ဂျိုကာ

[ငါ/ကဗျာ/စိတ်ဝေဒနာများ-၂၃]-Minsetwai

ဂျိုကာ

ငါလား
ရယ်မောခြင်းကို ရပ်တန့်မရတဲ့ ရောဂါသည်
ဦးနှောက်ပျက်နေတဲ့ မွေးစားအမေရဲ့လိမ်ညာမုသားများမှာ
စိတ်အစွဲလမ်းဖြစ်စေတဲ့ ရောင်စုံခြယ်
စာနာတတ်သူတစ်ချို့ရဲ့ ရင်တွင်းစကားတွေလည်းကြားတယ်
ငါရယ်မောခဲ့ရတယ်
အားရပါးရကို ငါရယ်မောခဲ့ပါတယ်။

ငါ့ရဲ့ ကိုယ်ပိုင်ဟာသတွေ ချပြချင်မိ
အများစုက ငကြောင်ကြီးတဲ့ အားပေးလိုက်ကြပုံများ
အမှိုက်ပုံးတွေ့တိုင်း ခြေထောက်နဲ့ပြေးကန်ရင်း
ကယောင်ကတမ်းနဲ့ အိမ်ပြန်လာခဲ့တယ်
အိမ်ရောက်တော့ ငါ့ဟာသပြဇာတ်ကို အစမ်းကျင့်
လက်ထဲကသေနတ် ကျည်ဆန်လွှတ်ခနဲထွက်
အမေကလည်း ထိတ်လန့်
အဲဒီဟာသပြဇာတ်အတွက်
ငါဟာ ဟာသပညာရှင် ဖြစ်သင့်ပါရဲ့လေ။

ငါလား
ဘယ်မသန်ဘဲနဲ့ စာကိုဘယ်နဲ့ရေးတဲ့ကောင်
စာလုံးတွေက မညီမညာနဲ့ ဟာသယောင်ဆောင်
ငါဟာ မရယ်ရလို့တဲ့ အလုပ်ဖြုတ်ခံလိုက်ရတဲ့ကောင်
ရထားစီးပြီး ပြန်လာခဲ့ရပြန်ပေါ့
ရထားပေါ်မှာလည်း သဘောကျစရာက တစ်ခုမှကိုမရှိ
ငါ အသကုန် ငါရယ်မောမိ
လူရှုပ်တွေရဲ့ ကန်ချက်တွေ ပလူပျံထတဲ့အထိ
ရယ်မောခြင်းကို ငါ ရပ်တန့်မရတော့
သိပြီ သိပြီ ငါ့သေနတ် မင်းတို့အတွက်ပါနော်
ကဲ ခုတော့ ရယ်စရာဖြစ်သွားပြီပေါ့
ကြည့်လေ မင်းတို့ရဲ့မလှုပ်မယှတ်ဖြစ်သွားပုံကိုက ရယ်စရာ။

အိုး ဟိုမှာ စာတန်းလေးတစ်ခုပါလား
Don't forget to smileဆိုပါလား
ဟာသပဲ
Forget toကို ဆော့လ်ပင်နဲ့ဖျက်စီးပစ်လိုက်တယ်
ငါက ဟာသဖန်တီးရှင်ပဲကွဲ့
ငယ်ငယ်ကဖြစ်ချင်စိတ်လေးကို
လူတွေအားရပါးရ ရယ်မောလိုက်ကြတာ မှတ်မိပေါ့
အခုတော့ ငါက ဟာသပညာရှင်ဖြစ်ခဲ့ပါပြီ
ဆိုတော့ လူတွေမဲ့ရွဲ့ကုန်ကြပြန်ရော
လုံးဝကိုမရယ်မောကြတော့
ဘယ်လိုလဲဟ..အင်း...ငါသဘောကျလိုက်ရတာ
ငါရယ်ပြီပေါ့
အားရပါးရကို ရယ်မောပစ်လိုက်မိတာပေါ့
ငါ့ရယ်တော့
လူတွေက လိုက်ရယ်မောကြပြန်တာပေါ့
ခက်တော့ခက်နေပြီပေါ့
ဘယ်လိုဟာသမျိုးက
ငါ့ကို ဟာသပြန်လုပ်နေကြပါလိမ့်နော်။
(နိူင်ငံခြား ဂျိုကာ ရုပ်ရှင်ဇာတ်ကားကို ကြည့်ရှုပြီးနောက် အတွေးပေါ်ခံစားမိခြင်း ဖြစ်ပါသည်။)
Aug8.2020
#Minsetwai

ရတု

#ကဗျာဖြင့်မွေ့လျော်ခြင်း
#ရတု

ရတုဆိုသည်မှာ လင်္ကာမှပေါ်က်ဖွားလာသော အဖွဲ့အနွဲ့တစ်မျိုးဖြစ်သည်။ ရတုကို အစပြုခုနှစ်နှင့်ခေတ်ကိုတော့ ပင်းယခေတ် (674AD) လောက် ဖြစ်မည်ဟု ခန့်မှန်းထားကြသည်။ ရတုနှင့်ပတ်သက်၍ အေဒီ၆၇၃ခုနှစ်တွင် အဝဘုရင် ပထမမင်းခေါ်င်ကြီးသည် မြန်မာမူကို များစွာအားပေးခဲ့ရာ သူကိုယ်တိုင် ကျေးစေယ်ဘွဲ့ရတုတစ်ပုဒ်ကို ရေးဖွဲ့ခဲ့ဖူးသည်ဟုလည်း ဆိုကြသည်။

ရတုကို တစ်ပိုဒ်ထဲ ရေးဖွဲ့လျင် ဧကပိုဒ်ရတုဟုခေါ်သည်။ နှစ်ပိုဒ်ရေးဖွဲ့ထားပါက အဖြည့်ခံရတုဟု ခေါ်သည်။ ယင်းရတုတွင် နှောင်းစာဆိုများက ကျန်တစ်ပိုဒ်ကို ဖြည့်ကာရေးပေးရသည်။ သုံးပိုဒ်ကို တစ်ဦးတည်းက ရေးဖွဲ့လျှင် ပိုဒ်စုံရတုဟုခေါ်သည်။ ဆရာတော် ရှင်မဟာရဋ္ဌသာရသည် သူ၏ပိုဒ်စုံရတုများကို တောင့်တဲတွန့်ဖွဲ့နည်းဖြင့် ဖွဲ့ခဲ့သည်။ ပိုးတောင့်တဲကလေးများ တွန့်လိုက်ဖြေလိုက်သွားနေသည်ကိုကြည့်လျှင် နွဲ့နွဲ့လျလျနှင့် လှလှပပသွားနေပုံကို မြင်ရသကဲ့သို့ ဖွဲ့နွဲ့ထားခြင်းဖြစ်သည်။ ထိုထက်စောသော အခြေအနေကိုကြည့်လျှင်မူ အေဒီ၁၅၀ခန့်က ပေါ်ပေါ်က်ခဲ့သော သျိူးလိုက်ရတုများကို တွေ့မြင်နိူင်ပါသည်။ ပညာရှင်အများစုကမူ သျိုးလိုက်ရတုမှ ရခိုင်စာပေမှ ပေါ်ပေါ်က်ခဲ့သည်ဟု ဆိုကြသည်။ ထိုသျိုးလိုက်ရတုမှာ ရှင်လောင်းလှည့်ရတုအသွားမျိုးဖြစ်သည် ဟူ၏။

ရတုကဗျာများ ကျယ်ကျယ်ပြန့်ပြန့်ဖြစ်တည်ခဲ့သော အင်းဝခေတ်တွင်မူ ဆရာတော် ရှင်ဥတ္တမကျော်သည် မြတ်စွာဘုရား ကပ္ပိလာဝတ်သို့ ကြွတော်မူခန်း တောလားရတုကြီးကို ရေးဖွဲ့ခဲ့ရာ အထူးထင်ရှားခဲ့ပါသည်။ ဆရာတော်သည် ထိုရတုကို စပ်ဆိုရာ၌ မိမိကိုယ်တိုင် တောထဲတောင်ထဲ လှည့်လည်နေထိုင်သူ ဖြစ်သောကြောင့် တောလားရတုကို ပိုမိုပြောင်မြောက်အောင် စပ်ဆိုနိူင်ခဲ့ခြင်း ဖြစ်သည်။

ထိုအတူ ဆရာတော် ရှင်မဟာရဠသာရသည်လည်း ထင်ရှားကျော်ကြားသော ရဟန်းစာဆိုဖြစ်သည်နှင့်အညီ ထင်ရှားလှသော ရတုများကို စပ်ဆိုခဲ့ပါသည်။ ဆရာတော်၏ ထင်ရှားလှသော ရတုများမှာ ရှင်မဟာသီလဝံသ၏ အမေးကိုဖြေသောရတု ၊ ပြည်မြို့ဝံတောင်လည်ဘုန်းတော်ကြီးကို မေးလျှောတ်သည့်ရတု ၊ ရာဇဝသတီခန်းရတု ၊ ပုလဲတစ်တန့် သန္တတစ်တန့် ဆိုနည်းရတု ၊ မုတ္တရွှဲသီဆိုနည်းရတု ၊ ဘုရားတိုင်ရတု ၊ မယ်ဘွဲ့ရတု ၊ ကိုယ်ရည်သွေးရတု တို့ပင်ဖြစ်သည်။

ထိုကဲ့သို့ပင် လက်ဝဲသုန္ဒရအမတ်ကြီးသည်လည်း
ငထင်ကျော်အမူပွေမူကြောင့် မင်းမျက်သင့်ကာ မဲဇာသို့ နယ်နှင်ဒဏ်သင့်ခဲ့ရသည်။ အမတ်ကြီးသည် ထိုမဲဇာသစ်တောထဲတွင် ရာသီဥတုဒဏ်ကို ကြိတ်မှိတ်ခံစားရင်း ရတနာသိင်္ဃကုန်ဘောင်မြို့ကို လွမ်းဆွတ်တမ်းတကြောင်းကို ရတုပိုဒ်စုံကြီးရေး၍ မင်းတရားထံ ဆက်သခဲ့သည်။

ထိုရတုထဲတွင် အမတ်ကြီးက အအေးဓာတ်လွန်ကဲမူ၊ ကင်းစမ်းတောင်မှ အစပြု၍ အဆက်မပြတ် တိုက်ခတ်လာသောအကြောင်းအရာများမှ အစပြု၍ ဒေသခံမဲဇာသူတို့ ညောင်ရေသွန်းပွဲတော်တွင် ဘာသာတရားအပေါ်၌ သဒ္ဒါတရားထက်သန်စွာဖြင့် ထုံထမ်းစဉ်လာနှင့်အညီ ကုသိုလ်ပြုကြကာ နိဗ္ဗာန်ကိုရည်မှန်း၍ ဆုတောင်းကြပုံအဆုံး ခံစားရေးဖွဲ့ထားရာ ဖတ်ရသူတိုင်းက အမတ်ကြီး၏ ခံစားချက်နှင့် မိသားစုကွဲကွာနေရပုံကို စာနာမိခဲ့ကြရသည်။ ထိုသို့ ဂရုဏာသက်ဖွယ်ကောင်းသော ရတုကြီးကြောင့် ဆင်ဖြူရှင်မင်းတရားမှာ စိတ်နှလုံးထိခိုက်ရသောကြောင့် အမတ်ကြီးအား နေပြည်တော်သို့ပြန်ခေါ်ကာ အမူတော်ကို နဂိုအတိုင်း ပြန်လည်ထမ်းရွက်စေခဲ့သည်။ ထိုရတုအမည်မှာ မဲဇာတောင်ခြေချီရတုပင် ဖြစ်သည်။

ရတုဆရာများသည် ခေတ်အဆတ်ဆတ်ကျော်ကြားလာခဲ့ကြပြီးနောက် ဆရာနဝဒေးကို အလွန်မှအားကျပြီး ဆရာနဝဒေး၏ရေးဖွဲ့ပုံကို အတုယူကာ ရေးဖွဲ့ခဲ့သူတစ်ယောက်မှာလည်း အတော်ကလေးနာမည်ကြီးပြန်ပါသည်။ ထိုသူမှာ နတ်သျှင်နောင်ပင်ဖြစ်သည်။ နတ်ရှင်နောင်သည် နဝဒေးကြီး၏ မယ်ဘွဲ့ရတု ၊ ကျေးစေရတု ၊ ဘုရားတိုင်ရတုတို့ကို မှီး၍စပ်ဆိုရာ၌ ေ့ရှမှခင်းထားသောလမ်းကို လျှောတ်ရလွယ်သဖြင့် စကားလုံးအသုံးအနူန်းများကို ထိုထက်သာလွန်အောင် စပ်ဆိုပြခဲ့သည်။ နတ်သျှင်နောင်သည် ရတုရေးဖွဲ့ရာတွင် စကားလုံးအလှည့်အပြောင်း အလွန်းကောင်းသလို စကားလုံးကြွယ်ဝပြီး ဖွဲနွဲ့ပုံမှာလည်း ထိမိလှသူဖြစ်သည်။ ရတုထဲတွင် အနုအလှစကားများကိုလည်း ထည်လဲသုံးနိူင်သူဖြစ်သည်။

အထူးသဖြင့် ဇင်မယ်ဘုရင်၏နှမတော် ရာဇဓာတုကလျာကို အစွဲကြီးစွဲလမ်း ချစ်ကြိုက်မိသောကြောင့် ထိုမင်းသမီးကို ရည်ညွှန်းစပ်ဆိုသော ရတုများ၏ နုပုံလှပုံမှာ အတိုင်းထက်အလွန် ပြောင်မြောက်လွန်းလှခဲ့ပါသည်။ သူသည် ထိုမင်းသမီးကို နတ်ပြည်ခြောက်ထပ်မှ နတ်သက်ကြွေလာသော လူဝင်စားနတ်သမီးတစ်ပါးအဖြစ် ခိုင်းနိူင်းရေးဖွဲ့ရာမှစပြီး အနေဝေးရခိုက်တွင်လည်း မိမိသည်လည်း တိမ်တို့လို စွန်တို့လို လေတို့လို ချစ်သူမျက်နှာ ဖူးတွေ့ရဖို့ လာလိုသောဆန္ဒရှိပါသော်လည်း ဌက်တို့လို အတောင်မရှိသောကြောင့် မတတ်သာပါဟုအဆုံး အလွမ်းဓာတ်ခံရှိသူများ ငိုင်သွားရလောက်အောင်ကို အဖွဲ့ကောင်းခဲ့သူပင်ဖြစ်ပါတော့သည်။

ကိုးကား
#ဆရာဦးဖေမောင်တင်၏ မြန်မာစာပေသမိုင်း
#ဆရာသိင်္ခသူ၏ မြန်မာစာဆိုတော်ကြီးများ၏ဘဝပုံရိပ်

Aug8.2020
#Minsetwai

Two ropes

What ever happens, do not lose hold on the two main ropes of life hope and faith.
(Zig ziglar)

Style Of Dancing-5

Style Of Dancing

(5)
You move forward a little
I do not plan traps
I am also a prisoner
That's why I smiled.

[ငါ/ကဗျာ/စိတ်ဝေဒနာများ-၁၉]-Minsetwai

ပင်လယ်တစ်ရာ တောင်တစ်ထောင်

အတိတ်ခြေရာတွေ
ဖျောက်ပစ်လိုက်လည်း ကိစ္စမရှိ
ရင်ထဲ ဆီမီးက ထိန်ထိန်သာဆဲ
မြစ်ကျိုးအင်းတစ်ခုလို
အဆက်ပြတ်စေခဲ့လည်း ကိစ္စမရှိ
ဗေဒါတွေအစား ကြာပန်တွေ လှိုင်လှိုင်ဝေဆဲ
ပိုင်ဆိုင်မှုက နေရာလွှဲပြောင်း
ရယူသွားခဲ့လည်း ကိစ္စမရှိ
တန်ပြန်မူတရားတွေက
ခေတ်အဆက်ဆက် ပဲ့တင်ထပ်ဆဲ။

ပျင်းတိုင်းလည်း
ကဗျာတွေကို အလွမ်းနဲ့ စပ်ဖောက်မယ်
ကိုယ်တိုင်ပုံဖော်ခဲ့မိတဲ့ ရှည်လျားညတွေမှာ
ဗီဒီယိုတွေ ခပ်များများကြည့်မယ်
မွန်းကြပ်ခြင်းတွေတောင်
ရုပ်ဝထ္ထူအပေါ် မတွယ်တာတော့
လွတ်လပ်ခြင်းမရှိတဲ့ နေ့ရက်တွေထဲ
ငါ့ကိုယ်ငါ့လည်း ဖမ်းချုပ်မထည့်တော့
အချစ်ဆိုတာလည်း မမက်မောတော့
မလှပစွာနဲ့ဆိုတော့ အချစ်သည်လည်း
ပင်လယ်တစ်ရာ တောင်တစ်ထောင်။
Jul 5.2020
Minsetwai

ကကြိုး-15

ကကြိုး(၁၅)

ကျွန်တော်က..

သူ့ နားလည်ပေးမူထဲ

အိပ်မောကျနေချိန်မှာ

ရုတ်တရတ် မျိုချခံလိုက်ရတဲ့ ဖားသတ္တဝါ..။

May18.2017

Minsetwai

Until

I'm Not Child-12

Until

Lie

Until you lie yourself again.

Love

Untail you love yourself again.

Hate

Untail you hate yourself again.

When it is over

See

Untail you see yourself again.

4:18AM

June26.2020

Minsetwai

Images Of The Mind

I'm Not Child-11
#Images Of The Mind  

A calm sea He will be intention or hate Because they ignored his emotions. 

 A gentle breeze
He will be the fire of hatred or curses Because they betrayed him. 

An emotionalist
What does he have?
His heart had the fire of ignorance Because he couldn't change the restrictions. 

 An deceitful woman
What does she still want to crack-down
A calm sea?
A gentle breeze?
An emotionalist?
Her eyes have the fire of lust
Because they doubted and raped her.

She.....
By the life of feeling and the mood of expression
Look like the abstract art
Look like a beautiful vase
Look like a poisonous snake And look like an innocent child.

But No one will notice
She could be......
She could be a calm sea
She could be a gentle breeze
She could be an emotionalist.

Jun11.2020
Minsetwai

သူနှင့်ပြိုင်မြင်းတို့၏ခွာသံ- ၂

#တာရာမင်းဝေအားလေ့လာခြင်း
#သူနှင့်ပြိုင်မြင်းတို့၏ခွာသံ- ၂

(ယနေ့ခေတ်သည် အသိပညာခေတ်၊
အတတ်ပညာခေတ်တို့ကို လွန်မြောက်ပြီးသော နည်းပညာခေတ်ဖြစ်သည်။ သိပ္ပံကမ္ဘာမှာ ယနေ့ခေတ်လူတို့၏ အသိညဏ်မှာ ပိုမြင့်မားလာခဲ့သည်။ အာရုံ၏အချက်အလတ် (sensory data)တွေ များပြားလာသည်။ ထိုကြောင့်အနုပညာတစ်ဦး၏ အနုပညာအာရုံ၀င်စားမူ
(Inspiration) သည်လည်း လျိုဝှတ်ဆန်ပြားလာသည်။ အချို့ကဗျာ၊အချို့၀ထ္ထူများသည် မျဉ်းသဘော၊ အကွတ်သဘောတို့ကိုကျော်လွန်ကာ ပင့်ကူအိမ်သဘောကိုပင် ဆောင်သည်အခါဆောင်လာ၏။pg.8)

ဒါက ပြိုင်မြင်းတို့ရဲ့ခွာသံထဲမှာ ဆရာတာရာမင်းဝေ
ဖော်ပြထားတဲ့ စာပိုဒ်တစ်ခုပါ၊ ခေတ်ကြီးလျှင်မြန်
တိုးတတ်လာသလို စာပေပုံစံတွေဟာ လိုက်ပါစီးဆင်း ပြောင်းလဲသွားကြပါတယ်။ ဒါပေမယ့် အကုန်လုံး ပြောင်းလဲသွားသလာဆိုတော့ မဟုတ်ပါဘူး။
ကျန်ခဲ့တဲ့ အရာတွေက သူ့အဟောင်းအတိုင်းပဲ
လှပသေသပ်စွာကျန်ခဲ့ပါတယ်။








ထပ်မံအားထုတ်တဲ့ အသစ်တွေကသာ
လိုက်ပါစီးမျောပြောင်းလဲ ကုန်ကြတာပါ။ ဆရာတာရာ
မင်းဝေ ဆိုလိုတဲ့သဘောကို နားလည်ဖို့လည်း လိုပါတယ်။ အဟောင်းကို ချစ်ပါတယ်။ ဒါပေမယ့် ကျွန်တော်တို့ခေတ်မှာလည်း ထပ်မံပြုလုပ်တဲ့အရာဟာ အဟောင်းဖြစ်နေလို့တော့ မရတော့ပါဘူး။ ခံစားမူကိုပဲ ဆန်းသစ်ချဲ့ထွင်နေဖို့လည်း လိုပါတယ်။ အခုဆို လူတစ်ချို့ဟာလည်း အွန်လိုင်းပေါ်မှာ စာဖတ်လာကြပါပြီ။ ဒီလိုဖတ်တော့ ရေးပုံရေးနည်း အသစ်တွေ အကြောင်းအရာအသစ်တွေကို တွေ့ရှိလာကြပါတယ်။ ဒီလိုတွေ့ရှိမူများစွာထဲမှာ ခုချိန်ထိ အမြင်ဆန်းနေသေးတဲ့ မော်ဒန်ဝထ္ထူတို ဆရာတွေ အကြောင်းကိုလည်း ဒီစာအုပ်ထဲမှာ ပြောပြထားပါသေးတယ်။

(သစ်သားပန်းပုဆရာက သူ၏ အနုပညာ
ကြားခံပစ္စည်းဖြစ်သော သစ်သားကို အမျိုးမျိုး
ထွင်းထုပြုလုပ်သော...သူ၏ပန်းပုပညာကို
ချ့ဲထွင်သည်။ မော်ဒန်ဝထ္ထူတိုကလည်း သူ၏ စကားလုံးကြားခံပစ္စည်း(Verval medium)ကို အမျိုးမျိုးထွင်းထု ပုံဖော်ကာ မော်ဒန်အနုပညာကို အသက်သွင်း၏ ။
ထိုသို့ဖြင့် သူ၏ဝထ္ထူတိုများသည်
ဆန်းသစ်သည်နှင့်အမျှ အသိရခက်သော (Mystification)သဘောကို ဆောင်လာသည်။ pg-9)

ဆရာတာရာမင်းဝေက မော်ဒန်ပနုပညာကို နားလည်လာအောင် တစ်ဆင့်ပြီးတစ်ဆင့် ပြောပြပါတယ်။ မော်ဒန်အနုပညာဖန်တီးမူဟာ သာမန်နယ်ထဲက ဘယ်လိုဖြစ်ပေါ်လာရသလဲဆိုတာကို ကျွန်တော်တို့ မြင်ယောင်ကြည့်လို့ ရနေပါတယ်။ ဒါပေမယ့် မော်ဒန် ေ့ရွလျားမူဟာ လွယ်လွယ်ကူကူတော့ ဖြစ်ပေါ်မလာခဲ့ပါဘူး။ ဝေဖန်မူတွေဟာ မော်ဒန်အနုပညာ စီးကြောင်းထဲမှာ မြစ်ထဲက ဗေဒါများလို စီးမျော်လိုက်ပါရင်းနဲ့ အမှားရှာဖွေခံနေခဲ့ပါတယ်။
ဒီအမှားရှာသူတွေကို သူက သူ့ရဲ့အကြောင်းကို ရိုးသားစွာပဲ ဖွင့်ပြောပြထားပြန်ပါတယ်။

( ကျွန်တော်သည် စာပေလောကထဲသို့
လွတ်လပ်ရှင်းလင်းစွာ ဝင်ရောက်လာသူဖြစ်ပါသည်။ ကျွန်တော်မှာ (ဆရာ၊ တပည့် ၊ အုပ်စု ၊ ဒေသစွဲ ၊ ဝါဒစွဲ၊ လူကိုးကွယ်မူ ..) ဘာတစ်ခုမှ မရှိပါ။ ခေတ်လူငယ်
တို့ ဘာသာဘာဝ မော်ဒန်အနုပညာကို စိတ်ဝင်စားပါသည်။ မော်ဒန်ဝထ္ထူတိုလေးများကို ရေးပါသည်။
သို့သော် နိူင်ငံတကာ မော်ဒန်အနုပညာရှင်များ၏
နည်းနာများကို တိုက်ရိုက်ယူခြင်း၊ မှီငြမ်းယူခြင်း
မဟုတ်ဘဲ၊ မိမ်ဘာသာ ဆန်းသစ်တီထွင်ခြင်းကိုသာ အားပြုခဲ့ပါသည်။ pg-10 )

ဆရာတာရာမင်းဝေအနေနဲ့ ဒီလို ထုတ်ဖော်ပြောကြား
ခဲ့ခြင်းတွေဟာ အကြောင်းရင်းတွေတော့ ရှိခဲ့လိမ့်မယ်ထင်မိပါတယ်။ တစ်ချိန်က ဝေဖန်ရေးဆရာတွေက ဆရာတာရာမင်းဝေရဲ့ ဝထ္ထူတိုတွေက နိူင်ငံခြားကဟာတွေလို စွပ်စွဲခဲ့ဖူး ကြပါတယ်။ ဒါပေမယ့် ဆရာတာရာမင်းဝေက ဘယ်လိုဝေဖန်ရေးဆရာကြောင့်နဲ့မျှ သူရဲ့ခြေလှမ်းတွေကို မယိမ်းယိုင်ပစ်လိုက်ပါဘူး။ သူရဲ့ဝထ္ထူတိုတွေက ပိုပြီးတော့တောင် အရင်ကထက် လက်ဆက်လို့လာခဲ့ပါတယ်။ ဒါ့အပြင် ဒီလိုဖြစ်ရပ်တွေကိုလည်း
သူအကောင်းဆုံး ခွန်းတုန့်ပြန်နိုင်ခဲ့ပြန်ပါတယ်။ သူရဲ့ပြန်လည်ချေပချက်ကတော့ လှပနဲ့ ဓားတစ်စင်းလို သေသေသပ်သပ်ဖြစ်ခဲ့ပါတယ်။

( လေးသည်တော်ကောင်းတစ်ယောက်
ကျော်ကြားခြင်းသည် သူ၏ မြှားကြောင့်မဟုတ်။
သူ၏ ချိန်သားကိုက်မူကြောင့် ဖြစ်သည်ဟူသော
သိုးဆောင်းစကားပုံတစ်ခု ရှိပါသည်။ ကျွန်တော်လည်း ထိုသဘောမျိုးသာ ဖြစ်ပါသည်။ သရုပ်မှန်လော၊ မော်ဒန်လောဟူသည့် မြှားက ကျွန်တော်အတွက်
အဓိကမကျပါ။ ကိုယ့်ဝထ္ထူတိုကို အနုပညာရသမြောက်အောင် ၊ ချိန်သားကိုက်အောင် ပစ်လွှတ်
နိူင်ဖို့သာ ကျွန်တော့်ကြိုးစားပါသည်။ ထိုသို့ အနုပညာရသမြောက်ရန်အတွက်၊ ချိန်သားကိုက်ရန်အတွက်
အထောက်အကူဖြစ်စေမည့် သင့်တော်ရာမြှားကို
သင့်တော်သလို ဆွဲယူတပ်ဆင်သွားပါမည်။ pg-11)

အနုပညာရသမြောက်ဖို့ဆိုသည့်စကားက အရာအားလုံးကို ရှင်းလင်းပြတ်သားသွားစေခဲ့ပါတယ်။ ခံယူချက် ရဲဝံစွာရှိတာကို အထင်းသားပေါ်လွင်စေခဲ့ပါတယ်။ ဒီအတိုင်းပါပဲ။ ကျွန်တော်တို့ အားလုံးဟာ ဝေဖန်မူကို တုန်လှုပ်နေလို့ကတော့ ဘဝရဲ့အောင်မြင်မူတွေ ရပ်တန့်သွားမှာ အမှန်ပါပဲ။

ဘဝရဲ့စာမျတ်နှာထဲမှာ ဝေဖန်မူတွေကို မကြောက်မရွံဘဲ ဆရာတာရာမင်းဝေဟာ ေ့ရှဆက်လျှောတ်လှမ်းနိူင်ခဲ့တာကြောင့် သူဟာ ခုလိုမော်ဒန်စာပေမှာ သူရဲကောင်း တစ်ယောက် ဖြစ်နေရခြင်းလည်း ဖြစ်ပါတယ်။ ဒီလိုဖြစ်ဖို့အတွက် သူကြိုက်နှစ်သက်ရာတွေကို ကိုယ်တိုင် ရွေးခြယ်တပ်ဆင်နိူင်ခဲ့တယ်ဆိုတာ အထင်အရှားဖြစ်ပါကြောင်း။

Jan 30.2019
#Minsetwai