာစားခြင်းကို ရှောင်ကြရသည်။ အကြောင်းမှာ ထိုအစီအရင်ဆိုင်ရာ နတ်များမှ အလွန်မှအသန့်ကြိုက်သော နတ်များဖြစ်သောကြောင့် ဟူ၏။ အခမ်းအနားတွင် စားပွဲနှစ်ခုခင်းထားရပြီး တစ်ခုပေါ်တွင် နတ်စင်ငယ်ကိုထားကာ ဝိုင်အရက်များ၊ သစ်သီးဝလံများ၊ မုန့်ချိုများကိုပါ တင်ထားကြသည်။ အခြားစားပွဲတစ်ခုတွင်မူ အနီရောင်ရှိသော သဲ များကို ညီညာပြန့်ပြူးစွာ ခင်ထားကြသည်။ ထိုသဲခင်းထားသော စားပွဲေ့ရှတွင် ကုလားထိုင်အလွတ်တလုံးကို ထားထားပေးကြသည်။ ထိုအပြင် စာချရေးမည့်ပညာရှင်သည် နတ်ပင့်မည့်သူအားလုံး၏ အမည်ကို ကတ်ပြားတစ်ချပ်မှာ ကြိုတင်ရေးသားထားပြီး ထိုအခန်းထဲမှာ ချိတ်ဆွဲထားကြသည်။ ထိုနောက်တွင်မူ ရွှေစက္ကူများကို မီးရှို့ပြီး နတ်များဆီသို့ မေတ္တာပို့၍ ပင့်ဖိတ်ကြရသည်။

ထိုနတ်ရောက်လာခဲ့ပြီးနောက်တွင်မူ တစ်စုံတစ်ရာသော အကြောင်းကြောင့် သဲပေါ်တွင် ထင်ကျန်လျှက်ရှိသော စာ၏အဓိပ္ပါယ်ကို ပညာရှင်က အဓိပ္ပါယ်ဖွင့်ဆိုပေးရသည်။ ထိုစာကို အချို့ပညာရှင်များက မန္တရားဟု ခေါ်ကြပြီး ယင်းမှာ ကပ်ရောဂါအပေါ်င်းမှာ လွတ်မြောက်စေသည်ဟု ဆိုကြသည်။ အခြားသော တရုတ်ပညာရပ်ဆိုင်ရာများနှင့် ပတ်သတ်၍မူ တရုတ်စာပေများ၏ဖော်ပြချက်များတွင် တရုတ်မှော်ဂန္ဓာရီဆိုင်ရာ ထွက်ရပ်ပေါ်က်ပုဂ္ဂိုလ်ရှစ်ပါးမှာ အလွန်မှနာမည်ကြီးကြောင်းကို တွေ့ရှိကြရသည်။ ထိုထွက်ရပ်ပေါ်က်ပုဂ္ဂိုလ်ရှစ်ပါးမှာ လိတိကွေး၊ ချုံလိချွန်၊ လန်ဆေဟို၊ ချန်ကော၊ ဟိုဆင်ကူ၊ လူတုံပင်၊ ဟန်ဆိုင်းဇူ၊ စောကိုချင်တို့ပင်ဖြစ်သည်။

ထိုအထဲမှ ချန်ကောဆိုသော ပုဂ္ဂိုလ်သည် အေဒီ၈ရာစုတွင် ထွက်ရပ်ပေါ်က်သွားသော တရုတ်မှော်ဂန္ဓာရီပညာရှင်ရ ရသေ့ တစ်ဦးဖြစ်သည်။ ချန်ကောကို ဘုရင်က နန်းတွင်းသို့ ကြွရန်အတန်တန်ပင့်ခေါ်သော်လည်း သူသည်မသွားခဲ့ချေ။ သို့သော်လည်း အေဒီ၇၀၅တွင် သူကို ဝူဘုရင်မကြီးက ဖိတ်ခေါ်ပြန်ရာ နန်းတွင်းသို့အသွားတွင်လမ်းမှာ အသတ်ခံရလေသည်ဟူ၏။ သို့သော် ချန်ကောမှာ အသတ်ခံရသော်လည်း သေဆုံးသွားခြင်းမရှိဘဲ ကျန်းမာစွာဖြင့် ဂန္ဓာရီခရီးလှည့်လည်သွားလာခဲ့သည်။

အချို့ရာဇဝင်များအရ သူသည် စက္ကူကို ပါးစပ်ထဲမှ ရေဖြင့်မန်းမှုတ်ပြီး မြင်းဖြူဖြစ်အောင်ဖန်ဆင်းကာ ထိုမြင်းဖြူကိုစီးလျှက် မိုင်ပေါ်င်းများစွာခရီးသွားခဲ့သည်။ လိုရာခရီးသို့ရောက်လျှင်မြင်းဖြူကို စက္ကူကဲ့သို့ပြန်ခေါ်က်သိမ်းဆည်းထားတတ်သည်ဟူ၏။ ထိုသို့အစွမ်းထက်သော ချန်ကောသည် အေဒီ၇၂၃၊ မင်းဟန်ဘုရင်လက်ထပ်တွင် ပရိတ်သတ်ဗိုလ်ပုံအလယ်၌ ကိုယ်ယောင်ဖျောက်ပြခြင်း၊ အဆိပ်သောက်ပြခြင်း၊ လက်ဖြင့်ညွှန်ရုံဖြင့် ပန်းများကို ကြွေကျစေခြင်းများကို ပြုလုပ်ပြခဲ့သည်ဟုလည်းဆိုကြသည်။

#Minsetwai