Poetry,Eassay,Literary, magic, supernatural,Numerology,philosophy, Teachnology
ကဗျာဆိုသည်မှာ မိမိရောက်နေသောခေတ် အသက်ရှင်နေသောခေတ်၏အတွေးအခေါ်များကို အခြေခံ၍သက်ရောက်မှုအများဆုံးရှိသော ခံစားမှုကို ဖန်တီးပေးရန်ဖြစ်သည်။
မြန်မာနိူင်ငံ၏ ကဗျာစာပေခေတ်များကို
နိူင်ငံတစ်နိူင်ငံ၏ ယဉ်ကျေးမူအဆင့်အတန်း မြင့်မားခြင်းကို ပြဆိုသောအရာများထဲတွင် ကဗျာဟူသော အနူပညာမှာလည်း အဓိကကျသော အရာတစ်ခုဖြစ်သည်။ မြန်မာကဗျာခေတ်များကို ကြည့်မည်ဆိုလျှင်တစ်ခေတ်နှင့်တစ်ခေတ်သမိုင်းသံကြိုးကွင်းများဖြင့် ချိတ်ဆက်ဆက်နွယ်ထားသည်ကို မြင်တွေ့ကြရမည်ဖြစ်သည်။
1963.sepထိုကာလတွင် ဗကပတို့သည် ငြိမ်းချမ်းရေးဆွေးနွေးပွဲကို အမြတ်ထုတ်ရန် သဘောထားခဲ့ကြသည်။ သူတို့သည် အဝေးရောက် ဗဟိုကော်မတီနှင့် ဆက်စပ်မိရေး၊ မြေပေါ်ဆူပူရေးလုပ်ငန်းများကိုသာ အထူးအလေးထားခဲ့ကြသည်။ ထိုအချိန်က ယင်းတို့သည် ပစ္စည်းမဲ့တစ်ပါတီအာဏာရှင်စနစ်ကိုသာလက်ခံခဲ့ကြသည်။
မင်းအောင်လှိုင်၏ ရက်စက်ကြမ်းကြုပ်သော လုပ်ရပ်များကို တကမ္ဘာလုံးမှ စောင့်ကြည့်နေကြောင်း သံတမန်များက ကြေညာချက်များ အသီးသီး ထုတ်ပြန်ခဲ့ကြသည်။ အာဏာသိမ်းပြီးနောက် ပထမဆုံးအကြိမ် အင်အားကို အကြီးမားဆုံး ထုတ်သုံးလာခြင်းပင် ဖြစ်သည်။
အမေရိကန် သံရုံးမှ သံချပ်ကာ ကား သုံးစီးနှင့် အတူ စစ်သားများ အပြည့် သယ်ဆောင်လာသော ထရပ်ကားများ တွေ့လာနေသဖြင့် “စစ်တပ်၏ လှုပ်ရှားမှုများ” ရှိနေပြီး အင်တာနက် ဖြတ်တောက်ရန် ရှိကြောင်းနှင့် ၎င်း၏ နိုင်ငံသားများကိုလည်း လွတ်ရာကျွတ်ရာတွင် ပုန်းနေကြရန် တနင်္ဂနွေ ညပိုင်းတွင် ကြေညာချက် ထုတ်ပြန် ခဲ့သည်။
အီးယူနိုင်ငံများ၊ အမေရိကန်၊ ဗြိတိန် နှင့် ကနေဒါ သံအမတ်ကြီးများ စုစည်းကာ ကြေညာချက်များ ထုတ်ပြန် လာပြီး တရားဝင် အစိုးရအား ဖြုတ်ချ အာဏာသိမ်းခြင်းကို ကန့်ကွက်နေသည့် တက်ကြွလှုပ်ရှားသူများ၊ အစိုးရ ဝန်ထမ်းများ နှင့် နိုင်ငံရေး ခေါင်းဆောင်များ အား ဖမ်းဆီးရန် ကြိုးပမ်းလာမှု အပေါ် စိုးရိမ်ပူပန်ကြောင်း နှင့် မြန်မာပြည်သူများ၏ ဒီမိုကရေစီ အရေး၊ လွတ်လပ်ခွင့်၊ ငြိမ်းချမ်းသာယာဝပြောရေး ရရှိရန် ကြိုးပမ်းနေမှုများကို ထောက်ခံကြောင်း ကြေညာချက်ကို လက်မှတ်ရေးထိုး ထုတ်ပြန်လိုက်ကြသည်။
ကုလ လူ့အခွင့်အရေး အထူး သံတမန် တွမ် အင်ဒရူးမှ စစ်တပ်သည် “ပြည်သူများ အပေါ် စစ်ကြေညာသည့် လုပ်ရပ်” အဖြစ် ပြောဆိုလိုက်ပြီး ကမူးရှူးထိုး ဖြစ်လာသော ၎င်းတို့၏ လုပ်ရပ်များအတွက် အပြည့်အဝ တာဝန်ခံရလိမ့်မည်ဟု ဆိုသည်။
ဆက်သွယ်ရေး ဝန်ထမ်း များ အဆိုအရ အင်တာနက်ကို ည တစ်နာရီ မှ တနင်္လာနေ့ မနက် ကိုးနာရီ အထိ ဖြတ်တောက်သွားရန် ရှိသည်ဟု သိရသည်။
စစ်သားများက အိမ်များကို ညပိုင်းတွင် စတင်ဝင်ရောက် စီးနင်းခဲ့ကြသည်။ ဆန္ဒပြ ကန့်ကွက် မှုများ တွင် ခေါင်းဆောင်နေသူများ၏ အိမ်များကို ဝိုင်းထားခဲ့ကြသည်။ အားလုံးက ၎င်းတို့၏ မိုဘိုင်း ဖုန်းများကို ပိတ်ကာ တိမ်းရှောင်သွားကြသည်ဟု သိရသည်။ မနေ့ညက ပြည်သူတို့၏ အိမ်မက်ဆိုးများမှာ လက်တွေ့ ဖြစ်ပေါ်လာခဲ့ပြီ ဖြစ်သည်။
စစ်သားများသည် မြစ်ကြီးနား ရှိ ဓါတ်အားပေးစက်ရုံ တဝိုက်တွင် ဖြန့်ကျက် ချထားလာမှုကြောင့် လျှပ်စစ် ဓါတ်အား ဖြတ်တောက်ရန် ကြံစည်မှု ဟု ဆိုကာ ဖယ်ရှားပေးရန် ဆိုကာ လူထုနှင့် ထိတ်တိုက်ရင်ဆိုင်လာခဲ့ကြသည်။ စစ်သားများက လူအုပ်ကို ဖြိုခွဲရန် ပစ်ခတ်ခဲ့ကြသည်။ အဆိုပါ အရေးအခင်းကို တိုက်ရိုက် ထုတ်လွှင့်ပေးနေသော 74 Media မှ သတင်းသမား နှစ်ဦး အပါအဝင် အခြား သတင်းထောက် သုံးဦးကိုလည်း ဖမ်းဆီးခဲ့ကြသည်။
ရန်ကုန် နှင့် မန္တလေး မြို့ကြီးများ ရှိ ပြည်သူများက ၎င်းတို့ ရပ်ကွက်အချို့ကို အမည်မသိ လူများက မီးကွင်းများ ပစ်ကာ ထွက်ပြေးသွားကြသည်ကို နေရာအနှံ့ တွင် ထိတ်လန့်တကြား တွေ့လာခဲ့ကြရသည်။ အာဏာသိမ်း ခေါင်းဆောင်များက ၎င်းတို့အား ညဖက် အထိတ်တလန့် နှင့် အိပ်မရအောင် စိတ်ဓါတ်စစ်ဆင်ရေး ဆိုက်ဝါးများ ကျင့်သုံးလာနေကြခြင်း ဖြစ်သည်။ သို့သော် အစိုးရမှ ထုတ်ပြန်သော ကြေညာချက်တွင်မူ ပြည်သူများ လုံခြုံစိတ်ချစွာ အိပ်စက်နိုင်ရန် လုံခြုံရေး တပ်ဖွဲ့ဝင်များက နေ့ရော ညပါ တာဝန်ယူ ဆောင်ရွက်နေသည်ဟု ဆိုသည်။
သို့သော် နေပြည်တော်ရှိ အစိုးရ အိမ်ယာ များထဲမှ ဝန်ထမ်းများသည် အိမ်ပြတင်းပေါက်များထဲမှ ၎င်းတို့ အိမ်ယာများသို့ ချဉ်းကပ်လာနေသော စစ်သားများကို ချောင်းကြည့်နေကြသည်ဟု သတင်းများတွင် ဖေါ်ပြထားသည်။
ည ၁း၃၀ ခွဲခန့်တွင် နိုင်ငံ အတွင်း အင်တာနက် သုံးစွဲမှုသည် ၁၄% အထိ ကျဆင်းသွားသည်ဟု Netblock မှ ကြေညာချက် ထုတ်ပြန်လိုက်သည်။ တနင်္ဂနွေ့နေ့ မနက်ပိုင်းတွင် အစိုးရ မီဒီယာ သတင်းဌာနတခုကို ဟက်ကာ များမှ ထိုးဖောက် ဖျက်ဆီးခဲ့ပြီး ကြွေးကြော်သံများ ဝင်ရောက် ရေးသားခဲ့ကြသည်။
လက်ရှိတွင် ဘဏ်အလုပ်သမားများ၊ ဆရာဝန်များ၊ အစိုးရဝန်ထမ်းများက စစ်ကောင်စီ လက်အောက်တွင် အလုပ်လုပ်ရန် ငြင်းဆန်နေသဖြင့် အုပ်ချုပ်ရေး ယန္တယား တခုလုံး နည်းပါး ရပ်တန့်သွားပြီ ဖြစ်သည်။
တနင်္လာနေ့သည် တတိုင်းပြည်လုံးရှိ လူ ၅၂ သန်း အား ဆယ့်ငါးနှစ်ခန့် နောက်ပြန်ဆွဲ ခေါ်ရန် လုံးပမ်းနေသည့် အာဏာသိမ်း အဖွဲ့ကို ဆန့်ကျင်အာခံရေးတွင် အရေးကြီးဆုံးသော နေ့လည်းဖြစ်၍ စည်းလုံးညီညွတ်ကြဖို့ အရေးကြီးပေသည်။
၎င်း၏ အာဏာသိမ်းမှုကို နှစ်ရက် သုံးရက်ခန့် ကျိုးတို့ကျဲတဲ ဆန္ဒပြပြီး အဆုံးသတ်သွားလိမ့်မည်ဟု ထင်နေ ရှာသော မင်း အောင်လှိုင်သည် နိုင်ငံတဝှမ်း သန်းချီသော လူထုကြီး၏ ကိုးရက်မြောက်နေ့ ဆန္ဒပြပွဲကြီးနှင့် ရင်ဆိုင်ခဲ့ရပြီး ကမ္ဘာတဝှမ်း အရှက်ရစေမည့် စစ်အင်အားကို နောက်ဆုံး လက်နက်အဖြစ် ထုတ်သုံးရသည့် အခြေအနေ ဆိုက်ရောက်သွားခြင်းကပင် ပြည်သူတို့ အောင်ပွဲခံနိုင်ခဲ့ခြင်းပင် ဖြစ်သည်။
ထိုအကြောင်းများကို ပြည်ပ သတင်းမီဒီယာများက မြန်မာပြည်သူတို့၏ စစ်အာဏာသိမ်း အဖွဲ့၏ သန်းခေါင်ယံ လူဖမ်းပွဲများ၊ လူဆိုးလူမိုက်များ ရန်မှ ကာကွယ်ရန် အလှည့်ကျ ကင်းစောင့်ကြရပုံများကို ဝေဝေဆာဆာ ဖြင့် နေရာပေးကာ ဖေါ်ပြလာနေကြလေသည်။
မင်းအောင်လှိုင်၏ ရည်ရွယ်ချက်မှာ ရိုးသားစွာ လုပ်ကိုင်စားသောက်နေကြသော ပြည်သူများကို ဆူပူလိုသူများက စိတ်မထင်လျှင်မထင်သလို ဖမ်းဆီး ခေါ်ဆောင်ကာ နှိပ်စက်မှုများ နေရာအနှံ့တွင် ကျူးလွန်လာကြသဖြင့် မာရှယ်လော ကို ကြေညာပြီး၂၀၀၈ ဖွဲ့စည်းပုံကို ဖျက်သိမ်းလိုက်ရပြီဖြစ်သည်ဟု ဆိုပေတော့မည်။
ယင်းနှင့်အတူ စစ်တပ်က လမ်းများပေါ်တွင် တရားဝင် နေရာယူခွင့် ရလာတော့မည် ဖြစ်သဖြင့် ထိုခြေလှမ်းများကို အားလုံးက သတိကြီးစွာ ထားရမည်လည်း ဖြစ်သည်။
မင်းအောင်လှိုင်သည် ယခုအခါ အသက် အစိတ်ခန့်သာ ရှိသော မထင်မရှား ဗေဒင်ဆရာလေးတဦး၏ ရွတ်ဖတ်ပူဇော်သံကို CDM ထက်ပင် ထိတ်လန့်နေရှာသည်။ အဆိုပါ သတင်းသည် နိုင်ငံတကာ သတင်း စာမျက်နှာများပေါ်တွင် ပျံ့နှံ့နေပြီ ဖြစ်သည်။ သူ၏ အားနည်းချက်ကို ဗေဒင် နက္ခတ် ပညာရှင်များ အနေနှင့် အခွင့်အရေး အဖြစ် အသုံးချသင့်သည်။
နတ်ဝင်သည်များက ၎င်းတို့၏ ၃၇ မင်းနတ်အပေါင်း၏ မျက်နှာသည် ညှိုးရိပ်ထင်လာနေကြပြီး မင်းအောင်လှိုင်ကို ကျိန်စာတိုက်တော့မည် ဟု ကြွေးကြော်ကာ လူထု အုံကြွမှုကြီးတွင် ပါဝင်လာကြပြီဖြစ်သည်။
တရုတ် "ပင်လယ်စာ" များ အကူအညီဖြင့်မြန်မာတို့၏ လွတ်လပ်ခွင့်ကို ထိန်းချုပ်ရန် ကြိုးပမ်းလာနေကြသည်။
တဖက်တွင် နိုင်ငံသားများ၏ လွတ်လပ်ခွင့်ကို ဖျက်သိမ်းလိုက်သော ကြေညာချက်သည်လည်း လက်နက် ကိုင်များအဖို့ ရပ်ကွက်လူကြီးများ မပါဘဲ ကြိုက်သည့် အိမ်သို့ တက်ကာ စိတ်ရှိလက်ရှိ မွှေနှောက်ကာ လိုချင်သည်များကို ယူပိုင်ခွင့်ရှိသွားပြီဖြစ်သည်။ ၎င်းတို့လုပ်ရပ်ကို မည်သူကိုသွား၍ တိုင်တန်းလို့ ရနိုင် ပေဦးမည်နည်း။
ကိုမင်းကိုနိုင် အပါအဝင် ထင်ရှားကျော်ကြားသူ ခုနှစ်ဦးအားလည်း ဖမ်းဝရမ်းထုတ်လိုက်ပြီး ပြည်သူများက လက်ခံမထားရန်နှင့် သတင်းပေးရန် အထိ ပြောလာကြသည်ကို ကြည့်၍ ၎င်းတို့နှင့် ပြည်သူများမှာ ဘက်နှစ်ဖက် အဖြစ် ရပ်တည်နေကြသည်မှာ သိသာထင်ရှားလာရသည်။
ကိုမင်းကိုနိုင်မှ ယခုလာမည့် တပတ်သည် အဆုံးအဖြတ်ပေးမည် ဖြစ်၍ CDM ကိုတောင့်ခံထားရန် လိုသည်ဟု live လွှင့်၍ တိုက်တွန်းသွားခဲ့ပြီ ဖြစ်သည်။
CDM သည် လုံးဝ အောင်ပွဲခံနေပြီ ဖြစ်၍ ပါဝင်သူများကို ဖမ်းဆီးနေသည်ဟု သတင်းမှားများ ဖြန့်ချီပြီး လက်လှမ်းမီသလောက် အဖမ်းပြကာ ချောက်လှန့်မှု များ ဆိုက်ဝါးများ ပြုလုပ်လာနေကြသည်။
နိုင်ငံတော် အတိုင်ပင်ခံ၏ ဖမ်ဆီးထားသည့် ဝေါ်ကီတော်ကီ အမှုသည် တနင်္လာနေ့တွင် ကုန်ဆုံးတော့ မည်ဖြစ်သည်။ တဆက်တည်းလို ဖမ်းဆီးခံထားရသူ အရည်အတွက်သည် ၃၈၄ ဦးအထိ မြင့်တက် လာနေသည်။
တနင်္ဂနွေနေ့တွင် တိုကျို မြို့လယ်ခေါင်ရှိ လူစည်ကားရာ အရပ်ဖြစ်သော ရှီဘူရား နှင့် အိုမိုတက်ဆန်ဒို တွင် လူပေါင်း ၄,၀၀၀ ခန့်သည် "ကျွန်တော်/ကျွန်မတို့ကို ကူညီပြီး မြန်မာပြည်ကို ကယ်တင်ပေးကြပါ" နှင့် "လူသားများ အပေါ် ကျူးလွန်နေသော ရာဇဝတ်မှု များ ရပ်" ဆိုသော ဆိုင်းဘုတ်များ ကိုင်ဆောင်ပြီး ငြိမ်သက်စွာ စီတန်းလှည့်လည်ခဲ့ကြသည်။
အမေရိကန် နှင့် အနောက်နိုင်ငံသားများ၏ ကြေညာချက် အရ ၎င်းတို့၏ နိုင်ငံသားများကို ကယ်တင်ရန် ဆိုကာ ဝင်ရောက်လာနိုင်ရန် ပြင်ဆင်နေလောက်ပြီ ဖြစ်သည်။
အရေးတော်ပုံ အောင်ရမည်!!!#Hla Soe Wai
ဘာတန် လစ်တနာ ပြောသော Gen-Z တို့၏ အောင်ပွဲ
အာဏာသိမ်း ခေါင်းဆောင် မင်းအောင်လှိုင် သည် လူငယ်များ၏ ဒေါသမာန်ကို ကြိုတင် တွက်ဆထားခဲ့ခြင်းမရှိ သည်မှာ လုံးဝ သိသာ ထင်ရှားလာနေရသည်။ ယခုအခါ Gen-Z လူငယ်များ ဦး ဆောင်သည့် နိုင်ငံအနှံ့ လမ်းပေါ်ဆန္ဒပြပွဲ များ အရှိန်အဟုန် နှင့် ဖြစ်ပွားနေသည်ကပင် နောက်တကြိမ် အာဏာပြန်ရလာသော စစ်ဗိုလ်ချုပ်ကြီးများအဖို့ ခေတ်မှီ တိုးတက်လာမှုများအား မည်မျှ အထိ လိုက်မမီ ဖြစ်လာနေသည်ကို ထုတ်ဖေါ်ပြလိုက်သလို ဖြစ်သွားခဲ့ရ ပေသည်။
မင်းအောင်လှိုင်သည် ရုပ်မြင်သံကြားရှေ့ ပထမဦးဆုံး အကြိမ် ထွက်လာခဲ့သည့် ဖေဖေါ်ဝါရီ ၈ ရက်နေ့တွင် စိုးရိမ်စိတ် ရှိနေပုံရသော်လည်း ယုံကြည်မှု အပြည့်ရှိနေ သည့် အသွင် တွေ့ရသည်။ ထိုအချိန်တွင် တွင် တနိုင်ငံလုံးသို့ ဆန္ဒပြမှုများ ပျံ့နှံ့လာနေပြီလည်း ဖြစ်သည်။
ထိုဆန္ဒပြပွဲများက ၁၉၈၈ တုန်းကလို လက်နက်မဲ့ လူအုပ်ကြီးထဲသို့ စစ်သားများက အော်တိုမက်တစ် ရိုင်ဖယ်များ ဆွဲမွှေ့ကာ ပြစ်ခတ်၍ နှိမ်နှင်းလို့ ရမည့် ခေတ်မ ဟုတ်တော့၊ ၂၀၀၇ တုန်းကကဲ့သို့လည်း စစ်သားများကို သုံး၍ ရိုက်နှက် နှိမ်နှင်း၍ လည်း မဖြစ်နိုင်တော့ပြန်ပေ။
Gen-Z လူငယ်များ ဆိုသည်ကား ဆိုရှယ် မီဒီယာ နှင့် အင်တာနက် ခေတ်ကြီးတွင် လူဖြစ် မွေးဖွားလာကာ မည်သို့ အသုံးချရ မည်ကို ကျွမ်းကျင်စွာ သိနားလည်ထားကြ သော "ဒီဂျစ်တယ် ဌာနေ" တိုင်းရင်းသားများပင် ဖြစ်သည်။
Gen - Z တို့သည် သတင်းများအား ပိတ်ဆို့ထားမှုကို ကျော်လွှားနိုင်ခဲ့ယုံမျှမက လူထု လှုပ်ရှားမှုကြီး ဖြစ်ပေါ်လာအောင် ဟောင်ကောင် နှင့် ထိုင်းနိုင်ငံတို့မှ လှုပ်ရှားတက်ကြွသူများနှင့် နေ့စဉ်လို ထိတွေ့ဆက်သွယ်ကာ ၎င်းတို့၏ အကူအညီဖြင့် စည်းရုံးဦးဆောင်လာနိုင်ခဲ့သည်။
ယခုလာမည့် တနင်္လာနေ့သည် ဒီမိုကရေစီ နည်းလမ်းဖြင့် ရွေးချယ်တင်မြှောက်ထား သည့် အစိုးရအား စစ်တပ်မှ ဖြုတ်ချခဲ့သည်မှာ နှစ်ပတ်တင်းတင်း ပြည့်မည့်နေ့ လည်း ဖြစ်ပေသည်။ သို့သော် အမျိုးသမီးငယ်လေးများစွာ ပါဝင်သည့် နည်းပညာ ကျွမ်းကျင်သော လူငယ်တက်ကြွလှုပ်ရှား သူများ ဦးဆောင်သည့် လူထုဆန္ဒပြပွဲများ ကတော့ စစ်တပ်၏ ခြိမ်းခြောက်မှုများ ကြားမှ အရှိန်လျော့ကျသွားမည်ကား မဟုတ်ပေ။ လျော့ကျမသွားသည့်အပြင် မြန်မာပြည်ရှိ မြို့နယ် ၃၃၀ အနက် မြို့နယ်ပေါင်း ၂၀၀ ကျော်တွင် အင်အား ကောင်းသည်ထက် ကောင်းလာနေပြီ ဖြစ်သည်။ ထိုမြို့နယ် များရှိ ပြည်သူလူထုက ၂၀၂၀ ရွေးကောက်ပွဲတွင် အမျိုးသား ဒီမိုကရေစီ အဖွဲ့ချုပ် မှ သောင်ပြိုကမ်းပြို အနိုင်ရရှိ ခဲ့သည်ကို စစ်တပ်မှ မသမာသော နည်း ဖြင့် အနိုင်ရရှိမှုဟုဆိုကာ လုပ်ကြံဇာတ်ခင်းလာသည်များကို တညီတညွတ်တည်း လက်မခံ ဆန့်ကျင်လာနေကြပြီ ဖြစ်သည်။
အမျိုးသား ဒီမိုကရေစီ အဖွဲ့ချုပ်သည် နောက်ထပ် ငါးနှစ် သက်တမ်းအတွက်ဒုတိယအကြိမ် အစိုးရ ဖွဲ့ခွင့် ရရှိထားပြီး ဖြစ်သည်။
သို့သော် လူငယ်များအဖို့က NLD နှင့် အဖမ်းဆီးခံထားရသော ခေါင်းဆောင်ဖြစ်သူ ဒေါ်အောင်ဆန်းစုကြည် အတွက်ကြောင့်သာ မဟုတ် ပြင်ပကမ္ဘာသို့ စတင် တံခါးဖွင့်ပေးခဲ့သည့် ၂၀၁၂ မှစ၍ ရရှိလာခဲ့သော ၎င်းတို့၏ လွတ်လပ်စွာ ထုတ်ဖေါ် ပြောဆို နိုင်ခွင့်ဆုံးရှုံးရတော့မည့် အရေးအတွက် ရုန်းကန်တိုက်ပွဲဝင်နေခြင်းလည်း ဖြစ်သည်။
ယခုအခါ စစ်တပ်သည် ဆိုက်ဘာ လုံခြုံ ရေး ဟုဆိုကာ ပြင်းထန်လှသော ဥပဒေကို ပြဠာန်းကာ ဆင်ဆာ လုပ်မည့် စနစ်ကို ပြန်လည်သွတ်သွင်းချင်လာကြ သည်။ ထိုဥပဒေဖြင့် ဆိုရှယ်မီဒီယာ ကွန် ယက်များသည် ၎င်းတို့ တောင်းဆိုသည့် လူများ၏ ကိုယ်ရေး အချက်အလက်များ ကို ထုတ်ပေးရတော့မည် ဖြစ်သည်။
သို့သော် Gen-Z များနှင့် တက်ကြွလှုပ်ရှားသူများသည် ဆင်းကပ်အမျိုးမျိုး နှင့် VPN ကွန်ယက်များသုံးကာ စစ်တပ်၏ ထိရောက်မှု မရှိသော လူမှုကွန်ယက်များကို ပိတ်ပြစ်ခြင်းနှင့် ဝင်ရောက်ခွင့် ကန့်သတ် လာမှုများကို ဖေါက်ထွက်နိုင်ခဲ့ကြသည်။
ထိုသို့ ဖေါက်ထွက်နိုင်ခဲ့သည့် လမ်းကြောင်းများမှတဆင့် ရဲအဖွဲ့၏ ရက်စက်ကြမ်းကြုတ်စွာ ပြုကျင့်နေမှုများကို ဖြန့်ဖြူးပေးနိုင်ခဲ့ကြသည်။ အခကြေးငွေပေး၍ ငှားရမ်းထားသော လူမိုက်များ တုတ်ဓါးများ ကိုင်ကာ ထရပ် ကားများပေါ်မှ ဆင်းလာကြသည့် မြင် ကွင်းကို ကားရှေ့မှန်မှတဆင့် အမိအရ မှတ်တမ်းတင်နိုင်ခဲ့ကြသည်။
အင်းလေး ကန်ရေပြင်တွင် အသံချဲ့စက် များ၊ သစ်သား ဆိုင်းဘုတ်များ ကိုင်ကာ လှည့်လည် ဆန္ဒပြနေသည့် မြင်ကွင်းများကလည်း ဆိုရှယ်မီဒီယာများတွင် ပျံ့နှံ့ သွားခဲ့ရပြန်သည်။ အလားတူ တရုတ်နယ်စပ်မြို့ ဖြစ်သည့် နမ်းခမ်းတွင် မော်တော်ဆိုင်ကယ် ယာဉ်တန်းရှည်ကြီးများဖြင့် အာဏာသိမ်း ဆန့်ကျင်ဆန္ဒပြမှူအားလည်း မြင်တွေ့ခွင့်ရခဲ့ပြန်သည်။ မကွေးနှင့် လွိုင်ကော်တွင် ရဲအဖွဲ့ဝင်များ ဆန္ဒပြသူများနှင့် ပူးပေါင်းလာသည်ကို လည်း သိရှိနိုင် ခဲ့ကြသည်။
Gen-Z လူငယ်များသည် ဖန်တီးနိုင်သည့် အတွေးအခေါ်ရှိသူများ ဖြစ်သည်ဟု အနည်းဆုံးတော့ ပြောလို့ရပေသည်။ စစ်တပ်မှ လူငါးဦးထက် ပို၍ မစုဝေးရ အမိန့်ထုတ်ထားသည်ကိုပင် လူငါးဦး တစု စည်းဝိုင်းများ ပြုလုပ်ပြီး မလှမ်းမကမ်းတွင် ခြား၍ ထိုင်ကာ တုန့်ပြန်ခဲ့ကြသည်။ ထိုစည်းဝိုင်းများက တမြို့လုံး အနှံ့ ဖြစ်လာခဲ့သည်။
လူငယ်များက တစ္ဆေသူရဲ အသွင် ဝတ်ကာ "စစ်တပ်သည် ကျွန်တော်တို့ထက် ပိုကြောက်ဖို့ကောင်းသည်" ဟု စာတမ်းများ ကိုင်ဆောင်လာကြပြန်သည်။ အလှမယ်ပြိုင်ပွဲ ဝင်သူများကဲ့သို့ အဝတ်အစား ရောင်စုံများ အပြိုင်ဝတ်ကာ အာဏာရ ဗိုလ်ချုပ်ကြီးများကို လှောင်ပြောင်သရော်ခဲ့ကြသည်။
တောင်ပြုန်းပွဲတွင် ဝတ်ဆင်ထားသည့် နတ်ဝတ်နတ်စားများဖြင့်လည်း စီတန်း လှည့်လည်ခဲ့ကြပြန်သည်။ နတ်ဝင်သည် များကလည်း မင်းအောင်လှိုင်နှင့် ဗိုလ်ချုပ် ကြီးများကို ဖယ်ရှားပေးရန်နှင့် မကောင်းသော နမိတ်ဆိုးများ ကျရောက်စေရန် နတ်ပွဲများ ပြုလုပ်လာကြသည်။
လောကီ ပိုင်းတွင်လည်း ဆေးရုံဝန်ထမ်းများက သပိတ်တွင် ပါဝင်လာကြပြီး လူထု၏ ကျန်းမာရေး ပိုင်း မနစ်နာရ အောင် တဖက်က အထူးဂရုတစိုက် စီမံခဲ့ ကြသည်။ ဘုန်းကြီးကျောင်းများထဲတွင်ပင် လူနာများကို ကုသပေးခဲ့ကြသည်။
စက်ရုံများနှင့် သတ္ထုတွင်း အလုပ်သမား များလည်း စီဒီအမ်ဟု အတိုကောက်ခေါ် သည့် မြို့ပြအာဏာဖီဆန်ရေး လှုပ်ရှားမှု တွင် ပါဝင်လာကြသည်။
ထိုသို့ ဆို၍ ၎င်းတို့၏ လှုပ်ရှားမှုများသည် ပျော်စရာအတိပြီးနေသည်ဟု ပြောလိုချင်းမဟုတ်ပေ၊ ဖေဖေါ်ဝါရီ ၉ ရက်နေ့တွင် နေပြည်တော်၌ ရဲများ၏ ပစ်ခတ်မှုကြောင့် အသက် ၁၉ နှစ် အရွယ် အမျိုး သမီးငယ်လေးတဦး ဦးခေါင်းတွင် ကျည်ဆံထိမှန်ခဲ့ရပြီး ယခုအချိန်အထိ ဆေးရုံ တွင် အသက်လုနေရဆဲ ဖြစ်သည်။
ဆိုရှယ်မီဒီယာများပေါ်၌ တွေ့ရသော ဗီဒီယို ကလစ်များတွင် ဒေါသထွက်လာ သော ဆန္ဒပြသူများက ရဲကားများအား ကျောက်ခဲများဖြင့် ပြစ်ပေါက်နေသည်ကို တွေ့ခဲ့ရသည်။ ရဲများ တားထားသော စည်းများနှင့် ရေ အမြှောက်ကားများပင် နောက်သို့ ဆုတ်သွားခဲ့ရသည်။ ရေအမြောက်ကားများ ရှိနေခြင်းကပင် Gen-Z လူငယ်များအား ကိုယ်ထိလက်ရောက် ကျုးလွန်ရန် ပစ်မှတ်ထားလာခြင်းပင် ဖြစ်သည်။
လုံခြုံရေးတပ်ဖွဲ့များ၏ ကားများတွင် တရုတ်မှ ထောက်ပံ့ထားသော ထောက်လှမ်းရေး ကင်မရာများ၊ ပိုက်ခေါင်းများစွာပါရှိသော ရေပိုက်များ တပ်ဆင်ထားသည်ကို တွေ့ရသည်၊ ဟောင်ကောင် ဆန္ဒပြသူများကို ဖြိုခွင်းရာတွင် အသုံးပြုခဲ့သည့် ပစ္စည်းများနှင့် တပုံစံ တည်း ဖြစ်နေသည်။
ရန်ကုန်ရှိ တရုတ်သံရုံးရှေ့တွင်လည်း ဆန္ဒပြသူများ စုရုံးရောက်ရှိလာကြသည်။ အတော်များများက ရော်ဘာကျည်ဆံများရေပိုက်များထက်ပို၍ အင်အားအသုံးပြုလာမည့် အရေးကို စိုးရွံ့လျက် ရှိနေကြသည်။ ဖေဖေါ်ဝါရီ ၁၂ ရက်နေ့တွင် မင်းအောင်လှိုင်သည် နိုင်ငံတဝှမ်းရှိ အကျဉ်းထောင်များမှ ထောင်သား နှစ်သောင်းကျော်ကို လွှတ်ပေးလိုက်ပြီ ဖြစ်သည်။
၎င်းတို့အား ဆန္ဒပြသူများကို နှိမ်နှင်းရာ တွင် အသုံးပြုမည်လော၊ သို့တည်းမဟုတ် တနိုင်ငံလုံး တွင် ကသောင်းကနင်းများဖြစ် အောင် ဖန်တီးမည်လား ဆိုသည်က ရှင်းရှင်းလင်းလင်း ထွက်ပေါ်မလာသေးပေ။ သို့သော် ထိုကဲ့သို့ ဖြစ်ရပ် များက ၁၉၈၈ တွင် အတိအကျ ဖြစ်လာခဲ့ပြီး ဖြစ်သည်၊ သေချာသည်က အာဏာပိုင်များက ဆန္ဒပြ ခေါင်းဆောင်ဟု ယူဆနေသူများကို ပြစ်မှတ်ထားနေခြင်းပင် ဖြစ်သည်။
အဖမ်းအဆီးများက NLD အမတ်များ၊ နိုင်ငံရေးသမားများကိုသာမကပဲ အင်တာ နက်ကို အန္တရာယ်ကင်းစွာ မည်သို့ အသုံးပြုရမည်ကို လူငယ်များအား သင် ကြားပြသနေသူများကိုပါ ပြစ်မှတ်ထား လာကြသည်။
ထိုအထဲတွင် အထင်ရှားဆုံး က စစ်ကိုင်းတိုင်း ဒေသကြီး ကွန်ပြူတာ ပညာရှင်များ အသင်းဥက္ကဌ ဖြစ်သူ ကိုဇော်သူရိန်ထွန်းပင် ဖြစ်သည်။ ၎င်းသည်ထင်ရှားသော တက်ကြွလှုပ်ရှားသူ တဦးလည်း ဖြစ်သည်။ သို့သော် အိမ်နီးချင်းများ နှင့် ဆွေမျိုးများ အကူအညီဖြင့် တိမ်းရှောင်သွားနိုင်ခဲ့သည်။
လက်ရှိတွင် နိုင်ငံရေး အကျဉ်းသားများ အကူအညီပေးရေး အဖွဲ့၏ စာရင်းအရ ဖမ်းဆီးခံထားရသူ အနည်းဆုံး ၂၀၀ ခန့် ရှိနေပြီ ဖြစ်သည်။
ယခုအချိန်အထိတော့ အာဏာသိမ်းအဖွဲ့ သည် ဆန္ဒပြမှုများကို နှိမ်နှင်းရန် ရဲတပ်ဖွဲ့ဝင်များကိုသာ စေလွှတ်ထားဆဲဖြစ်သည်။ ၎င်းတို့နှင့် မအောင်မြင်ပါက ထိခိုက်သေ ကြေရန် အင်အား အသုံးမပြုဟု အတတ် မပြောနိုင်ပေ၊ ထိုသို့ ဖြစ်လာခဲ့လျင်လည်း ၁၉၈၈ နှင့် ၂၀၀၇ များကလို ဖြစ်လာမည် တော့ မဟုတ်ပေ။
၁၉၈၈ တွင် ၎င်းတို့ သတ်ဖြတ်နေသည့် မြင်ကွင်းများကို မှတ်တမ်းတင်နိုင်ခဲ့သည့် ဓါတ်ပုံသမား အနည်းငယ်မျှသာ ရှိခဲ့သည်။ ရိုက်ကူးခဲ့သော ဖလင်လိပ်များကိုလည်း ထိုင်းသို့ ခိုးကြောင်ခိုးဝှက် သယ်ယူကာ ကူးဆေးခဲ့ရသည်၊ ၂၀၀၇ တွင် မြန်မာ၌ အင်တာနက် အသုံးပြုနေပြီ ဖြစ်သော်လည်း မီဒီယာကို အမှောင်ချထားခဲ့ မှုကြောင့် အကန့်အသတ်နှင့်သာ သုံး၍ရ သေးသည်။ အချို့ကိုသာ ပြင်ပကမ္ဘာသို့ ပို့ပေးနိုင်ခဲ့သည်။
ယခုအခါတွင်တော့ စစ်တပ်မှ သွေးထွက် သံယို ဖြစ်အောင် ပြစ်ခတ်လာပါက အသေးစိတ်ကို စနစ်တကျ မှတ်တမ်းတင် နိုင်ယုံတွင်မက ပြင်ပကမ္ဘာသို့ ချက်ခြင်း လို ပျံ့နှံ့သွားအောင် စွမ်းဆောင်နိုင်တော့ မည်လည်း ဖြစ်သည်။ မင်းအောင်လှိုင်နှင့် အပေါင်းအပါ ဗိုလ်ချုပ်ကြီးများအဖို့က ၎င်းတို့၏ အထက်လူကြီးများကို ရင်ဆိုင် စရာ မလိုသော်လည်း တစုတစည်းတည်း ဖြစ်လာသော Gen-Z မျိုးဆက်သစ်များ နှင့် အနိုင်ကျဲကြရပေတော့မည်။
(၂၀၂၁ ဖေဖေါ်ဝါရီ ၁၂ ရက်နေ့ Asia Times တွင်ပါရှိသော ဘာတန်လစ်တနာ၏ "Myanmar generals blindsided by Gen Z protest" ဆောင်းပါးကို ပြန်ဆိုသည်)#creadit:Hla Soe Wai
စိတ်၏အထားအသိုများ
လောကကြီးရဲ့တရားအရ အမှန်တကယ် လိုအပ်တဲ့အရာကိုသာ ဖြေးဖြေးမှန်မှန်အားထုတ်ရယူခြင်းက ငါ့ဘဝရဲ့ အဓိပ္ပါယ်ကို ပိုလေးနက် စေတယ်ဆိုတာ ငါ စောစောစီးစီး သိခဲ့ရင် ကောင်းမှာ။ ငါ့ ထပ်ပြီး အဆုံးရှုံးမခံနိူင်ပါဘူး။ ငါဟာ အဲဒီစိတ်နဲ့ အတင်းအကျပ်နှစ်ပါးသွားရင်း အချိန်တွေ လုံးပါးပါးခဲ့ရသူပါ။ အတိအကျပြောပြရရင်တော့ ငါ့စိတ်ဟာ အလွန်မှနားလည်ရ ခက်လှလွန်းနေတာပါ။ တစ်ခါတစ်လေမှာ လူတွေနားမလည်နိူင်တဲ့ ငါ့ရဲ့စိတ်ကို ငါကိုယ်တိုင်တောင် နားလည်၇ပြန်ခက်ခဲနေတာလည်း ငါဝန်ခံရမှာပဲ။ တစ်ခါတစ်ခါမှလည်း ငါဟုတ်နေသလိုလို၊ ငါမဟုတ်သလိုလိုနဲ့ အလွန်မှထူးဆန်းတဲ့ သတ္တဝါတစ်ကောင်ပုံ ပေါ်က်နေသလိုလည်း ငါ့ဟာငါ ပြန်ခံစားမိပါတယ်။ ဒါကြောင့်ပဲ ငါဟာ ဒီလို စိတ်ချို့ယွင်းမူ တစ်ခုထဲမှာ ငါ့ကိုယ်ငါ ပြန်ရှာကြည့်နေမိတော့တာပေါ့။ အဲဒီ ရင်းမြစ် အကြောင်းတ၇ားဟာ အလွန်မှ အပုန်းကောင်းတဲ့အ၇ာတစ်ခုလိုမျိုးပဲ။ ငါ ရှာတွေ့ဖို့ ခက်ခဲလွန်းတယ်။ ငါ စွန့်ထားခဲ့မိတဲ့ နံနက်ခင်းတွေထဲမှာလည်း အော်ဟစ်နေတဲ့ ငါ့အသံကို ငါကောင်းကောင်းပြန်ကြားရရင်တောင် ငါဟာ ငါမဟုတ်တော့သလို ထပ်ခံစားကြည့်နေပြန်တယ်။ တစ်ခါတလေကျပြန်တော့လည်း ငြိမ်ငြိမ်လေးထိုင်ပြီး လူဆိုတာ မာနတွေ၊အတ္တတွေနဲ့ ထုဆစ်ထားတဲ့ ဖယောင်းရုပ်တွေပဲလို့ စဉ်းစားကြည့်မိပြန်ရော။ ပြီးရင်တော့ အရာအားလုံး ငါ ဆုံးရှုံးသွားခဲ့ရပြီးပြီပဲလို့ မရေရွတ်ချင်သလိုလိုနဲ့ ငါရွတ်ဆိုနေမိတယ်။ အချိန်တွေ ကြာလာတော့လည်း ငါ့အတ္တကို ငါထမ်းထားရတာ မောလာသလိုလို ခံစားလာရပေါ့။ အဝေးမှာ ပြတ်ကျကျန်ခဲ့ပြီးဖြစ်တဲ့ နေဝင်နေထွက်မရှိသော ရင်ခုန်သံပြတိုက်တစ်ခု၊ ပြီးတော့ အဆုံးမရှိ၊ အစလည်းမရှိတဲ့ ခရီးလေးတစ်ခု ဒါမှမဟုတ် နယ်မြေလေးတစ်ခု ၊ ပြီးတော့ မြို့ရွာဒေသ အမည်များ သိပ်နီးနေသလိုလိုလည်း ပြန်ခံစားလာရပေါ့။ ဒီလို သတိတရဖြစ်မိတာနဲ့ ငြိမ်ငြိမ်လေးထိုင်ပြီး ငါဟာ ညင်သာလွင့်ပါးသွားတဲ့ နှင်းရဲ့ ခြေသံတွေကို နားစွင့်နေခဲ့ရတာပေါ့။ ငါ့အတွက်တော့ အလွန်မှထူးဆန်းတဲ့ နှင်းတွေပေါ့။ သူနဲ့့စကားပြောဖြစ်ခဲ့ရင်တော့ ငါရှာဖွေနေတာဟာ ငါဘေးမှာ ပြန့်ကြဲကျလာသလိုမျိုးကို ဖြစ်လိမ့်မယ်ထင်မိရဲ့။ အထီးကျန်ဝေဒနာဆိုးတွေနဲ့တော့ ငါ ပြန်မအိပ်စက်ချင်လှပါဘူး။ ဘယ်လိုလုပ် အိပ်နိုင်တော့မှာလဲ။ အားအင်ပြတ်တောက်မူတွေနဲ့ ငါဟာ ရေဓာတ်ခမ်းခြောက်နေတဲ့ စမ်းချောင်းအိုတစ်ခုပဲ မှတ်လား။ သစ်ရွက်တစ်ရွက် ဖျတ်ခနဲ ကြွေသွားခဲ့သလိုမျိုးပဲပေါ့ ငါ့ရဲ့ အချိန်ကာလတွေခမျ ပူပင်ခြင်းနဲ့အတူ အားလုံး စုပုံမီးရှို့ဖျက်စီးပစ်လိုက်မှ မျက်နှာစာအသစ်မှာ စိုက်ခင်းတစ်ခု ဖြစ်တည်လာနိူင်မှာ။ ကုစားခြင်းထဲမှာ အဝေးပြေး လမ်းမပေါ်လည်း ငါ ထပ်မလျှောတ်ဖြစ်ခဲ့၊ နာကျင်ခဲ့ရသမျှကို အသေးစိတ် မှတ်တမ်းတင်ဖို့လည်း ငါမလိုလား၊ ပြန်လာမယ်လို့ ပြောခဲ့သူများလည်း ငါမစောင့်မျှော်ချင်တော့။ ငါ ပျက်ကွက်ခဲ့တာတွေအတွက် ငါပျောက်ကွယ်ပေးခဲ့ပြီးပြီမို့ ငါ ထပ်ပြီး ကျိုးကြေနေဖို့ မလိုတော့ဘူး ထင်မိရဲ့လေ။ ဒီထက် ထပ်ဖျော့စရာမရှိတော့တဲ့ မီးခိုးရောင်တိမ်မျှင်တွေလိုမျိုးပဲ၊ ကောင်းကင်တစ်ခုလုံးနဲ့ယှဉ်ရင် ပြောစမှတ် ဖြစ်လောက်တာမှ မဟုတ်တာပဲလေ။ ဒီတော့လည်း တစ်စုံတစ်ရာ ရှာဖွေနေတဲ့ ငါဟာ ရုတ်တရတ် နေရောင်ခြည်ထိုးခံလိုက်ရသလိုမျိုး တဖျောက်ဖျောက်လင်းလက်တဲ့ ခံစားမူကို ရဖို့ မျှော်လင့်ချက် ထားနိူင်ရမှာပေါ့။ ကြမ်းပြင်ပေါ် အရုပ်ကြိုးပြတ်ကနေ ငါ့ခြေထောက်တွေက တာရိုးမရှိတဲ့ မြစ်တစ်စင်းဆီ ချက်ချင်း ငါ့ကိုဆွဲခေါ်ထုတ်သွားကြတာ။ တငြိမ့်ငြိမ့်လေးနဲ့ရယ်။ နွေလို လူတစ်ယောက်အဖြစ်ဟာ လှပနေတဲ့ မေတ္တာ၊ အလင်းရောင်အောက်မှာ ထပ်ပြီး လှပနိူင်စရာ ရှိနိူင်ဦးမှာပဲ။ လူ့ဘ၀ဟာ ခါးတယ်ဆိုတဲ့အကြောင်းတောင် ငါ မေ့ကောင်းမေ့သွားနိူင်သေးတယ်။ တွေ့ ရှိမူအတွတ် ငါဟာ လူသားအသစ်တစ်ယောက်အဖြစ် ပြန်လည်နိူးထလာရတယ်။ ချစ်ခင်မြတ်နိူးမူရဲ့ အဆုံးမှာ ကောင်းကင်ဟာ တစ်နေ့နေ့တော့ သူ့ကျယ်ပြန့်မှုအတိုင်းအတာကြားကနေ မြူနှင်းကို ငါဆီ ဆောင်ယူခဲ့ပေးမှာပဲ။ လွမ်းဆွတ်မှုတွေထဲက ရုန်းကန်ခဲ့ရင်း မီးတောက်တပွင့်က လှပမူပုံစံတစ်မျိုးနဲ့ နောက်ထပ် ကမ္ဘာတစ်ခုမှာ ငါ့ကို ပြန်စီးဆင်းခိုင်းနေသလိုပဲမို့ ငါ့အတွက် တကယ် အတိုင်းထက်အလွန်ပဲလို့ ထင်မိတယ်။ ငါ့ရဲ့ စိတ်ချို့ယွင်းမူကိုတော့ လက်ကျန်အသက်နဲ့ လူတစ်ယောက်လိုမျိုး စစ်မှန်မူရှိတဲ့ အချစ်အကြောင်း တဖွဖွပြောရင်း ငါ့ရဲ့အနားသတ်မျဉ်းတလျှောက်လုံးကို လတစ်စင်းလို ငါ အကြိမ်ကြိမ်လင်းပြလိုက်နိူင်ရင်း ပျောက်ကင်းသွားမယ်ဆိုတာ ငါယုံကြည်မူအသစ်တစ်ခုပဲပေါ့။
1:45AM
Jan5.2021
Minsetwai
ညကဗျာနှင့်အထီးကျန်အက်ဆေးများ-6
သင်းကွဲ၏အပ်ဖျားများ...
ငါက သင်းကွဲတစ်ကောင်ပါ လီယိုနက္ခတ်နဲ့ ကောင်မလေးရေ။ ငါလိုသင်းကွဲရဲ့ အထီးကျန်ဆန်ဆန် လမ်းတွေကိုမှ မင်းရဲ့နားလည်ခြင်းတွေက မနက်ခင်းအသစ်စက်စက်တွေလိုမျိုး အနားမှာ ဖူးပွင့်လိုဝေဆာပြနေတာ ငါအံသြရလွန်းတဲ့အရာပဲပေါ့။ ဒီအတွက်ကိုပဲ၊ ငါ စိုးရိမ်ပူပန်နေမိတာပါ။ ငါရဲ့ တွယ်တာမူထဲမှာ မင်းလည်း ထိခိုက်ဒဏ်ရာ မဖြစ်စေရအောင် ငါဘယ်လိုနေထိုင်ဖြစ်တည်နေသင့်သလဲလို့ ငါကိုယ်တိုင် ပြန်စဉ်းစားနေခဲ့ရသူပါ ။
လီယိုနက္ခတ်နဲ့ ကောင်မလေးရေ..
တကယ်တော့...ငါ့ဘဝမှာ လိုအပ်တာတွေ အများကြီးရှိနေတာကို မင်းရိပ်စားမိသေးသလား။ ငါက လိုချင်တာ တစ်ခုကို ဇွတ်အတင်းကြိုးစားလေလေ ငါပဲ အမှန်တရားနဲ့ဝေးလေလေ ဖြစ်ခဲ့ရတဲ့ကောင်မျိုးပါ။ ဒါပေမယ့် လောကမှာ တစ်ချို့တစ်ဝက်ကိုတော့ ငါ မှတ်သားဖြစ်ခဲ့မိပါတယ်။ ပြီးတော့ အချစ်မေတ္တာဆိုတာ နှစ်သက်မြတ်နိူးဖွယ်ကောင်းတဲ့ စကားဖြစ်သလို လူတွေ ပေါ့ပေါ့တန်တန်သုံးစွဲတဲ့ စကားလည်း ဖြစ်တယ်လို့ ဆရာဦးအေးမောင်ရဲ့ စိတ်ပညာနှင့်ကိုယ်ကျင့်တရားစာအုပ်မှာလည်း ဖတ်ခဲ့ရပြန်သေးတယ်။ ငါနဲ့ဝေးနေတဲ့ အမှန်တရားကို ငါမတောင့်တလိုသော်လည်း ငါတော့ ချစ်ခြင်းမေတ္တာနဲ့ပတ်သက်တဲ့စကားမျိုးကိုတော့ ပေါ့ပေါ့တန်တန် မပြောဆိုတတ်တာ အမှန်ပါ။ အဲဒါကပဲ ငါရဲ့ဗီဇလို့ ဆိုနိူင်ပါတယ်လေ။
မင်းတော့ ငါလို အထီးကျန်ဆန်တဲ့ သင်းကွဲမဖြစ်နိူင်တာ ငါ့မသိစိတ်ထဲထိ အရိုးစွဲနေသလိုကို မြင်ရပါတယ် လီယိုနက္ခတ်နဲ့ ကောင်မလေးရယ်။ ငါနဲ့လူတွေကြားမှာ အရမ်းခက်ခဲတဲ့ကိစ္စကတော့ လတစ်ဦးတစ်ယောက် ယုံကြည်လာစေဖို့အတွက် ယုံကြည်အောင်လုပ်ပြဖို့ဆန္ဒငါ့မှာခေါင်းပါးနေခြင်းပါပဲ။ သူတို့အနေနဲ့ င့ါကို မုန်းမယ်ဆိုလည်း တစ်ဖက်ကမ်းခတ် ရောက်အောင်မုန်းနေပါစေ။ ငါ့အနား မနေချင်လို ထွက်သွားကြမယ်ဆိုရင်လည်း ပြန်လှည့်မလာနိူင်လောက်တဲ့ထိ အဝေးတကာ့ အဝေးဆုံးရောက်အောင် သွားနေကြပါစေ။ ငါတော့ဖြင့် ငါ့ကိုယုံကြည်လာအောင် ဘယ်တော့မှ မလုပ်ပြတတ်တဲ့ကောင်ပါပဲကွယ်။ ဒါဟာ သင်းကွဲတစ်ကောင်ရဲ့ တစ်လွဲမာနလို့ မင်း ယူဆလို့ ရပါတယ်။ ဒါပေမယ့် ငါ့အထီးကျန်ခြင်းတွေနဲ့တော့ မင်းညကို သံယောဇဉ် မဖြစ်ထွန်းစေချင်မိဘူးကွယ်။ ငါ ဘာကိုဆိုလိုမှန်း မင်းသိမှာပါ လီယိုမလေးရယ်။
ငါဟာ လူငယ်လေးတစ်ယောက်ဘဝကို ကျော်လွန်းလာခဲ့တာ အတော်ကိုကြာပြီပေါ့ လီယိုမလေးရယ်။ ငယ်စဉ်ကတည်းကတော့ မနက်ခင်းတိုင်းမှာ အပူအပင်မဲ့စွာနိူးထလာပြီး ဘဝကို ပေါ့ပေါ့ပါးပါး ဖြတ်သန်းသွားဖို့သာ ငါတွေးနေခဲ့တာပါ။ အခုချိန်မှာတော့ ငါ့အတွက် လူငယ်ဘဝတုန်းက ယုံကြည်မူတွေကို ပြန်လည် တည်ဆောက်ဖို့ဆိုတာ အတော်ကိုမှ ခက်ခဲတဲ့အရာဖြစ်လာခဲ့ပြီလေ။ ငါ့အမှားတွေကို အတတ်နိူင်ဆုံးတော့ ရေစုန်မျှောကြည့်မိပါသေးတယ်။ လုံးဝ ပကတိမသန့်စင်ရင်တောင် အကောင်းဆုံး ထဲက တစ်ခုခုလောက်လေး မျှော်လင့်ရင်း မိမိကိုယ်မိမိ အာမခံချက်လေး တစ်ခုကို ငါရှာတွေ့လို့ ရှာတွေ့ငြားနဲ့ပေါ့။ ဒါပေမယ့်လည်း ငါ့ဘဝက အချိန်တွေ ကြာမြင့်သွားတဲ့ထိအောင် ဘာမှ ထူးထူးခြားခြားမရှိလာခဲ့သလို ခမ်းခမ်းနားနားလည်း ဘာမှ ထပ်မံ မဖြစ်ပေါ်လာတော့ပါဘူး။
လီယိုနက္ခတ်နဲ့ ကောင်မလေးရေ
ခွင့်လွှတ်ခြင်းဆိုတာက အချစ်ရဲ့ နောက်ဆုံးသရုပ်ပဲတဲ့။ Forgiveness is the final form of love. -Reinhold Niebuhr(1892-1971)
မင်းက ငါ့ကို ဘယ်လောက်ကြာကြာ အကောင်းမြင်နိူင်မှာမို့လဲကွယ်။ အဖြေမရှိ..အဖြေမသိရတဲ့ လူတစ်ယောက်ရဲ့ ရင်ဘတ်ထဲမှာ လူငယ်တစ်ယောက်လို အပူအပင် ကင်းပစ်လိုက်ချင်တဲ့ အတ္တတွေဟာ အရိုးစွဲစေခဲ့ပေမယ့်လည်း ငါ့ရဲ့ဟန်ဆောင်မူတိုင်းဟာ.. တကယ်တော့ ရေရှည်မခံခဲ့တာ အမှန်ပဲပေါ့။ မင်းနဲ့တွေ့တဲ့အခါမှာတော့ ငါခံစားရတာက ရေငတ်နေတဲ့ လူတစ်ယောက် ရေတွင်းကြီးထဲ ပြုတ်ကျသွားသလိုမျိုးကို ခံစားရတယ်။ ငါ့ဘဝမှာ ရေငတ်ခဲ့တဲ့ရက်တွေကို လက်ချိုးရေကြည့်လိုက်တဲ့အခါ သက္ကရာဇ်မနည်းခဲ့ဘူးပဲလေ။ အခု ရေတွေ့ရလို့ ငါ ပျော်ပါတယ်။ အားရဝမ်းသာနဲ့ ခပ်ဖို့ ကြိုးစားချိန်မှာ ရေတွင်းထဲ ငါလိုအမှိုက် ပြုတ်ကျသွားရင် ဘယ်လိုလုပ်မလဲကွယ်။ ဒါကြောင့် မင်းဘက်ကကြည့်မြင်ရင်တော့ ငါဟာ ကြက်ခြေခတ်ကိုခေါ်င်းခုအိပ်၊ မရေရာခြင်းကို လက်မှာကိုင်စွဲလို့ မသေချာခြင်းနဲ့ပေါ်င်းသင်းပြီး လမ်းလျှောတ်ထွက်တတ်တဲ့လူလို့ မြင်မှာပဲ။ အခု ပြန်တည်ဆောက်လိုက်တဲ့ ငါ့အခြေအနေမှာ အသစ်ချွတ်ချွတ် စိတ်အသစ်တွေလည်း ရှိမနေခဲ့ပါဘူး။ ငါ့ အဟောင်းသက်သက်ကသာ ပူးပေါ်င်းပါဝင်လာခဲ့ပြီး မင်းခံစားကြည့်ဖို့ အကောင်းဆုံးအရာ ငါ့မှာ မရှိသလောက်ရှားပါတယ် လီယိုလေးရေ။ ဒါကြောင့် အတိတ်လက်ထဲမှာပဲ ငါ့ဘဝနဲ့ ငါ့ဘာသာ ရှိနေပါစေတော့ကွယ်။ မင်းလည်း မင်းအနာဂတ်နဲ့မင်း သစ်လွင်ဖူးပွင့်ပါစေတော့။
Jan1.2021
ရဟတ် (ကဗျာစုစည်းမူ)-၁၆
အနာမကျက်တဲ့ပင့်ကူ
***************
ဖြစ်လာဖို့ အများကြီး ရှိတာကြောင့်
ငါကြိုတွေးမိ
ရေခဲချောင်းတွေ အချိန်တန်တော့ အရည်ပျော်သွားချိန်
ငါစိတ်က ဓာတ်ခဲလိုသလားတွေးပြီး
ပင့်ကူတစ်ကောင်လိုကျင့်
ဆားမပေါ်က်ဖို့တော့ လိုနေတယ်
(ကောင်းကောင်း ထိန်းသိမ်းစောင့်ရှောက်ပါ။)
၁။ စိတ်အချဉ်ပေါ်က်တိုင်း ပတ်ဝန်းကျင် က နားဒုက္ခရောက်
၂။ ပင်အပ်တစ်ချောင်းနဲ့ ကိုယ့်နူတ်ခမ်းကိုယ်ထိုးဖောက်
၃။ အိမ်သာထဲမှာ ပင့်ကူတွေ အများကြီးတွေ့တယ်
ကောင်းပါပြီ။
ငါဟာ ရာသီဥတုနဲ့ ကင်းလွတ်ပြီး
အိမ်ယက်ဖောက်ခဲ့...
သင်ခိုး ကြည့်နေတယ်။ ဖယ်ရှားမကြည့်နိူင်သေးတာကို စိတ်တိုကောင်းတိုမယ်။
ခါးသီးလွန်းတဲ့ကော်ဖီခွက်ထဲ
ငါခုန်ဆင်းခဲ့မယ်
ဆုတောင်းတွေ တသီကြီး ရွတ်ထားပေါ့...။
၁။ ငါးစာသည် ဘယ်တော့မှ ငါမဟုတ်
၂။ အပျင်းပြေချင် အရုပ်နဲ့ဆော့
၃။ ငါ့ကိုကျဆုံးချင်ရင် ငါကိုမေးခွန်းထုတ်
အရမ်းသေးငယ်တဲ့ မျှော်လင့်ချက်နဲ့တော့ ထောင်ချောက်ကို ခလုတ်မဖြုတ်နဲ့တော့..
စိတ်တွေ သေအောင်ရွက်လွင့်
ငါက နံရံမှာ မျှော်လင့်ချက်တွေ ကပ်မယ်
လာမနမ်းနဲ့ မုသားဟာ
ငါ့အစားအစာမဟုတ်တာ သေချာတယ်
ကဲ..ငါကစောင့်ကြည့်ရမလား
ပြော...သင်က စောင့်ကြည့်မလား
သေသေချာချာတော့တွေး
ငါက ပင့်ကူတစ်ကောင်တော့ ဖြစ်မယ်..။
2012
မျော
တိုးလျိုပေါ်က်က ချောင်းကြည့်မိတော့
ငါတို့ဟာ..
ကွင်းပြင်ကြယ်ကြီးတဲ့ ပြေးလွှားနေကြတဲ့ ပုရွက်ဆိတ် တွေလို
အချိုအဆိမ့်နဲ့
အီတဲ့အရသာတွေကို ပိုက်ထွေးပြီး
ကိုယ့်အိမ်ကလေးထဲ
အိပ်မောကျနေသူတစ်ချို့
စကားစမြည်းပြောကြ..
ရယ်ကြ၊ ငိုကြ
နောက်..တံခါးဖွင့်သံကြားမိတဲ့အခါ
ဝင်လာသူလား၊ ထွက်သွားသူလား
နားစွင့်လိုက်မိကြ..
များပြားထွေပြားတဲ့
အဖြစ်သနစ်တွေကြား
မျတ်နှာမွဲမဟုတ်ကြောင်း
ကိုယ့်ဂုဏ်ကိုယ်ဖော်လိုက်ကြ
တကယ်က
မျောချင်တိုင်းမျောပါနေရတဲ့
ဇာတ်ကောင်တွေဆိုတာ
ဘဝ ဝပ်ကျင်းများက အသိပါ။
May9.2012
ပြတ်ရှဒဏ်ရာများနှင့်ည
သစ်ပင်သေပမာ
နေရောင်ပျောက်နေခဲ့သော နူတ်ခမ်းများ
ခိုးထွက်လာလှည့်ပါလား တစ္ဆေရယ်။
ငါတည်သော
မီးပြတိုက် ညများ
ဘဝချင်း ခြားနားပြနေတာတောင်
အလွမ်းတွေ ထိန်ထိန်လင်းပြဆဲ။
လွမ်းဓာတ်ခံနေရသော ပင်လယ်
အပူမိ ပိုးဖလံတောင်ပံမဲ့ရသလို
လှိုင်းတွေထဲ တဖျပ်ဖျပ်လူးပြ
မျက်ရည်စို့ရပါသော ဂီတ။
ခေါ်င်မြီးခြုံထားတဲ့ လင်းနို့များ
ညနေစိမ်းလေး မရှိတော့လို့
အသိညဏ်မဲ့တဲ့ထိကို ငိုယို။
ဌက်တေလေ လ
ချောင်းကြည့်ပေါ်က်နားက မခွာ
အိပ်ချင်ယောင်ဆောင်ကာ လွမ်းပျပျ
အာရုဏ်ကြောက်နေရှာသော ည့ဉ်များ
ဒီလိုနဲ့ အချိန်စျာပန
တစ္ဆေမလေးရယ် မေ့ရက်သွား
သင် ကိုယ်ထင်မပြ
မနိူးထခဲ့တဲ့ ညဟာ
နှလုံးသား ပြတ်ရှဒဏ်ရာနဲ့
လဲလျောင်းအိပ်စက်သွားရသော ငါနဲ့။
Oct2.2020
ညကဗျာ နှင့် အထီးကျန်အက်ဆေး-၁
poetry ကဗျာဟူသည် ကဗျာဆိုသည်မှာ မိမိရောက်နေသောခေတ် အသက်ရှင်နေသောခေတ်၏အတွေးအခေါ်များကို အခြေခံ၍ သက်ရောက်မှုအများဆုံးရှိသော ခံစားမှုကို ဖန်တီးပ...
